27/12/2017 10:18 GMT+7 Email Print Like 0

ຫວຽດນາມ ເຂົ້າຮ່ວມຢ່າງຕັ້ງໜ້າໃນການສ້າງບັນດາເສົາຄ້ຳປະຊາຄົມ ອາຊຽນ ປີ 2017

      ຕາມທ່ານຮອງລັດຖະມົນຕີ ຫງວຽນກວກຢູ້ງ ແລ້ວ, ບັນດາການປະກອບສ່ວນຢ່າງຕັ້ງໜ້າຂອງ ຫວຽດນາມ ໄດ້ຮັບການສະແດງອອກຜ່ານ 3 ເສົາຄ້ຳ ນັ້ນແມ່ນ: ການເມືອງ; ຄວາມໝັ້ນຄົງ; ເສດຖະກິດ ແລະ ວັດທະນະທຳ -ສັງຄົມ

ກອງປະຊຸມກ່ຽວກັບເສົ້າຄ້ຳ ອາຊຽນ
(ພາບ: Nguyễn Khang/TTXVN)
      ຫວຽດນາມ ເຂົ້າຮ່ວມຢ່າງຕັ້ງໜ້າໃນການສ້າງບັນດາເສົາຄ້ຳປະຊາຄົມ ອາຊຽນ ປີ 2017 - ນີ້ແມ່ນການຢັ້ງຢືນຂອງທ່ານ ຫງວຽນກວກຢູ້ງ, ຮອງລັດຖະມົນຕີກະຊວງການຕ່າງປະເທດ ຫວຽດນາມ ທີ່ກອງປະຊຸມບັນດາເສົ້າຄ້ຳປະຊາຄົມເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນສ້າງຕັ້ງ ອາຊຽນ, ໃນຕອນເຊົ້າວັນທີ 26 ທັນວາ, ຢູ່ຮ່າໂນ້ຍ. ຕາມທ່ານຮອງລັດຖະມົນຕີ ຫງວຽນກວກຢູ້ງ ແລ້ວ, ບັນດາການປະກອບສ່ວນຢ່າງຕັ້ງໜ້າຂອງ ຫວຽດນາມ ໄດ້ຮັບການສະແດງອອກຜ່ານ 3 ເສົາຄ້ຳ ນັ້ນແມ່ນ: ການເມືອງ; ຄວາມໝັ້ນຄົງ; ເສດຖະກິດ ແລະ ວັດທະນະທຳ -ສັງຄົມ:
        ກ່ຽວກັບດ້ານການເມືອງ, ຄວາມໝັ້ນຄົງ, ຫວຽດນາມ ໄດ້ເປັນເຈົ້າການພັດທະນາບັນດາກົນໄກຮັບປະກັນຄວາມໝັ້ນຄົງ ໂດຍຜ່ານການສ້າງຄວາມໄວ້ເນື້ອເຊື່ອໃຈ ແລະ ມາດຖານການປະພຶດ. ຫຼາຍແນວຄວາມຄິດ ແລະ ຫົວຄິດປະດິດສ້າງຂອງ ຫວຽດນາມ ໄດ້ເປັນທີ່ຍອມຮັບ ແລະ ນຳໃຊ້ຢ່າງກ້ວາງຂວາງ, ໃນນັ້ນ ມີບັນດາຂໍໍ້ລິເລີ່ມກ່ຽວກັບການສ້າງຄວາມໄວ້ເນື້ອເຊື່ອໃຈ, ກົນໄກການຮ່ວມມື. ການຮ່ວມມືເສດຖະກິດກໍ່ແມ່ນຈຸດເດັ່ນໃນວິວັດທະນາການ ຫວຽດນາມ ເຂົ້າຮ່ວມສ້າງປະຊາຄົມ ອາຊຽນ. ຫວຽດນາມ ພ້ອມກັບບັນດາປະເທດສ້າງບຸລິມະສິດໃນປີ 2017, ກວດກາ ຜັນຂະຫຍາຍບັນດາຄຳໝັ້ນສັນຍາກ່ຽວກັບການຄ້າ, ສິນຄ້າ, ການບໍລິການ, ການລົງທຶນ, ຕັ້ງໜ້າຜັນຂະຫຍາຍບັນດາມາດຕະການສ້າງຄວາມສະດວກດ້ານການຄ້າ.
        ໃນການສ້າງປະຊາຄົມວັດທະນະທຳ - ສັງຄົມ, ຫວຽດນາມ ຕັ້ງໜ້າເຂົ້າຮ່ວມບັນດາການເຄື່ອນໄຫວກ່ຽວກັບການປົກປ້ອງສິດຜົນປະໂຫຍດຂອງຜູ້ອອກແຮງງານ, ເສີມຂະຫຍາຍບົດບາດຂອງ ແມ່ຍິງ, ເດັກນ້ອຍ, ຄົນພິການ, ຊາວໜຸ່ມກັບການປ່ຽນແປງຂອງດິນຟ້າອາກາດ.
 (ແຫຼ່ງຄັດຈາກ VOV)