22/04/2015 08:45 GMT+7 Email Print Like 0

ຫວຽດນາມ-ຈີນ ປັບປຸງຄວາມໄວ້ເນື້ອເຊື່ອໃຈ, ຊຸກຍູ້ການຮ່ວມ ມືຕ່າງຝ່າຍຕ່າງມີຜົນປະໂຫຍດ

ການເດີນທາງຢ້ຽມຢາມສາທາລະນະລັດ ປະຊາຊົນ ຈີນ (ສ ປ ຈີນ)ຢ່າງເປັນທາງການ ຂອງທ່ານ ຫງວຽນຝູ໋ຈ້ອງເລຂາທິການໃຫຍ່ ພັກຄອມມູນິດຫວຽດນາມແຕ່ວັນທີ 7-10 ເມສາ ຕາມຄຳເຊີນ ຂອງທ່ານ ສີຈິ້ນຜິງ ເລຂາທິການໃຫຍ່, ປະທານປະເທດ ສປ.ຈີນ ໄດ້ຮັບຄວາມສົນໃຈເປັນພິເສດຈາກຫາງສຽງພາຍໃນທັງສອງປະ ເທດ ແລະ ສາກົນ. ຍ້ອນວ່າ ຈຸດປະສົງກວມລວມ ຂອງການຢ້ຽມ ຢາມ ດັ່ງກ່າວ ແມ່ນສືບຕໍ່ ປັບປຸງ, ເພີ່ມທະວີຄວາມໄວ້ເນື້ອເຊື່ອໃຈ, ຮັກສາສະຖານະການ ແຫ່ງສັນຕິພາບ, ມິດຕະພາບ, ໝັ້ນຄົງ, ຊຸກຍູ້ ຢ່າງແຮງການຮ່ວມມືໃນທຸກຂົງເຂດ, ສ້າງທ່ວງທ່າພັດທະນາ ທີ່ສົດ ໃສ ໃຫ້ແກ່ການພົວພັນ ລະຫວ່າງ ຫວຽດນາມ-ຈີນ, ພ້ອມກັນນັ້ນ ກໍສ້າງ ເງື່ອນໄຂອຳນວຍ ຄວາມສະດວກ ເພື່ອສືບຕໍ່ ແກ້ໄຂ ບັນດາ ບັນຫາ ທີ່ຍັງຄ້າງຄາ, ປະກອບສ່ວນຮັກສາ ສະພາບແວດລ້ອມ ແຫ່ງສັນຕິພາບໃຫ້ແກ່ ການພັດທະນາ, ຍົກສູງທີ່ຕັ້ງບົດບາດຂອງ ຫວຽດນາມ ໃນເວທີສາກົນ. 


ທ່ານ ສີຈິ້ນຜິງ, ເລຂາທິການໃຫຍ່, ປະທານປະເທດ ສປ.ຈີນ ຕ້ອນຮັບທ່ານ ຫງວຽນຝູ໋ຈ້ອງ,
ເລຂາທິການໃຫຍ່ ພັກຄອມມູນິດຫວຽດນາມ. ພາບ: ຈີ້ຢຸງ-VNA

 

ທ່ານເລຂາທິການໃຫຍ່ ຫງວຽນຝູ໋ຈ້ອງ ໄດ້ຮັບການຕ້ອນຮັບຢ່າງສົມກຽດ ດ້ວຍການຍິງປືນໃຫຍ່ 21 ນັດ
ເພື່ອຊົມເຊີຍການມາຢ້ຽມຢາມ. ພາບ: ຈີ້ຢຸງ-VNA

 

ທ່ານເລຂາທິການໃຫຍ່, ປະທານປະເທດ ສີຈິ້ນຜິງ ແລະ ທ່ານເລຂາທິການໃຫຍ່ ຫງວຽນຝູ໋ຈ້ອງ
ກວດແຖວກອງກຽດຕິຍົດ. ພາບ: ຈີ້ຢຸງ-VNA

 

