10/03/2016 10:11 GMT+7 Email Print Like 0

ຫວຽດນາມ-ເຢຍລະມັນສືບຕໍ່ຍູ້ແຮງການພົວພັນຮ່ວມມືດ້ານປ້ອງກັນຊາດ


ຫວຽດ​ນາ​ມ-ເຢຍ​ລະ​ມັນ​ສືບ​ຕໍ່​ຍູ້​ແຮງ​ການ​ພົວ​ພັນ​ຮ່ວມ​ມື​ດ້ານ​ປ້ອງ​ກັນ​ຊາດ
(ພາບ: VTC)
      ຕອນ​ບ່າຍ​ວັນ​ທີ 08/03, ພົນ​ເອກ ຟູ່ງກວາງ​ແທງ, ລັດ​ຖະ​ມົນ​ຕີ​ວ່າ​ການ​ກະ​ຊວງ​ປ້ອງ​ກັນ​ປະ​ເທດ ໄດ້​ໃຫ້​ການ​ຕ້ອນ​ຮັບ​ຄະ​ນະ​ຜ​ູ້​ແທນ​ຂັ້ນ​ສູງ​ກະ​ຊວງ​ປ​້ອງ​ກັນ​ປະ​ເທດ​ສ.ສະ​ຫະ​ພັນ​ເຢຍ​ລະ​ມັນ ໂດຍທ່ານ​ປະ​ລິ​ຍາ​ເອກ Ralf Brauksiepe, ລັດ​ຖະ​ມົນ​ຕີ​ປ້ອງ​ກັນ​ປະ​ເທດເຢຍ​ລະ​ມັນ ເປັນ​ຫົວ​ໜ້າ​ຄະ​ນະ, ພວມ​ຢ້ຽມ​ຢາມ ແລະ ເຮັດ​ວຽກ​ຢູ່​ຫວ​ຽດ​ນາມ. ພົນ​ເອກ ຟູ່ງກວາງ​ແທງ ເນັ້ນ​ໜັກ​ວ່າ, ການມາ​ຢ້ຽມ​ຢາມ​ຫວຽດ​ນາມ ​ຂອງ​ຄະ​ນະ​ຜູ້​ແທນ​ມີ​ຄວາມ​ໝາຍ​ແທດ​ຈິງ, ປະ​ກອບ​ສ່ວນ​ເຂົ້າ​ໃນ​ການ​ເພີ່ມ​ທະ​ວີ​ຄວາມ​ເຂົ້າ​ອົກ​ເຂົ້າ​ໃຈ, ຊຸກ​ຍູ້​ການ​ຮ່ວມມ​ື​ໂ​ດຍ​ອີງ​ໃສ່​ທ່າ​ແຮງ​ຂອງ 2 ຝ່າຍ. ທ່ານພົນ​ເອກ ຟູ່ງກວາງ​ແທງ ໄດ້​ຕີ​ລາ​ຄາ​ສູງ​ໝາກ​ຜົນ​ແຫ່ງ​ການ​ເຈ​ລະ​ຈາ​ລະ​ຫວ່າງ​ຄະ​ນະ​ຜູ້​ແທນ​ກະ​ຊວງ​ປ້ອງ​ກັນ​ປະ​ເທດ​ເຢຍ​ລະ​ມັນ ແລະ ກະ​ຊວງ​ປ້ອງ​ກັນ​ປະ​ເທດ​ຫວຽດ​ນາມ ແລະ ປາດ​ຖະ​ໜາ​ວ່າ, ກະ​ຊວງ​ປ້ອງ​ກັນ​ປະ​ເທດ 2 ປະ​ເທດ​​ຄວນມີ​​ໂຄງ​ການ​ຮ່ວມ​ມື​​ຫຼາຍກວ່າ​ອີກ, ເໝາ​ະ​ສົມ​ກັບ​ການ​ພົວ​ພັນ​ຮ່ວມ​ມື ແລະ ​ຄວາມ​ສາ​ມາດ​ບົ່ມ​ຊ້ອນທ່າ​ແຮງ​ຂອງ 2 ຝ່າຍ.
      ສ່ວນທ່ານ​ປະ​ລິ​ຍາ​ເອກ Ralf Brauksiepe ເນັ້ນ​ໜ​ັກ​ວ່າ, ບົນ​ພື້ນ​ຖານ​ການ​ພົວ​ພັນ​ອັນ​ດີ​ງາມ​ລະ​ຫວ່າງ 2 ປະ​ເທດ, ໃນ​ໄລ​ຍະ​ຈະ​ມ​າ​ເຖິງ​ການ​ຮ່ວມ​ມື​ດ້ານ​ປ້ອງ​ກັນ​ຊາດ 2 ປະ​ເທດ​​ຄວນ​​ໄດ້​ຮັບ​ການ​ຍູ້​ແຮງກວ່າ​ອີກ, ເໝາະ​ສົມ​ກັບ​ທີ່​ຕັ້ງບົດ​ບາດ ແລະ ການ​ພົວ​ພັນ​ດ້ານ​ການ​ເມືອງ​ອັນ​ດີ​ງາມ​ຂອງ 2 ປະ​ເທດ. ໃນ​ບັນ​ຫາ​ທະ​ເລ​ຕາ​ເວັນ​ອອກ, ເຢຍ​ລະມັນ ສະ​ໜັບ​ສະ​ໜູນ​ທັດ​ສະ​ນະ​ຂອງ​ຫວຽດ​ນາມ ໃນ​ການ​ແກ້​ໄຂ​ບັນ​ດາ​​ຄວາມ​ເຄັ່ງ​ຕຶງ​ຢູ່​ທະ​ເລ​ຕາ​ເວັນ​ອອກ ໂດຍ​ສັນ​ຕິ​ວິ​ທີ ແລະ ເ​ຄົາ​ລົບ​ກົດ​ໝາຍ​ສາ​ກົນ.
