26/10/2018 10:54 GMT+7 Email Print Like 0

ຫວຽດນາມ ແລະ ອີຢູ ມານະພະຍາຍາມ ຊຸກຍູ້ການລົງນາມ ແລະ ໃຫ້ສັດຕະຍາບັນສັນຍາ EVFTA ໂດຍໄວ

ສັນຍາ EVFTA  ພວມໄດ້ຮັບຄວາມມານະພະຍາຍາມປະຕິບັດສໍາເລັດບັນດາລະບຽບການຈາກສອງຝ່າຍ ເພື່ອອາດຈະລົງນາມ ແລະ ໃຫ້ສັດຕະຍາບັນໂດຍໄວ.
 
ທ່ານນາງ ເລທິທູຮັ່ງໂຄສົກກະຊວງການຕ່າງປະເທດ (ພາບ:news.zing.vn)

ໃນການປະຊຸມຂ່າວປະຈໍາເດືອນຂອງກະຊວງການຕ່າງປະເທດຫວຽດນາມ ໄດ້ດໍາເນີນໃນຕອນບ່າຍວັນທີ 25 ຕຸລາ ຢູ່ຮ່າໂນ້ຍ. ໂຄສົກກະຊວງການຕ່າງປະເທດ ທ່ານນາງ ເລທິທູຮັ່ງ ຢັ້ງຢືນວ່າ: ສັນຍາ EVFTA  ພວມໄດ້ຮັບຄວາມມານະພະຍາຍາມປະຕິບັດສໍາເລັດບັນດາລະບຽບການຈາກສອງຝ່າຍ ເພື່ອອາດຈະລົງນາມ ແລະ ໃຫ້ສັດຕະຍາບັນໂດຍໄວ. ທ່ານນາງ ເລທິທູຮັ່ງ ກ່າວວ່່າ:

        “ວັນທີ 17 ຕຸລາ 2018 ຜ່ານມາ, ຄະນະກໍາມະການເອີຣົບ ໄດ້ຕົກລົງຍື່ນສະເໜີສະພາເອີຣົບ ຮັບເອົາ ເພື່ອລົງນາມສັນຍາ EVFTA ຢ່າງເປັນທາງການ. ນີ້ແມ່ນບາດກ້າວພັດທະນາສໍາຄັນ ສະແດງໃຫ້ເຫັນຄວາມຕັດສິນໃຈຂອງທັງສອງຝ່າຍ ໃນການຊຸກຍູ້ EVFTA  ປະກອບສ່ວນໃຫ້ແກ່ການພົວພັນຄູ່ຮ່ວມມື, ການຮ່ວມມືຮອບດ້ານ ແລະ ການສະໜັບສະໜູນສໍາລັບການຄ້າເສລີພ້ອມກັນມີຜົນປະໂຫຍດ ແລະ ລະບົບການຄ້າຫຼາຍຝ່າຍເປີດ. ບົນຈິດໃຈນັ້ນ, ສອງຝ່າຍ ກໍຄວນພ້ອມກັນມານະພະຍາຍາມ ຊຸກຍູ້ເພື່ອອາດຈະລົງນາມ, ໃຫ້ສັດຕະຍາບັນ ແລະ ນໍາສັນຍານີ້ ກ້າວເຂົ້າສູ່ການປະຕິບັດໂດຍໄວ”.

(ແຫຼ່ງຄັດຈາກ VOV)