ພວກຫລານນ້ອຍເຍົາວະຊົນນະຄອນຫຼວງປັກກິ່ງ ສະແດງ ຄວາມ ຄຳນັບຮັບຕ້ອນຕໍ່
ທ່ານເລຂາທິການໃຫຍ່ ຫງວຽນຝູ໋ຈ້ອງ. ພາບ: ຈີ້ຢຸງ-VNA

 

ທ່ານເລຂາທິການໃຫຍ່ ຫງວຽນຝູ໋ຈ້ອງ ພົບປະເຈລະຈາກັບ ທ່ານເລຂາທິການໃຫຍ່,
ປະທານປະເທດ ສີຈິ້ນຜິງ. ພາບ: ຈີ້ຢຸງ-VNA

 

ທ່ານເລຂາທິການໃຫຍ່ສອງປະເທດເປັນສັກຂີພິຍານໃນ ພິທີລົງ ນາມໃນ “ບົດບັນທຶກຊ່ວຍຈຳລະຫວ່າງກະຊວງປ້ອງກັນປະເທດ ສສ.ຫວຽດນາມ
ແລະ ກະຊວງປ້ອງກັນປະເທດ ສປ.ຈີນ ວ່າດ້ວຍການຮ່ວມມືໃນຂົງເຂດຮັກສາສັນຕິພາບຂອງ ສະຫະ ປະຊາຊາດ. ພາບ: ຈີ້ຢຸງ-VNA

 

ທ່ານເລຂາທິການໃຫຍ່ ຫງວຽນຝູ໋ຈ້ອງ ແລະ ທ່ານເລຂາທິການ ໃຫຍ່, ປະທານປະເທດ ສີຈິ້ນຜິງ ຢ້ຽມຊົມງານວາງສະແດງ ຜົນງານສຳມະນາທິດສະດີ
ລະຫວ່າງພັກຄອມມູນິດຈີນ ແລະ ພັກຄອມມູນິດຫວຽດນາມ. ພາບ: ຈີ້ຢຸງ-VNA

 
ຈີນເປັນປະເທດບ້ານໃກ້ເຮືອນຄຽງ, ມີສາຍພົວພັນມິດຕະພາບ ອັນ ເປັນມູນເຊື້ອຍາວນາມກັບ ຫວຽດນາມທັງເປັນປະເທດທີ່ມີແນວ ທາງພັດທະນາໃກ້ຊິດກັບຫວຽດນາມ. ປະຈຸບັນ, ຈີນ ໄດ້ ກາຍເປັນ ຄູ່ຄ້າລາຍໃຫຍ່ທີ່ສຸດຂອງຫວຽດນາມ; ການພົວພັນສອງ ປະເທດ ໄດ້ຍົກສູງຂຶ້ນເປັນຄູ່ຮ່ວມມື ຍຸດທະສາດຮອບດ້ານ. ເຖິງຢ່າງໃດກໍ່ຕາມ, ການພົວພັນລະຫວ່າງສອງປະເທດ ໄລຍະມໍ່ໆມານີ້, ໄດ້ຮັບຜົນກະທົບຈາກສະຖານະການເຄັ່ງຕຶງຢູ່ທະເລຕາເວັນອອກ ຊຶ່ງໄດ້ສົ່ງຜົນສະທ້ອນບໍ່ໜ້ອຍຕໍ່ ແນວຄິດຈິດໃຈ ຂອງປະ ຊາ ຊົນຫວຽດນາມ ແລະ ບັນດາ ການເຄື່ອນໄຫວຮ່ວມມືລະ ຫວ່າງ ສອງຝ່າຍ.

