11/11/2015 08:57 GMT+7 Email Print Like 0

ຫວຽດນາມ-ລາວ ເພີ່ມທະວີການສົມທົບກັນປ້ອງກັນຊາຍແດນ


(ພາບປະກອບ)
        ວັນ​ທີ 10/11, ຢູ່​ນະຄອນຫຼວງ​ວຽງ​ຈັນ, ຮອງ​ຜູ້​ບັນຊາ​ການ​ທະຫານ, ຫົວໜ້າ​ເສນາ​ທິການ​ໃຫຍ່​ພົນ​ຈັດຕະວາ ຮ່ວາງ​ຊວນ​ຈຽນ, ​ໄດ້​ມີ​ການ​ເຈລະຈາ​ປະ​ຈຳ​ປີ​ຄັ້ງ​ທີ 12 ກັບ​ພັນ​ເອກ ສີ​ພັນ ​ພຸດ​ທະ​ວົງ, ຫົວໜ້າ​ກົມ​ຊາຍ​ແດນ, ກອງ​ເສນາ​ທິການ​ໃຫຍ່​ກອງທັບ​ປະຊາຊົນ​ລາວ. 2 ຝ່າຍ​ໄດ້​​ເປັນ​​ເອກະ​ພາບ​ນຳ​ກັນ​ສືບ​ຕໍ່ສົມທົບ​ກັນ​ຢ່າງ​ແໜ້ນ​ແຟ້ນໃນ​ການ​​ແລກປ່ຽນ​ສະພາບ​ການ, ຕໍ່ສູ້, ສະ​ກັດ​ກັ້ນ​​ການ​ເຄື່ອນ​ໄຫວ​ຂອງ​ອາ​ຊະ​ຍາ​ກຳທຸກ​ປະ​ເພດຢ່າງ​ເດັດ​ຂາດ, ມີ​ປະສິດທິ​ຜົນ, ພິ​ເສດ​ແມ່ນ​ອາດຊະຍາ​ກຳ​ລະ​ເມີດ​ຄວາມ​ສະຫງົບ​ປອດ​ໄພ​ແຫ່ງ​ຊາດ, ຢາ​ເສບ​ຕິດ, ການ​ຄ້າ​ເຖື່ອນຜ່ານ​ຊາຍ​​ແດນ; ຈັດ​ຕັ້ງ​​ຜັນ​ຂະຫຍາຍ​ການ​ປະຕິບັດ​ສັນຍາ​ກ່ຽວ​ກັບ​ລະບຽບການຄຸ້ມ​ຄອງ​ຊາຍ​ແດນ ​ແລະ ດ່ານ​ຊາຍ​ແດນ​ລະຫວ່າງ​ຫວຽດນາມ - ລາວ… 2 ຝ່າຍ​ໄດ້​​ເປັນ​ເອກະ​ພາບ​ນຳ​ກັນ​ຊີ້​ນຳ​ກຳລັງ​ປ້ອງ​ກັນຊາ​ຍ​​ແດນ​ ສົມທົບ​ກັນ​ຈັດ​ຕັ້ງ​ການ​ລາດ​ຕະ​ເວນ 2 ຝ່າຍເປັນ​ປະຈຳ ​ເພື່ອ​ຄຸ້ມ​ຄອງເສັ້ນ​ຊາຍ​ແດນ, ຫຼັກ​ໝາຍ​ຊາຍ​ແດນ, ຮັກ​ສາ​ຄວາມສະ​ຫງົບປອດ​ໄພ, ຄວາມ​ເປັນ​ລະບຽບຮຽບຮ້ອຍ​ເຂດ​ຊາຍ​ແດນ, ສົມທົບ​ກັນ​ສະກັດ​ນັ້ນ​ສະພາບ​ຂ້າມ​ຊາຍ​ແດນ​ຢ່າງ​ຜິດ​ກົດໝາຍ, ການອົບ​ພະຍົບຢ່າງ​ເສລີ… ສິ້ນ​ສຸດ​ການ​ເຈລະຈາ, ພົນ​ຈັດຕະວາ ຮ່ວາງ​ຊວນ​ຈຽນ ​ແລະ ​ພັນ​ເອກ ສີ​ພັນ ​ພຸດ​ທະ​ວົງ ​ໄດ້​ລົງ​ນາມ​ໃນ​ບົດ​ບັນທຶກ​ຊ່ວຍ​ຈຳ​ກ່ຽວ​ກັບ​ການ​ເພີ່ມ​ທະວີ​ການ​ສົມທົບ​ກັນ​ປົກ​ປັກ​ຮັກສາ​ເສັ້ນ​ຊາຍ​ແດນ​ຮ່ວມ.
 (ແຫຼ່ງຄັດຈາກ VOV)