30/04/2015 21:05 GMT+7 Email Print Like 0

ຫວຽດນາມ ເພີ່ມທະວີການຮ່ວມມື ກັບບັນດາປະເທດ ອາຊີ-ອາຟຣິກາ

ໃນຖານະເປັນໜຶ່ງ ໃນບັນດາປະເທດລິເລີ່ມສ້າງຕັ້ງ ກອງປະຊຸມ Bandung 1955, ເປັນຄູ່ຮ່ວມມືທີ່ໄວ້ວາງໃຈ, ສະມາຊິກ ທີ່ມີຄວາມຮັບຜິດຊອບ ຂອງວົງຄະນາຍາດບັນດາປະເທດ ອາຊີ-ອາຟຣິກກາ, ຄະນະຜູ້ແທນຂັ້ນສູງ ຫວຽດນາມ ໂດຍທ່ານ ປະທານປະເທດ ເຈືອງເຕິນຊາງ ເປັນຜູ້ນຳໜ້າ ໄດ້ມີການ ປະກອບສ່ວນ ອັນສຳຄັນ ຢູ່ໃນກອງປະຊຸມສຸດຍອດ ອາຊີ-ອາຟຣິກກາ, ພິທີສະເຫຼີມສະຫຼອງ 60 ປີ ແຫ່ງວັນຈັດກອງປະຊຸມ Bandung ແລະ 10 ປີແຫ່ງວັນສ້າງຕັ້ງ “ຄູ່ຮ່ວມມືຍຸດທະສາດ ອາຊີ-ອາຟຣິກາໃໝ່” ທີ່ຈັດຂຶ້ນຢູ່ປະເທດ ອິນໂດເນເຊຍ ແຕ່ວັນທີ 21-24 ເມສາຜ່ານມາ. 
ບັນດາບົດປາໄສຂອງຜູ້ນຳຂັ້ນສູງຫວຽດນາມ ທີ່ກອງປະຊຸມ ໄດ້ຊ່ວຍໃຫ້ເພື່ອນມິດທັງຫລາຍໄດ້ ເຂົ້າໃຈຢ່າງລະອຽດຕື່ມ ກ່ຽວກັບ ຄວາມມານະພະຍາຍາມ ຂອງຫວຽດນາມ ພ້ອມກັບ ບັນດາປະເທດ ອາຊຽນ ໃນການສ້າງພາກພື້ນ ອາຊີຕາເວັນອອກ ສຽງໃຕ້ມີສັນຕິພາບ, ສະຖຽນລະພາບ ແລະ ວັດຖະນາຖາວອນ; ໃນນັ້ນ ເນັ້ນໜັກ ຮຽກຮ້ອງໃຫ້ແກ້ໄຂບັນດາຂໍ້ຂັດແຍ້ງ ໂດຍສັນຕິວິທີ ແລະ ສອດຄ່ອງກັບກົດໝາຍສາກົນ, ຮັບປະກັນ ສິດເສລີພາບ ແລະ ໝັ້ນຄົງ, ຄວາມສະຫງົບປອດໄພ ດ້ານການ ເດີນທະເລ, ເດີນອາກາດ; ພ້ອມກັນນັ້ນກໍ່ແບ່ງປັນບັນດາແນວຄິປະດິດສ້າງ, ປະສົບການຂອງ ຫວຽດນາມ ໃນການຊຸກຍູ້ ການຜູກພັນກັນ, ຮ່ວມມື ພັດທະນາ ກັບບັນດາປະເທດ ອາຟຣິກກາ, ຮ່ວມມື ນາມ-ນາມ.  