ດ້ວຍເຫດນັ້ນ, ຈຸດສຸມຂອງການຢ້ຽມຢາມຄັ້ງນີ້ ຂອງທ່ານ ຫງວຽນຟູ້ຈ້ອງ ເລຂາທິການໃຫຍ່ແມ່ນພົບປະແລກປ່ຽນຢ່າງຈິງໃຈ, ກົງໄປກົງມາ ກັບການນຳຂັ້ນສູງຂອງຈີນ ກ່ຽວກັບມາດຕະການ ຕ່າງໆ ແນໃສ່ຟື້ນຟູຄືນຢ່າງຄົບຖ້ວນ ແລະ ຊຸກຍູ້ການຮ່ວມມືທີ່ ຕ່າງຝ່າຍຕ່າງ ມີຜົນປະໂຫຍດ ໃນທຸກຂົງເຂດ, ປັບປຸງຄວາມໄວ້ ເນື້ອເຊື່ອໃຈ, ເພີ່ມທະວີມິດຕະພາບ, ແລກປ່ຽນ ບັນດາມາດ ຕະ ການ ແນໃສ່ຄວບຄຸມສະຖານະການໃຫ້ດີ, ຮັກສາ ສັນຕິພາບ, ສະ ຖຽນລະພາບຂອງທະເລຕາເວັນອອກ, ເພື່ອຜົນປະໂຫຍດ ຂອງປະ ຊາຊົນສອງປະເທດ, ພາກພື້ນ ແລະ ໃນໂລກ.

ດ້ວຍການຕ້ອນຮັບຢ່າງສົມກຽດທີ່ສຸດ, ລາຍການ ເຮັດວຽກ ທີ່ອຸ ດົມສົມບູນທີ່ສຸດໃນບັນຍາກາດແຫ່ງ ໄມຕີຈິດ ມິດຕະພາບ, ແລກ ປ່ຽນ ຄວາມຄິດເຫັນຢ່າງກົງໄປກົງມາ, ທາດແທ້, ມີປະ ສິດທິຜົນ, ການຢ້ຽມຢາມໄດ້ປະສົບຜົນສຳເລັດ ຢ່າງຈົບງາມ, ບັນລຸໄດ້ໝາກ ຜົນຫລາຍຢ່າງສຸດທີ່ສຳຄັນ.

ສອງຝ່າຍໄດ້ເປັນເອກະສັນກັນ ອອກຖະແຫຼງການຮ່ວມ 9 ຂໍ້ ຊຶ່ງ ສະແດງເຖິງ ບັນດາການຮັບຮູ້ລວມສຳຄັນ ກ່ຽວກັບ ການພົວພັນ ອັນເປັນມູນເຊື້ອຕະຫຼອດ 65 ປີຜ່ານມາ, ກ່ຽວກັບການພົວພັນ ຫວຽດນາມ-ຈີນ, ກ່ຽວກັບການເພີ່ມທະວີ ຄວາມໄວ້ວາງໃຈໃນດ້ານ ການເມືອງ, ຊຸກຍູ້ການຮ່ວມມື ຢ່າງຄົບຖ້ວນ, ເປັນຈິງ, ປົກປັກຮັກ ສາສັນຕິພາບ, ສະຖຽນລະພາບໃນທະເລຕາເວັນອອກ, ນໍາເອົາການພົວພັນສອງຝ່າຍໄປສູ່ການຂະຫຍາຍຕົວຢ່າງສົດໃສ ແລະ ໝັ້ນຄົງ.

ທ່ານເລຂາທິການໃຫຍ່ ຫງວຽນຝູ໋ຈ້ອງ ໃນການພົບປະແລກປ່ຽນ ຄຳຄິດຄຳເຫັນ ກັບທ່ານນາຍົກລັດຖະມົນຕີ ລີເຄີສຽງ. ພາບ: ຈີ້ຢຸງ-VNA
 

ທ່ານເລຂາທິການໃຫຍ່ ຫງວຽນຝູ໋ຈ້ອງ ໃນການພົບປະແລກປ່ຽນ ຄຳຄິດຄຳເຫັນ ກັບທ່ານ ກຳມະການຄະນະປະຈຳກົມການເມືອງ,
ກຳມະການຫົວໜ້າຄະນະກຳມະການ ປະຈຳກອງປະຊຸມໃຫຍ່ ຜູ້ແທນປະຊາຊົນທົ່ວປະເທດຈີນ
(ປະທານສະພາແຫ່ງຊາດ) ຈາງເຕື໋ອແຈງ( Zhang Dejiang). ພາບ: ຈີ້ຢຸງ-VNA