    ກ່ອ​ນ​ໜ້ານັ້ນ, ຕ​ອນ​ບ່າຍ​ວັນ​ທີ 08/03, ທີ່​ນະ​ຄອນຫຼວງ​ຮ່າ​ໂນ້ຍ, ທ່ານ ​ພົນໂທ ຫງວຽນ​ຈີ​ວິງ, ລັດ​ຖະ​ມົນ​ຕີ​ຊ່ວຍວ່າ​ການ​ກະ​ຊວງ​ປ້ອງ​ກັນ​ປະ​ເທດ ​ໃຫ້​ການຕ້ອນ​ຮັບ​ຄະ​ນະຜູ້​ແທນ​ຂັ້ນ​ສູງ​ກະ​ຊວງ​ປ້ອງ​ກັນ​ປະ​ເທດ ​ສະ​ທາ​ລະ​ນະ​ລັດສະ​ຫະ​​ພັນ​ເຢຍ​ລະ​ມັນ ໂດຍ ດ​ຣ Ralf Brauksiepe,-ລັດ​ຖະ​ມົນ​ຕີ​​ວ່າ​ການກະ​ຊວງ​ປ້ອງ​ກັນ​ປະ​ເທດ​ເຢຍ​ລະ​ມັນ​ ນຳ​ໜ້າໃນ​ໂອ​ກາດ​​ຄະ​ນະມາ​ຢ້ຽມ​ຢາມ ແລະ ເຮັດ​ວຽກ ຢູ່ ຫວຽດ​ນາມ. ທ່ານ ​ພົນໂທ ຫງວຽນ​ຈີ​ວິງ ສະ​ເໜີ​ໃນ​​ໄລ​ຍະ​ຈະ​ມາ​ເຖິງ​ ສອງ​ຝ່າຍ​ຕ້ອງ​ເພີ່ມ​ທະ​ວີ​ການແລກ​ປ່ຽນ​ບັນ​ດາຄະ​ນະ​​ການ​ທະ​ຫານ​ທຸກ​ຂັ້ນ, ເພີ່ມ​ທະ​ວີ​ການ​ຮ່ວມ​ມື​ຝຶກ​ອົບ​ຮົມ ແລະ ກໍ່​ສ້າງ, ການ​ຮ່ວມ​ມື​ດ້ານ​ອຸ​ດ​ສາ​ຫະກຳ​ປ້ອງ​ກັນ​ຊາດ, ແລກ​ປ່ຽນ​​ບົດ​ຮຽນ​ ໃນການ​ເຄື່ອນ​ໄຫວ​ປົກ​ປັກ​ຮັກ​ສາ​ ສັນ​ຕິ​ພາບ​ສະ​ຫະ​ປະ​ຊາ​ຊາດ, ການຮ່ວມ​ມື​ໃນ​ການ​ແກ້​ໄຂຜົນ​ຮ້າຍ​ຍ້ອນຫຼັງ​ຈາກ​ສົງ​ຄາມ ຢູ່​ຫວຽດ​ນາມ. ທ່ານ ດ​ຣ Ralf Brauksiepe ຢັ້ງ​ຢືນ​ວ່າ ​ຝ່າຍ​ເຢຍ​ລະ​ມັນ​ ຈະ​ເຮັດ​​ຈົນສຸດ​ຄວາມ​ສາ​ມາດ​ຂອງ​ຕົນ ເພື່ອ​ຊ່ວຍ​ເຫຼືອ​ຫວຽດ​ນາມ ໃນ​ການ​ຮ່ວມ​ມື ສຶກ​ສາ-ກໍ່​ສ້າງ, ອຸດ​ສາ​ຫະ​ກຳ​ປ້ອງ​ກັນ​​ຊາດ.
    ຕອນ​ບ່າຍ​ຂອງວັນ​ດຽວ​ກັນ, ທ່ານ ດ​ຣ Ralf Brauksiepe, ​​ລັດຖະ​ມົນ​ຕີ​​ວ່າ​ການກະ​ຊວງ​ປ້ອງ​ກັນ​ປະ​ເທດ​ເຢຍ​ລະ​ມັນ ໄດ້​ເຂົ້າ​ຢ້ຽ​ມ​ຄຳ​ນັບພົນ​ເອກ ຟູ່ກວາງ​ແທງ, ລັດ​ຖະ​ມົນ​ຕີ​ວ່າ​ການ​ກະ​ຊວງ​ປ້ອງ​ກັນ​ປະ​ເທດ.
 (ແຫຼ່ງຄັດຈາກ VOV)