ທ່ານປະທານປະເທດ ເຈືອງເຕິນຊາງ ແລະ ບັນດາທ່ານ ຫົວໜ້າ ຄະນະປະເທດຕ່າງໆ ເຂົ້າຮ່ວມພິທີໄຂ
ກອງປະຊຸມສຸດຍອດ ອາຊີ-ອາຟຣິກກາ ທີ່ຈັດຂຶ້ນ ຢູ່ປະເທດ ອິນໂດເນເຊຍ. ພາບ: ຫງວຽນຄາງ-VNA

 

ທ່ານປະທານປະເທດ ເຈືອງເຕິນຊາງ ກ່າວປາໄສ ທີ່ກອງປະຊຸມ ຄົບຄະນະທີ 1
ຂອງກອງປະຊຸມສຸດຍອດ ອາຊີ-ອາຟຣິກກາ.  ພາບ: ຫງວຽນຄາງ-VNA

 

ກອງ ປະຊຸມຄົບຄະນະທີ 1 ຂອງກອງປະຊຸມຂັ້ນສູງ ອາຊີ-ອາຟຣິກກາ.  ພາບ: ຫງວຽນຄາງ-VNA
 

ທ່ານປະທານປະເທດ ເຈືອງເຕິນຊາງ ໃນການ ພົບປະແລກປ່ຽນ ຄຳຄິດຄຳເຫັນກັບທ່ານ Joko Widodo,
ປະທານາທິບໍດີ ອິນໂດເນເຊຍ. ພາບ: ຫງວຽນຄາງ-VNA

 

ທ່ານປະທານປະເທດ ເຈືອງເຕິນຊາງ ແລະ ບັນດາທ່ານ ຫົວໜ້າ ຄະນະປະເທດຕ່າງໆ ເຂົ້າຮ່ວມພິທີສະເຫຼີມສະຫຼອງ
60 ປີແຫ່ງວັນຈັດກອງປະຊຸມ Bandung (1995-2015) ແລະ 10 ປີແຫ່ງວັນສ້າງຕັ້ງ
“ຄູ່ຮ່ວມມືຍຸດທະສາດ ອາຊີ-ອາຟຣິກກາໃໝ່”. ພາບ: ຫງວຽນຄາງ-VNA

 
ສານ ທີ່ທ່ານປະທານປະເທດເຈືອງເຕິນຊາງ ໄດ້ຍົກຂຶ້ນໃນ ກອງ ປະຊຸມກ່ຽວກັບ “ເພີ່ມທະວີ ການຜູກພັນ ເຊື່ອມຕໍ່ ອາຊີ-ອາຟຣິກກາ ເພື່ອສັນຕິພາບ ແລະ ຄວາມວັດທະນາຖາວອນ ຂອງໂລກ ບົນພື້ນຖານກົດໝາຍສາກົນ” ໄດ້ຮັບການຊົມເຊີຍ ແລະ ເປັນເອກະພາບໃນລະດັບສູງ ຈາກເພື່ອນມິດ ອາຊີ-ອາຟຣິກກາ, ແລະ ເປັນໜຶ່ງໃນບັນດາເນື້ອໃນກວມ ລວມຂອງກອງ ປະຊຸມ.

ຫວຽດນາມ ໄດ້ຕັ້ງໜ້າປະກອບສ່ວນໃນການສ້າງ ບັນດາເອກະ ສານ ຂອງກອງປະຊຸມ ທັງສ່ອງແສງ ໃຫ້ເຫັນຄວາມສົນໃຈລວມ ຂອງບັນດາ ປະເທດ ອາຊີ-ອາຟຣິກກາ, ທັງສອດຫ້ອຍ ບັນດາ ເນື້ອໃນສຳຄັນສໍາລັບຫວຽດນາມ ທີ່ກ່ຽວຂ້ອງກັບ ທະເລຕາເວັນ ອອກ, ຄວາມສະຫງົບປອດໄພ ຂອງແຫຼ່ງນ້ຳ ແລະ ອື່ນໆ…