 

ທ່ານເລຂາທິການໃຫຍ່ ຫງວຽນຝູ໋ຈ້ອງ ໃນການພົບປະແລກປ່ຽນ ຄຳຄິດຄຳເຫັນ ກັບທ່ານ ອີເຈີງເຊີງ ກຳມະການຄະນະປະຈໍາກົມການເມືອງ,
ປະທານ ສະພາທີ່ປຶກສາການເມືອງແຫ່ງຊາດຈີນ ພາບ: ຈີ້ຢຸງ-VNA

 
ບົນພື້ນຖານດັ່ງກ່າວ, ສອງຝ່າຍໄດ້ວາງທິດທາງ, ມາດຕະການ ໃຫຍ່ໆ, ແທດເໝາະຕົວຈິງອອກມາ, ເພີ່ມທະວີ ຊຸກຍູ້ການພົວພັນ ຄູ່ຮ່ວມມືຍຸດທະສາດຮອບດ້ານ ຫວຽດນາມ-ຈີນ ຊຶ່ງລາຍລະອຽດມີບາງຈຸດຕົ້ນຕໍດັ່ງລຸ່ມນີ້:

ກ່ອນອື່ນໝົດ, ສອງຝ່າຍໄດ້ເຫັນດີເປັນເອກະພາບກັນ ຟື້ນຟູ ຄົບ ຖ້ວນ ແລະ ຍູ້ຢ່າງແຂງແຮງ ການຮ່ວມມືທີ່ຕ່າງຝ່າຍຕ່າງ ມີຜົນ ປະ ໂຫຍດ ໃນທຸກຂົງເຂດ ລະຫວ່າງສອງປະເທດ ໃນໄລຍະຕໍ່ໜ້ານີ້, ໃນນັ້ນມີການອອກແຮງພະຍາຍາມປະຕິບັດໃຫ້ດີ “ແຜນກໍານົດການ ພັດທະນາ 5 ປີ ກ່ຽວກັບການຮ່ວມມືດ້ານເສດຖະກິດ-ການ ຄ້າ ລະຫວ່າງ ຫວຽດນາມ-ຈີນ ໄລຍະ 2012-2016 ”, ບັນຊີລາຍຊື່ ບັນດາ ໂຄງການຮ່ວມມືທີ່ເປັນຈຸດສຸມ ແລະ ບັນດາຂໍ້ຕົກລົງຮ່ວມມືໃນຂົງເຂດເສດຖະກິດ, ການຄ້າ ທີ່ໄດ້ເຊັນນໍາກັນແລ້ວ; ຊຸກຍູ້ການ ຄ້າ ສອງຝ່າຍມີການ ຈະເລີນເຕີບໂຕ ຢ່າງເປັນປົກກະຕິ, ສົມດູນ ແລະ ໝັ້ນຄົງ; ຝ່າຍຈີນເຫັນດີ ລະດົມສົ່ງເສີມ ວິສາຫະກິດຈີນ ເປີດ ກວ້າງ ການນຳເຂົ້າ ບັນດາປະເພດສິນຄ້າ ທີ່ມີກຳລັງແກ່ງແຍ້ງ ຂອງ ຫວຽດນາມ; ສະໜັບສະໜູນວິສາຫະກິດຈີນ ເຂົ້າມາລົງທຶນ ຢູ່ຫວຽດນາມ ແລະ ພ້ອມແລ້ວທີ່ຈະສ້າງເງື່ອນໄຂອຳນວຍ ຄວາມ ສະດວກໃຫ້ບັນດາວິສາຫະກິດຂອງຫວຽດນາມ ໄປເປີດກວ້າງ ຕະ ຫຼາດຢູ່ຈີນຫລາຍຂຶ້ນຕື່ມ.

