14/05/2020 14:01 GMT+7 Email Print Like 0

ຫວຽດນາມ ພະຍາຍາມຟື້ນຟູເສດຖະກິດພາຍຫຼັງໂຄວິດ-19

ເມື່ອບໍ່ດົນມານີ້, ກົມການເມືອງ, ຄະນະເລຂາ ແລະ ລັດຖະບານ ໄດ້ປະກາດໃຊ້ຢ່າງທັນການ ບັນດາມະຕິຕົກລົງ ແນໃສ່ປົກປ້ອງ ສຸຂະພາບ ຂອງປະຊາຊົນ, ສະຖຽນລະພາບທາງສັງຄົມ, ຫຼຸດ ຜ່ອນຜົນເສຍຫາຍ ຕໍ່ພື້ນຖານເສດຖະກິດ​, ສ້າງເງື່ອນໄຂໃນການ ຮັກສາ ແລະ ຟື້ນຟູການຜະລິດ ແລະ ດໍາເນີນທຸລະກິດໂດຍໄວ, ນໍາໃຊ້ກາລະໂອກາດ ພາຍຫຼັງການແຜ່ລະບາດ ເພື່ອຟື້ນຟູພື້ນ ຖານ ເສດຖະກິດ ແລະ ພັດທະນາໂດຍໄວ, ໝັ້ງຄົງ. 
ທ່ານ ຫງວຽນຈີ໋ຢຸງ, ລັດຖະມົນຕີກະຊວງແຜນການ ແລະ ການລົງທຶນ ໃຫ້ຮູ້ວ່າ ຜົນກະທົບຂອງການແຜ່ລະບາດ COVID-19 ພ້ອມ ກັບສະພາບເສດຖະກິດ ທີ່ທົດຖອຍແຕ່ປີ 2019 ໄດ້ສົ່ງຜົນສະ ທ້ອນຢ່າງຮອບດ້ານ ໃຫ້ແກ່ບັນດາຂົງເຂດເສດຖະກິດ, ສັງຄົມຂອງ ບັນດາປະເທດໃນໂລກ. ສຳລັບ ຫວຽດນາມ, ຜົນກະທົບຂອງການແຜ່ລະບາດ ແມ່ນສຸດທີ່ຮ້າຍແຮງ. ຕາມການປະເມີນ, ຕົວເລກ ຈີດີພີ ຂອງ ໄຕມາດ I ເພີ່ມຂຶ້ນ 3,82% ເມື່ອທຽບກັບ ໄລຍະດຽວກັນຂອງປີຜ່ານມາ, ຕໍ່າທີ່ສຸດ ຕັ້ງແຕ່ປີ 2011 ມານີ້. 

ນາຍົກລັດຖະມົນຕີ ໄດ້ປະກາດໃຊ້ ຄຳສັ່ງເລກທີ 11/CT-TTg ເມື່ອວັນທີ 4 ມີນາ 2020, ໃຫ້ບັນດາກະຊວງ, ຂະແໜງການຜັນຂະຫຍາຍບັນດາວິທີແກ້ໄຂຢ່າງທັນການຄື: ຫຼຸດອັດຕາ ດອກ ເບ້ຍ, ປັບໂຄງສ້າງໜີ້, ຍົກເວັ້ນ ແລະ ຫຼຸດຜ່ອນຄ່າທໍານຽມ ບໍລິ ການ, ຈັດຕັ້ງປະຕິບັດບັນດາໂຄງການສິນເຊື່ອພິເສດ; ຂະຫຍາຍ, ແກ່ຍາວ ເງິນ ທ່ີວິສາຫະກິດຕ້ອງຈ່າຍ ກ່ຽວກັບພາສີ, ຄ່າເຊົ່າທີ່ ດິນ; ຫຼຸດຄ່ານຳໃຊ້ໄຟຟ້າ, ຄ່ານໍ້າມັນ, ຄ່າບໍລິການ... ລວມມູນຄ່າ ເກືອບ 22 ຕື້ໂດລາສະຫະລັດ. 
ໃນສະພາບການດັ່ງກ່າວ, ລັດຖະບານໄດ້ມອບໃຫ້ກະຊວງແຜນການ ແລະ ການລົງທຶນເປັນຜູ້ຮັບຜິດຊອບ, ສົມທົບກັບບັນດາ ກະ ຊວງ, ຂະແໜງການ ທີ່ກ່ຽວຂ້ອງ ເພື່ອສ້າງຮ່າງມະຕິຕົກລົງສະ ເພາະ ຂອງລັດຖະບານ ກ່ຽວກັບໜ້າທີ່, ວິທີແກ້ໄຂ ຄວາມຫຍຸ້ງ ຍາກ ໃຫ້ແກ່ການຜະລິດ, ເຮັດທຸລະກິດ, ຊຸກຍູ້ການປ່ອຍສິນເຊື່ອຂອງ ລັດ ໃນສະພາບ ຂອງການແຜ່ລະບາດ COVID-19.