ຢູ່ນອກກອງປະຊຸມ, ທ່ານປະທານປະເທດ ເຈືອງເຕິນຊາງ ແລະ ບັນດາສະມາຊິກໃນຄະນະ ໄດ້ມີການພົບປະກັບທ່ານ ຫົວໜ້າ ຄະນະ ຂອງ 25 ປະເທດ ເພື່ອປຶກສາຫາລືສົນທະນາ ບັນດາ ມາດຕະການລະອຽດ ແນໃສ່ຊຸກຍູ້ ການພົວພັນຮ່ວມ ມືສອງຝ່າຍ, ໂດຍສະເພາະແມ່ນກ່ຽວກັບຂົງເຂດການຄ້າ ແລະ ການ ລົງທຶນ, ຈາກນັ້ນຮັດແໜ້ນ ຕື່ມຄວາມສາມັກຄີ ກັບ ບັນດາ ປະເທດອາຊີ-ອາຟຣິກກາ, ຍາດແຍ່ງ ການສະໜັບສະໜູນ ຈາກບັນດາປະເທດເຫລົ່ານີ້ຕື່ມ ຕໍ່ບັນດາບັນຫາທີ່ ຫວຽດນາມ ສົນໃຈ.

ທ່ານປະທານປະເທດ ເຈືອງເຕິນຊາງ ໃນການພົບປະແລກປ່ຽນ ຄຳຄິດຄຳເຫັນກັບທ່ານ Hassa Rouhani,
ປະທານາທິບໍດີ ອີຣານ. ພາບ: ຫງວຽນຄາງ-VNA

 

ທ່ານປະທານປະເທດ ເຈືອງເຕິນຊາງ ໃນການພົບປະແລກປ່ຽນ ຄຳຄິດຄຳເຫັນກັບທ່ານ Ibrahim Mahlab,
ນາຍົກລັດຖະມົນຕີ ອີຢິບ. ພາບ: ຫງວຽນຄາງ-VNA

 

C
ທ່ານປະທານປະເທດ ເຈືອງເຕິນຊາງ ໃນການພົບປະແລກປ່ຽນ ຄຳຄິດຄຳເຫັນກັບທ່ານ Rami Hamdallah,
ນາຍົກລັດຖະມົນຕີ ແຫ່ງລັດ ປາແລັສຕີນ. ພາບ: ຫງວຽນຄາງ-VNA

 

ທ່ານປະທານປະເທດ ເຈືອງເຕິນຊາງ ໃນການຕ້ອນຮັບທ່ານ Cyril Ramaphosa,
ຮອງປະທານາທິບໍດີ ອາຟຣິກກາໃຕ້. ພາບ: ຫງວຽນຄາງ-VNA

 

ທ່ານປະທານປະເທດ ເຈືອງເຕິນຊາງ ໃນການຕ້ອນຮັບທ່ານ Manuel Domingos Vicente,
ຮອງປະທານາທິບໍດີ ອັງໂກລາ. ພາບ: ຫງວຽນຄາງ-VNA

 

ທ່ານປະທານປະເທດ ເຈືອງເຕິນຊາງ ໃນການພົບປະແລກປ່ຽນ ຄຳຄິດຄຳເຫັນກັບທ່ານ Kim Yong Nam,
ປະທານ ຄະນະກຳມະການ ປະຈຳກອງປະຊຸມປະຊາຊົນສຸງສຸດ ສປປ.ເກົາຫຼີ. ພາບ: ຫງວຽນຄາງ-VNA

 

ທ່ານປະທານປະເທດ ເຈືອງເຕີນຊາງ ໃນການຕ້ອນຮັບທ່ານ Sushma Swaraj, ລັດຖະມົນຕີວ່າການ
ກະຊວງການຕ່າງປະເທດ ອິນເດຍ. ພາບ: ຫງວຽນຄາງ-VNA
 