ສອງຝ່າຍໄດ້ເປັນເອກະສັນກັນ ເພີ່ມທະວີການຄ້າຊາຍແດນ, ຊຸກ ຍູ້ກໍ່ສ້າງບັນດາເຂດຮ່ວມມືເສດຖະກິດຜ່ານຊາຍແດນ, ບັນດາ ໂຄງການກໍ່ສ້າງພື້ນຖານໂຄງລ່າງເຊື່ອມຕໍ່; ຊຸກຍູ້ການຮ່ວມມື ໃນບັນ ດາຂະແໜງການເຊັ່ນ: ກະສິກຳ, ປະດິດສ້າງ, ບໍລິການ ແລະ ບັນດາຂົງເຂດວິທະຍາສາດ, ເຕັກໂນໂລຢີ, ສາທາລະນະສຸກ, ກວດກາສິນຄ້າ ແລະ ກັກກັນພະຍາດ.

ຝ່າຍຈີນໄດ້ຕົກລົງຍົກເລີກຄຳເຕືອນ ກ່ຽວກັບການທ່ອງທ່ຽວສູ່ຫວຽດນາມ. ສອງຝ່າຍໄດ້ປະກາດຢ່າງເປັນທາງການ ສ້າງຕັ້ງ ບັນດາຈຸປະສານງານ ກ່ຽວກັບເງິນຕາ ແລະ ພື້ນຖານໂຄງລ່າງ; ລົງນາມເອກະສານວ່າດ້ວຍການຮ່ວມມື ລະຫວ່າງສອງປະເທດ 7 ສະບັບ ໃນຂົງເຂດຕ່າງໆ.

ທີສອງແມ່ນ, ສອງຝ່າຍໄດ້ເປັນເອກະສັນກັນກ່ຽວກັບ ບັນດາ ມາດຕະການ ແນໃສ່ປັບປຸງຄວາມໄວ້ເນື້ອເຊື່ອໃຈ, ເພີ່ມທະວີມິດຕະພາບ, ຮັກສາສະຖຽນລະພາບ ແລະ ຖ່ວງທ່າພັດທະນາ ອັນສົດໃສຂອງການພົວພັນ ຫວຽດນາມ-ຈີນ ດ້ວຍການເພີ່ມທະວີ ການແລກປ່ຽນຄະນະຂັ້ນສູງ, ບົນຈິດໃຈດັ່ງກ່າວນີ້ ທ່ານສີຈິ້ນຜິງ ເລຂາທິການໃຫຍ່, ປະທານປະເທດ ສປ ຈີນ ໄດ້ຮັບປາກຈະ ໄປຢ້ຽມຢາມ ຫວຽດນາມໃນເວລາມໍ່ໆນີ້. ສອງຝ່າຍກໍເປັນ ເອກະສັນກັນເພີ່ມທະວີບັນດາກົນໄກແລກປ່ຽນ, ຮ່ວມມືລະຫວ່າງ ສອງພັກ, ສອງລັດ.