ກ່ຽວກັບແຜນການຟື້ນຟູເສດຖະກິດ ພາຍຫຼັງການແຜ່ລະບາດ, ທ່ານ ຫງວຽນຈີ໋ຢຸງ ກ່າວວ່າ ການແຜ່ລະບາດ COVID-19 ສ້າງ ຄວາມຫຍຸ້ງຍາກຫຼາຍຢ່າງ, ເຮັດໃຫ້ບັນດາ ພື້ນຖານເສດຖະກິດ ໂລກ ເສຍຫາຍຢ່າງໜັກໜ່ວງ, ແຕ່ຍັງເປັນໂອກາດ ຂອງ ບັນດາ ພື້ນຖານເສດຖະກິດ ທີ່ຮູ້ໃຊ້ໂອກາດ, ດັດແກ້, ຈັດຕັ້ງເສດຖະກິດ ແລະ ການຄ້າຄືນໃໝ່ ພາຍຫຼັງການແຜ່ລະບາດ. 


ດ້ວຍການເປັນເຈົ້າການ ໃນການສະສົມແຫຼ່ງວັດຖຸດິບແຕ່ທ້າຍປີ 2019, ສະນັ້ນ ການເຄື່ອນໄຫວຜະລິດຂອງບັນດາ
ວິສາຫະກິດຢູ່ແຂວງ ຫວີງຟູກ ຍັງບໍ່ທັນໄດ້ຮັບຜົນກະທົບຈາກ ການແຜ່ລະບາດ ໂຄວິດ-19. ພາບ: ຮວ່າງຮຸ່ງ/VNA



ຂັ້ນຕອນການຜະລິດທີ່ໂຮງງານປຸງແຕ່ງສິນໃນນໍ້າແຫ່ງ ໜຶ່ງຂອງແຂວງ ດົ່ງຖາບ ໃນໄລຍະເກີດການແຜ່ລະບາດໂຄ ວິດ-19. ພາບ: ເຈືອງດ່າຍ/VNA


ເຖິງວ່າ ໄດ້ຮັບຜົນສະທ້ອນຈາກການແຜ່ລະບາດ ໂຄວິດ-19 ຢ່າງໜັກໜ່ວງ, ແຕ່ລະດູການຜະລິດ ລະດູໜາວ ລະດູ ບານໃໝ່ 2019-2020 ຢູ່ຂົງເຂດທ່ົງພຽງແມ່ນຳ້ຂອງ ເກັບ ກ່ຽວ ເຂົ້າໄດ້ ປະມານ 7,3 ລ້ານໂຕນ, ສູງກວ່າເມື່ອທຽບ ກັບ ລະດູການຜະລິດຂອງປີກາຍ. ພາບ: VNA


ບັນດາບໍລິສັດຕັດຫຍິບ ສັງກັດກຸ່ມບໍລິສັດຕໍ່າແຜ່ນ ຕັດ ຫຍິບ ຫວຽດນາມ ຄື: ໄມ 10, ໄມຈຽນຖັ໋ງ, ໄມຖາຍຫງວຽນ ... ໄດ້ຫັນປ່ຽນຕ່ອງໂສ້ການຜະລິດມາເປັນ ຕັດຫຍິບ ໂສ້ງ ເສື້ອ ປ້ອງກັນ ແລະ ສະກັດກັ້ນ ການແຜ່ລະບາດ ໂຄວິດ-19 ຕາມການສັ່ງຊື້ສິນຄ້າຂອງກະຊວງສາທາລະນະສຸກ ເພື່ອ ສະໜອງ ອອກສູ່ຕະຫຼາດພາຍໃນ. ພາບ: ເຟືອງຮວາ/VNA