ຫຼັງສົງຄາມໂລກຄັ້ງທີ 2, ລະບຽບໃໝ່ຂອງໂລກຄ່ອຍໆໄດ້ ປະກົດ ຕົວຂຶ້ນ. ເຖິງຢ່າງໃດກໍຕາມ, ບັນດາປະເທດທີ່ ຫາກໍຍາດໄດ້ເອກະ ລາດກໍ່ຍັງບໍ່ທັນມີທີ່ຕັ້ງ ແລະ ປາກສຽງສົມຄູ່ກັບລະບຽບ ດັ່ງກ່າວ. ມີຫຼາຍປະເທດ ອາຊີ-ອາຟຣິກກາ ຍັງດໍາລົງຊີວິດພາຍໃຕ້ລະບອບ ລ່າເມືອງຂຶ້ນຢູ່. ກອງປະຊຸມ Bandung ປີ 1955 ແມ່ນກອງປະ ຊຸມ ຫຼາຍຝ່າຍ ທຳອິດ ຂອງບັນດາປະເທດກຳລັງພັດທະນາ, ຂອງ ບັນດາປະເທດທີ່ຫາກໍຍາດໄດ້ເອກະລາດ ເພື່ອປະສານສົມທົບ ກັນເຄື່ອນໄຫວ ເພື່ອຜົນປະໂຫຍດລວມຄື: ລົບລ້າງລັດທິລ່າ ເມືອງຂຶ້ນ ແລະ ຮ່ວມມືເພື່ອພັດທະນາ.

ກອງປະຊຸມດັ່ງກ່າວ ມີ 3 ຄວາມໝາຍສຳຄັນເຊັ່ນ:
ທີໜຶ່ງແມ່ນ, ພ້ອມໆກັບໄຊຊະນະ ດ້ຽນບຽນຝູ ທີ່ຂຶ້ນຊື່ລືນາມ ຂອງຫວຽດນາມເມື່ອປີ 1954, ກອງປະຊຸມ ກ່ອນອື່ນໝົດແມ່ນ ໄດ້ເປັນການໃຫ້ກຳລັງໃຈຢ່າງແຂງແຮງ ແກ່ຂະບວນການ ປົດປ່ອຍຊາດໃນທົ່ວໂລກ. ພຽງແຕ່ພາຍໃນ 5 ປີ ຫຼັງກອງປະຊຸມ ໄດ້ມີ 20 ກວ່າປະເທດຢູ່ທະວີບ ອາຟຣິກກາ ຍາດໄດ້ເອກະລາດ.

ທີສອງແມ່ນ, ກອງປະຊຸມເປັນການເລີ່ມຕົ້ນ ໃຫ້ແກ່ສັກກະລາດ ໃໝ່ ກ່ຽວກັບການຮ່ວມມື ແລະ ສາມັກຄີ ລະຫວ່າງບັນດາປະເທດ ກຳລັງພັດທະນາຈຶ່ງນໍາໄປສູ່ການສ້າງຕັ້ງຂະບວນການບໍ່ຮ່ວມກຸ່ມ ປີ 1961, ກຸ່ມ 77 ປີ 1964 ແລະ ກົນໄກຮ່ວມມື ນາມ-ນາມ…

ທີສາມແມ່ນ, ດ້ວຍການຮັບຮອງເອົາ 10 ຫຼັກການ Bandung, ກອງປະຊຸມຈຶ່ງໄດ້ມີການປະກອບສ່ວນຢ່າງໃຫຍ່ຫຼວງເຂົ້າໃນ ການກໍ່ສ້າງ ບັນດາກົດລະບຽບ ການປະພຶດລວມ ໃນການພົວພັນ ລະຫວ່າງບັນດາປະເທດ, ໃນນັ້ນມີບັນດາຫຼັກການສຸດທີ່ສຳຄັນ ເຊັ່ນ: ເຄົາລົບອຳນາດອະທິປະໄຕ ແລະ ຜືນແຜ່ນດິນ ອັນຄົບຖ້ວນ, ບໍ່ຮຸກຮານ ແລະ ນາບຂູ່ຮຸກຮານ ຫຼື ນຳໃຊ້ກຳລັງອາວຸດ, ແກ້ໄຂ ບັນດາກໍລະນີພິພາດໂດຍສັນຕິວິທີ ສອດຄ່ອງກັບກົດບັດ ສະຫະປະຊາຊາດ. 
 
ປະຕິບັດໂດຍ: VNA/VNP
ບັນດາບົດທີ່ຖືກນຳສະເໜີ