19/12/2014 10:17 GMT+7 Email Print Like 0

ຫວຽດນາມ ແລະ ອິນເດຍ ເຫັນດີເປັນເອກະສັນນຳ ການພົວພັນດ້ານປ້ອງກັນຊາດ 2 ຝ່າຍກ້າວເຂົ້າສູ່ລວງເລິກ


ພົນ​ເອກ Dalbir Singh ແລະ ພົນ​ໂທ ໂດ໋​ບ໋າ​ຕິ

(ພາບ: Tr
ng Đức/TTXVN)

​​ຕອນ​ບ່າ​ຍ​ວັນ​ທີ 17/12, ທີ່​ສຳ​ນັກ​ງານ​ກະ​ຊວງ​ປ້ອງ​ກັນ​ປະ​ເທດ, ພົນ​ໂທ ໂດ໋​ບ໋າ​ຕິ, ຫົວ​ໜ້າ​ເສ​ນາ​ທິ​ການ​ໃຫຍ່ກອ​ງ​ທັບ​ປະ​ຊາ​ຊົນ ຫວຽດ​ນາມ ໄດ້​ໃຫ້​ການ​ຕ້ອນ​ຮັບ​ຄະ​ນະ​ບັນ​ຊາ​ການ​ທະ​ຫານ​ບົກ ອິນ​ເດຍ ໂດຍ​ທ່ານ​ພົນ​ເອກ Dalbir Singh ເປັນ​ຫົວ​ໜ້າ​ຄະ​ນະ, ເນື່ອງ​ໃນ​ໂອ​ກາດ​ມາ​ຢ້ຽມ​ຢາມ ແລ​ະ ເຮັດ​ວຽກ​ຢູ່ ຫວຽດ​ນາມ. ທີ່​ການ​ຕ້ອນ​ຮັບ, ພົນ​ໂທ ໂດ໋​ບ໋າ​ຕິ ເນັ້ນ​ໜັກ​ວ່າ: ໃນ​ໄລ​ຍະ​ຜ່ານ​ມາ, ການ​ພົວ​ພັນ​ປ້ອງ​ກັນ​ຊາດ​ລະ​ຫວ່າງ ຫວຽດ​ນາມ ແລະ ອິນ​ເດຍ ພັດ​ທະ​ນາ​ອັນ​ດີ​ງາມ​ໃນຫຼາຍ​ດ້ານ, ພິ​ເສດ​ແມ່ນ​ນັບ​ແຕ່​ເມື່ອ 2 ຝ່າຍ​ເຊັນ​ບົດ​ບັນ​ທຶກ​ຊ່ວຍ​ຈຳ​ກ່ຽວ​ກັບ​ການ​ຮ່ວມ​ມື​ປ້ອງ​ກັນ 2 ຝ່າຍ​ໃນ​ປີ 2009. ທ່ານ​ຫົວ​ໜ້າ​ເສ​ນາ​ທິ​ການ​ໃຫຍ່​ສະ​ແດງ​ຄວາມ​ເຊື່ອ​ໝັ້ນ​ວ່າ: ການ​ຢ້ຽມ​ຢາມ​ຂອງ​ຄະ​ນະ​ຈະ​ປະ​ກອບ​ສ່ວນ​ເພີ່ມ​ທະ​ວີ​ການ​ພົວ​ພັນ​ມິດ​ຕະ​ພາບ, ຄວາມ​ເຂົ້າ​ອົກ​ເຂົ້າ​ໃຈ​ເຊິ່ງ​ກັນ ແລະ ກັນ​ລະ​ຫວ່າງ​ກຳ​ລັງ​ທະ​ຫານ​ບົກ 2 ປະ​ເທດ​ເວົ້າ​ສ​ະ​ເພາະ ແລະ ກອງ​ທັບ​ 2 ປະ​ເທດ​ເວົ້​າ​ລວມ.

        ພົນ​ໂທ ໂດ໋​ບ໋າ​ຕິ ສະ​ເໜີ​ໃຫ້ 2 ຝ່າຍ​ເປັນ​ເຈົ້າ​ການ​ຫັນ​ບັນ​ດາ​ຂໍ້​ຕົກ​ລົງໃຫ້ປະ​ກົດ​ຜົນ​ເປັນ​ຈິງ, ປະ​ກອບ​ສ່ວນ​ນຳ​ການ​ພົວ​ພັນ​ປ້ອງ​ກັນ​ປະ​ເທດ 2 ຝ່າຍ​ນັບ​ມື້​ນັບ​ກ້າວ​ເຂົ້າ​ສູ່​ລວງ​ເລິກ.

 (​ແຫຼ່ງຄັດ​ຈາກ VOV)