ຂົງເຂດຜະລິດຜັກປອດສານພິດຢູ່ຕາແສງ ຕ່ຽນອຽນ, ເມືອງ ຮວ່າຍດຶກ (ຮ່າໂນ້ຍ) ສະໜອງຜັກທຸກຊະນິດໄດ້ເກືອບ
20 ໂຕນໃຫ້ແກ່ລະບົບຫ້າງຊັບພະສິນຄ້າ, ຕະຫຼາດຂາຍສົ່ງຢູ່ພາຍໃນ ຮ່າໂຮ້ຍ, ຕອບສະໜອງໃຫ້ແກ່ຄວາມຕ້ອງການ
ຂອງຊາວນະຄອນຫຼວງ ໃນໄລຍະເກີດການແຜ່ລະບາດ ໂຄວິດ-19. ພາບ: ຫວູຊີງ/VNA



ພ້ອມກັບລູກຄ້າ ໃນໄລຍະຫຍຸ້ງຍາກ ຍ້ອນການແຜ່ລະ ບາດໂຄວິດ-19, ທະນາຄານການຄ້າຫຸ້ນສ່ວນ ຕ່ຽນຟອງ (TPBank) ໄດ້ສະເໜີ ຫຼາຍວິທີແກ້ໄຂຢ່າງທັນການ, ແນະ ນຳຢ່າງລະອຽດ, ໃນນັ້ນ ໄດ້ກຳນົດຢ່າງຈະແຈ້ງ ເປົ້າໝາຍ, ເງື່ອນໄຂຜູ້ທີ່ໄດ້ຮັບການຊ່ວຍເຫຼືອ. ພາບ: ເຈິ່ນວຽດ/VNA


ບໍລິສັດ BRG Retail (ກຸ່ມບໍລິສັດ BRG) ໄດ້ຊີ້ນໍາ ລະ ບົບຫ້າງຊັບພະສິນຄ້າ ແລະ ຮ້ານຂາຍເຄື່ອງ ລວມມີ: HaproMart, Hapro Food, FujiMart, Intimex... ເປັນ
ເຈົ້າການ ໃນການພົວພັນກັບຜູ້ສະໜອງ, ວິສາຫະກິດຜະລິດ ເພື່ອເພີ່ມປະລິມານສິນຄ້າຈຳເປັນ ທີ່ສະສົມຢູ່ໃນຫ້າງຊັບພະ ສິນຄ້າ ແຕ່ 300-500% ແລະ ເພີ່ມ 10 ເທົ່າຢູ່ໃນສາງ ໃຈ ກາງ ໃນໄລຍະ ສະກັດກັ້ນ ໂລກລະບາດ ໂຄວິດ-19. ພາບ: ເຈິ່ນວຽດ/VNA

ຫຼັງຈາກການແຜ່ລະບາດ COVID-19 ເກີດຂຶ້ນເມື່ອຕົ້ນປີ, ຫວຽດ ນາມ ໄດ້ເປັນເຈົ້າການເພີ່ມທະວີພົວພັນກັບປະຊາຄົມວິສາຫະກິດ ແລະ ນັກລົງທຶນຕ່າງປະເທດ, ຖື ຫວຽດນາມ ເປັນຈຸດນັດພົບແຫ່ງການລົງທຶນ, ເຮັດທຸລະກິດທ່ີປອດໄພ ແລະ ໝັ້ນຄົງ. 

