17/05/2017 10:31 GMT+7 Email Print Like 0

ຫວຽດນາມ ຍາມໃດກໍ່ເປີດກ້ວາງການຮ່ວມມື ແລະ ເຊື່ອມຕໍ່ສາກົນເພື່ອສັນຕິພາບ,ການຮ່ວມມື ແລະ ພັດທະນາ

      ຫວຽດນາມ ແລະ ຈີນ ບັນລຸໄດ້ຄວາມຮັບຮູ້ລວມຫຼາຍຢ່າງທີ່ສຳຄັນກ່ຽວກັບທິດທາງ ແລະ ບັນດາມາດຕະການເພື່ອແນໃສ່ເພີ່ມທະວີຄວາມເຊື່ອໝັ້ນດ້ານການເມືອງ, ປັບປຸງການພົວພັນມິດຕະພາບ, ຊຸກຍູ້ການຮ່ວມມື, ຮັກສາສັນຕິພາບ ແລະ ທ່າພັດທະນາປອດໄສ, ມີສະຖຽນລະພາບໃນການພົວພັນ 2 ປະເທດ. 
ທ່ານປະທານປະເທດ ເຈີ່ນດ້າຍກວາງ ເຂົ້າຮ່ວມເວທີປາໄສ ການຮ່ວມມືສາກົນ “ຂອບອ້ອມ ແລະ ແລວທາງ”
      ເມື່ອຕອບສຳພາດຕໍ່ສື່ມວນຊົນກ່ຽວກັບການຢ້ຽມຢາມທາງລັດຖະກິດ ສປ ຈີນ ແລະ ເຂົ້າຮ່ວມເວທີປາໄສການຮ່ວມມືສາກົນ “ຂອບອ້ອມ ແລະ ແລວທາງ” ຂອງທ່ານປະທານປະເທດ ເຈີ່ນດ້າຍກວາງ, ທ່ານຮອງລັດຖະມົນຕີການຕ່າງປະເທດ ເລຮ່ວາຍຈູງ ເນັ້ນໜັກວ່າ: ຫວຽດນາມ ແລະ ຈີນ ເຫັນດີປັບປຸງ ແລະ ເພີ່ມທະວີຄວາມໄວ້ເນື້ອເຊື່ອໃຈການເມືອງລະຫວ່າງ 2 ພັກ, 2 ລັດ, ເສີມຂະຫຍາຍບັນດາກົນໄກຮ່ວມມືທີ່ມີຢູ່ແລ້ວຢ່າງມີປະສິດທິຜົນ, ເພີ່ມທະວີການພົວພັນແລກປ່ຽນ, ການຮ່ວມມືໃນບັນດາຂົງເຂດການທູດ, ປ້ອງກັນຊາດ, ປ້ອງກັນຄວາມສະຫງົບ ແລະ ປະຕິບັດກົດໝາຍ, ສືບຕໍ່ຍູ້ແຮງບັນດາການເຄື່ອນໄຫວພົວພັນແລກປ່ຽນມິດຕະພາບປະຊາຊົນ, ພິເສດແມ່ນລະຫວ່າງລຸ້ນໜຸ່ມ 2 ປະເທດ. 2 ຝ່າຍເຫັນດີແກ້ໄຂບັນດາຄວາມບໍ່ລົງລອຍກັນ, ສະພາບການບົນທະເລຕາເວັນອອກຢ່າງສົມເຫດສົມຜົນ, ເສີມຂະຫຍາຍບັນດາກົນໄກເຈລະຈາທີ່ມີຢູ່ແລ້ວ, ຄວບຄຸມບັນດາຄວາມບໍ່ລົງລອຍກັນບົນທະເລ, ບໍ່ມີການກະທຳເຮັດໃຫ້ສະພາບການສັບສົນຂຶ້ນຕື່ມ, ຮັກສາສັນຕິພາບ ແລະ ສະຖຽນລະພາບຢູ່ທະເລຕາເວັນອອກ, ປະຕິບັດຖະແຫຼງການວ່າດ້ວຍການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງຮອບດ້ານ ແລະ ມີປະສິດທິຜົນ, ຊຸກຍູ້ການບັນລຸກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC)ໂດຍໄວ.
      ຕາມທ່ານຮອງລັດຖະມົນຕີການຕ່າງປະເທດ ເລຮ່ວາຍຈູງ, ຫວຽດນາມ ໄດ້ເຂົ້າຮ່ວມຕັ້ງໜ້າໃນການເຄື່ອນໄຫວຂອງເວທີປາໄສ ແລະ ວິວັດການສ້າງບັນດາເອກະສານໃນເວທີປາໄສຂັ້ນສູງການຮ່ວມມືສາກົນ “ຂອບອ້ອມ ແລະ ແລວທາງ” ຂອງທ່ານປະທານປະເທດ ເຈີ່ນດ້າຍກວາງ ສະແດງໃຫ້ເຫັນແຈ້ງແນວທາງການຕ່າງປະເທດເອກະລາດ ເປັນເຈົ້າຕົນເອງ, ຫັນເປັນຫຼາຍຮູບຫຼາຍແບບ, ຫຼາຍຝ່າຍ, ເປັນເຈົ້າການ, ຕັ້ງໜ້າເຊື່ອມໂຍງເຂົ້າກັບສາກົນຂອງ ຫວຽດນາມ. 
 (ແຫຼ່ງຄັດຈາກ VOV)