22/06/2018 10:24 GMT+7 Email Print Like 0

ຫວຽດນາມ ຮັບປະກັນສະພາບແວດລ້ອມແຫ່ງການລົງທຶນ, ດຳເນີນທຸລະກິດແບບເປີດອົກເປີດໃຈໃຫ້ບັນດາວິສາຫະກິດ ອີຢູ

ວັນທີ 20 ມິຖຸນາ, ທີ່ສຳນັກງານລັດຖະສະພາ ເອີຣົບ ຢູ່ ບຣຸກແຊນ ປະເທດ ແບນຊິກ, ສະຖານທູດ ຫວຽດນາມ ປະຈຳ ລາຊະອານາຈັກ ແບນຊິກ ແລະ ສະຫະພາບ ເອີຣົບ (ອີຢູ)

ທ່ານເອກອັກຄະລັດຖະທູດ ຫວູແອງກວາງ ຫົວໜ້າຄະນະປະຕິບັດງານ ຫວຽດນາມ ປະຈຳ ອີຢູ  (ເບື້ອງຊາຍ)

ພ້ອມກັບກຸ່ມສະມາຊິກລັດຖະສະພາມິດຕະພາບ ອີຢູ - ຫວຽດນາມ ແລະ ສະຖາບັນຄົ້ນຄວ້າອາຊີຂອງ ອີຢູ, ໄດ້ຈັດຕັ້ງກອງປະຊຸມສຳມະນາ ເພື່ອແນໃສ່ຊຸກຍູ້ບັນດາບາດກ້າວ ມຸ່ງໄປເຖິງການລົງນາມ ແລະ ໃຫ້ສັດຕະຍາບັນສັນຍາການຄ້າເສລີລະຫວ່າງ ຫວຽດນາມ ແລະ ອີຢູ (EVFTA). ກ່າວຄຳເຫັນນະທີ່ນີ້, ທ່ານເອກອັກຄະລັດຖະທູດ ຫວູແອງກວາງ ຫົວໜ້າຄະນະປະຕິບັດງານ ຫວຽດນາມ ປະຈຳ ອີຢູ, ຮຽກຮ້ອງໃຫ້ ອີຢູ ເພີ່ມທະວີການຮ່ວມມືກັບ ຫວຽດນາມ ແລະ ພາກພື້ນອາຊຽນກ່ວາອີກ. ທ່ານເອກອັກຄະລັດຖະທູດ ຖືວ່າ: EVFTA ແມ່ນເອກະສານມີຄວາມດຸ່ນດ່ຽງ, ມີຜົນປະໂຫຍດໃຫ້ທັງ ອີຢູ ແລະ ຫວຽດນາມ, ພິເສດ ແມ່ນສ້າງຄວາມສະດວກໃຫ້ບັນດາບໍລິສັດ ອີຢູ ໄດ້ເຊື່ອມຕໍ່, ສຳຜັກກັບຕະຫລາດ ຫວຽດນາມ, ປະກອບສ່ວນຊຸກຍູ້ກ່ຽວກັບການພົວພັນຄູ່ຮ່ວມມື ແລະ ການຮ່ວມມືຮອບດ້ານ ອີຢູ - ຫວຽດນາມ.

        ສ່ວນທ່ານ Pierre Groning ຜູ້ອຳນວຍການຮັບຜິດຊອບນະໂຍບາຍການຄ້າຂອງສະຫະສະມາຄົມການຄ້າສາກົນ ຕີລາຄາວ່າ ຫວຽດນາມ ພວມໄປຖືກທິດຕາມຄຳໝັ້ນສັນຍາດ້ວຍບັນດາມາດຕະຖານກ່ຽວກັບແຮງງານ ແລະ ການພັດທະນາແບບຍືນຍົງໃນການຄ້າ ແລະ ການພັດທະນາ. ທ່ານ Groning ຢືນຢັນວ່າ FTA ກັບ ຫວຽດນາມ ແນ່ນອນວ່າ ຈະນຳມາເຊິ່ງຜົນປະໂຫຍດອັນໃຫຍ່ຫລວງໃຫ້ ອີຢູ. ທ່ານ Groning ເຊື່ອໝັ້ນວ່າ ສັນຍາດັ່ງກ່າວ ຈະໄດ້ຮັບການໃຫ້ສັດຕະຍາບັນໃນອາຍຸການນີ້ຂອງລັດຖະສະພາ ເອີຣົບ.

(ແຫຼ່ງຄັດຈາກ VOV)