ທ່ານນາຍົກລັດຖະມົນຕີ ໄດ້ປະກາດໃຊ້ ມະຕິຕົກລົງຂອງ ລັດຖະບານກ່ຽວກັບບັນດາວິທີຊ່ວຍເຫຼືອປະຊາຊົນ ຜູ້ໄດ້ຮັບຜົນກະທົບຈາກການລະບາດ. ມະຕິຕົກລົງຈະຊ່ວຍເຫຼືອປະຊາຊົນ ປະມານ 20 ລ້ານຄົນ ດ້ວຍວົງເງິນປະມານ 62.000 ຕື້ດົ່ງ.

ອີກດ້ານໜຶ່ງ, ລັດຖະບານ ໄດ້ປະເມີນຜົນກະທົບຂອງການແຜ່ລະບາດ ຕໍ່ບັນດາຂະແໜງການ, ຂົງເຂດ, ພື້ນຖານເສດຖະກິດຂອງປະເທດຊາດ; ຄົ້ນຄວ້າ ແລະ ຄາດຄະເນບັນດາທ່າອຽງ, ໂອກາດ ແລະ ກຳນົດຕົວຂັບເຄື່ອນໃໝ່ ໃຫ້ແກ່ການຂະຫຍາຍຕົວ ເປັນຮາກຖານເພື່ອຍູ້ໄວການກໍ່ສ້າງພື້ນຖານເສດຖະກິດຄືນໃໝ່ໃຫ້ແທດເໝາະກັບການຫັນປ່ຽນໂຄງປະກອບໃໝ່, ຄືຄວາມຕ້ອງການພັດທະນາ ແລະ ຫັນປ່ຽນເຕັກໂນໂລຊີ ດີຈີຕອນ, ຄວາມ ຕ້ອງການດ້ານແຮງງານ, ແນວໂນ້ມການລົງທຶນ, ການໃຊ້ຈ່າຍ ແລະ ອື່ນໆ.

ລັດຖະບານ ໄດ້ມີການຊີ້ນຳຢ່າງເຄັ່ງຄັດ ໃນການສ້າງບັນດາແຜນ ການ ຟື້ນຟູເສດຖະກິດ ໂດຍໄວ, ໃຫ້ຫັນແຕ່ລະຂະແໜງການ, ຂົງເຂດ, ທ້ອງຖິ່ນ, ແຕ່ລະວິສາຫະກິດ ກ່ອນການແຜ່ລະບາດ COVID-19 ຈະສິ້ນສຸດ ເພື່ອໃຫ້ພື້ນຖານເສດຖະກິດ ສາມາດ ຫັນໄປສູ່ສະພາບເຄື່ອນໄຫວໃໝ່; ສາມາດແກ່ງແຍ້ງ, ເປັນເຈົ້າ ການເຂົ້າຮ່ວມໃນການເຊື່ອມຕໍ່, ສ້າງຄຸນຄ່າໃໝ່ ພາຍຫຼັງການແຜ່ ລະບາດ. ໝູນໃຊ້ທຸກ ກາລະໂອກາດ ເພື່ອເຮັດໃຫ້ປະເທດຊາດ ພັດທະນາໂດຍໄວ ແລະ ໝັ້ນຄົງ, ບໍ່ພຽງແຕ່ ທຽບເທົ່າກັນ, ຕ້ອງ ໄວ ແລະ ໝັ້ນຄົງກວ່າ, ຕ້ອງລື່ນກາຍ ກ່ອນການແຜ່ລະບາດ COVID-19 ເກີດຂຶ້ນອີກດ້ວຍ.

ລັດຖະບານ ຫວຽດນາມ ໄດ້ຮັບມືຕໍ່ການແຜ່ລະບາດ COVID-19 ຢ່າງທັນການ ແລະ ເດັດຂາດ. ພິເສດ ແມ່ນນະໂຍບາຍ ດ້ານ ເສດຖະກິດ ຂອງ ຫວຽດນາມ ແມ່ນແທດເໝາະກັບສະຖານະ ການ.
ທ່ານ ສຈ. ປອ Andreas Stoffers, ຜູ້ອຳນວຍການ ອົງການ ຈັດຕັ້ງ Friedrich Naumann for Freedom (FNF) ປະຈໍາ ຫວຽດນາມ
 
ບົດ: VNP ສັງລວມ - ພາບ: VNA
ບັນດາບົດທີ່ຖືກນຳສະເໜີ