10/12/2014 10:00 GMT+7 Email Print Like 0

ຫວຽດນາມ ຮຽກຮ້ອງການລົງທຶນ ເຂົ້າໃນຂະແໜງ ອຸດສາຫະກຳ ປຸງແຕ່ງ

 (ພາບ: vov)

ຕອນ​​ເຊົ້າວັນ​ທີ 9/12, ຢູ່​ຮ່າ​​ໂນ້ຍ, ໄດ້​ໄຂ​ກອງ​ປະຊຸມ​ຄົບ​ຄະນະ​ບັນດາ​ນັກ​ອຸປະຖຳ​ໃຫ້​​ແກ່​ຂະ​ແໜງ​ກະສິກຳ ແລະ ພັດທະນາ​ຊົນນະບົດ (ISG) ປີ 2014. ດ້ວຍ​ຫົວ​ເລື່ອງ “ຊຸກຍູ້​ຂະ​ແໜງອຸດສາຫະກຳ​ປຸງ​ແຕ່ງ​ຜະລິດ​ຕະພັນ​ກະ​ເສດ: ກາລະ​ໂອກາດ ແລະ ສິ່ງ​ທ້າ​ທາຍ“. ກອງປະຊຸມ​ແມ່ນ​ກາລະ​ໂອກາດ​ເພື່ອ​ໃຫ້​ລັດຖະບານ​ຫວຽດນາມ ຢັ້ງຢືນ​ຄຳໝັ້ນສັນຍາ ແລະ ໃຫ້​ຂໍ້ມູນຂ່າວ​ເຖິງ​ປະ​ຊາຄົມ​ນັກ​ອຸປະຖຳ, ອົງການ​ຈັດຕັ້ງສາກົນ ແລະ ວິ​ສາ​ຫະກິດກ່ຽວ​ກັບ​ການ​ກຳນົດ​ທິດ​ພັດທະນາ, ໃຫ້​ບຸລິມະສິດ ແລະ ສະພາບ​ແວດ​ລ້ອມ​ແຫ່ງ​ການ​ລົງທຶນ​ເຂົ້າ​ໃນຂະ​ແໜງອຸດສາຫະກຳ​ປຸງ​ແຕ່ງ​ຜະລິດ​ຕະພັນ​ກະ​ເສດ. ກ່າວ​ຄຳ​ເຫັນ​ນະ​ທີ່​ນີ້, ທ່ານ​ກາວ​ດຶດຟາດ, ລັດຖະມົນຕີ​ວ່າການ​ກະຊວງ​ກະສິກຳ ແລະ ພັດທະນາ​ຊົນນະບົດ ໃຫ້​ຮູ້​ວ່າ:

  “ການພັດທະນາຂະແໜງອຸດສາຫະກຳປຸງແຕ່ງ​​ກໍ່ໝາຍຄວາມວ່າການສົ່ງເສີມບັນດາວິສາຫະກິດ ໂດຍສະເພາະແມ່ນວິສາຫະກິດເອກະຊົນພາຍໃນປະເທດ ແລະ ຕ່າງປະເທດລົງທຶນເຂົ້າຂົງເຂດກະສິກຳ. ການຊຸກຍູ້ຂະແໜງອຸດສາຫະກຳປຸງແຕ່ງກໍ່ໝາຍຄວາມວ່າສ້າງສະພາບແວດລ້ອມແຫ່ງການລົງທຶນທີ່ອຳນວຍຄວາມສະດວກ ເພື່ອໃຫ້ບັນດາວິສາຫະກິດເຄື່ອນໄຫວໃນຂົງເຂດກະສິກຳ.  ປະຕິບັດຕາມການຊີ້ນຳຂອງທ່ານນາຍົກລັດຖະມົນຕີ,ກະຊວງກະສິກຳ ແລະ ພັດທະນາຊົນນະບົດພວມຮີບເຮັ່ງກວດກາຄືນບັນດາກົນໄກນະໂຍບາຍເພື່ອປົວແປງສະພາບແວດລ້ອມແຫ່ງການລົງທຶນໃນຂົງເຂດກະສິກຳ“./.

 (ແຫຼ່ງຄັດຈາກ VOV)