ທີສາມແມ່ນ, ສອງຝ່າຍໄດ້ແລກປ່ຽນຄຳຄິດຄຳເຫັນຢ່າງເປີດອົກ ເປີດໃຈ ແລະ ກົງໄປກົງມາ ຕໍ່ສະພາບການ ແລະ ບັນດາບັນຫາ ທີ່ຍັງຄົງຄ້າງໃນບັນຫາທະເລຕາເວັນອອກ, ເນັ້ນໜັກ ປະຕິບັດຕາມການຮັບຮູ້ລວມ ສຳຄັນທີ່ບັນລຸໄດ້ ລະຫວ່າງການນຳຂັ້ນສູງ ສອງພັກ, ສອງລັດ, ປະຕິບັດຢ່າງເຂັ້ມງວດ “ຂໍ້ຕົກລົງວ່າດ້ວຍ ບັນດາ ຫຼັກການພື້ນຖານ ຊີ້ນຳການແກ້ໄຂ ບັນຫາຕ່າງໆ ທາງທະເລລະຫວ່າງຫວຽດນາມ-ຈີນ” ນໍາໃຊ້ເປັນຢ່າງດີ ກົນໄກພົບປະເຈລະຈາຂັ້ນລັດຖະບານກ່ຽວກັບບັນຫາຊາຍແດນ ເຂດແຄວ້ນລະຫວ່າງ ຫວຽດນາມ-ຈີນ, ຕັ້ງໝັ້ນຜ່ານການພົບປະສົນທະນາ ແລະ ເຈລະຈາມິດຕະພາບ, ຊອກຫາມາດຕະການທີ່ເປັນພື້ນຖານ ແລະ ຍາວນານ ທີ່ສອງຝ່າຍສາມາດເຫັນດີຮັບເອົາໄດ້, ຕັ້ງໜ້າຄົ້ນຄວ້າ ວິທີແກ້ໄຂທີ່ມີລັກສະນະຂ້າມຜ່ານ ຫາກບໍ່ສ້າງຜົນສະທ້ອນ ເຖິງຫຼັກໝັ້ນ ແລະ ແຜນນະໂຍບາຍຂອງແຕ່ລະຝ່າຍ ຊຶ່ງລວມທັງ ຕັ້ງໜ້າຄົ້ນຄວ້າ ແລະ ປຶກສາຫາລືກ່ຽວກັບບັນຫາຮ່ວມມື ພ້ອມກັນ ພັດທະນາ.

ພ້ອມກັນຄວບຄຸມໃຫ້ດີ ຄວາມບໍ່ລົງລອຍກັນທາງທະເລ, ປະຕິບັດ ຢ່າງຄົບຖ້ວນ ແລະ ມີປະສິດທິຜົນ “ຖະແຫຼງການວ່າດ້ວຍການປະ ພຶດຕໍ່ຂອງຝ່າຍຕ່າງໆ ຢູ່ທະເລຕາເວັນອອກ (DOC) ແລະ ສ້າງໃຫ້ສໍາເລັດໂດຍໄວປະມວນກົດລະບຽບການປະພຶດຕໍ່ຢູ່ທະເລຕາເວັນອອກ”  ບົນພື້ນຖານການປຶກສາຫາລືເປັນເອກະພາບ, ຫລີກເວັ້ນບໍ່ໃຫ້ມີການກະທຳທີ່ເຮັດໃຫ້ມີສະພາບການທີ່ສັບສົນ, ຂະຫຍາຍກວ້າງ ການທະເລາະພິພາດ; ແກ້ໄຂຢ່າງທັນການ ແລະ ສົມເຫດສົມຜົນບັນຫາທີ່ເກີດຂຶ້ນ, ຮັກສາສະຖານະການລວມ ການພົວພັນ ລະຫວ່າງຫວຽດນາມ-ຈີນ ແລະ ການມີສັນຕິພາບ, ສະຖຽນລະພາບຢູ່ທະເລຕາເວັນອອກ.

ສອງຝ່າຍກໍເປັນເອກະສັນກັນຊຸກຍູ້ການເຄື່ອນໄຫວຂອງຈຸປຶກສາຫາລື ກ່ຽວກັບການຮ່ວມມື ພ້ອມກັນພັດທະນາທາງທະເລ, ເພີ່ມທະວີການຮ່ວມມື ໃນບັນດາຂົງເຂດ ທີ່ມີຄວາມລະອຽດອ່ອນໜ້ອຍ, ຊຸກຍູ້ການພົບປະເຈລະຈາ ກໍານົດເຂດແດນ ຢູ່ນອກປາກອ່າວທະເລທາງພາກເໜືອ, ຕັ້ງໜ້າຊຸກຍູ້ການຮ່ວມມື ເພື່ອພ້ອມກັນພັດທະນາຢູ່ເຂດທະເລດັ່ງກ່າວ, ເລີ່ມເຄື່ອນໄຫວ ການສຳຫຼວດລວມທີ່ ເຂດທະເລນອກປາກອ່າວທະເລທາງພາກເໜືອໃນປີນີ້ໂດຍໄວ.

ໃນທຸກການພົບປະເຈລະຈາ, ພົບປະແລກປ່ຽນຄຳຄິດຄຳເຫັນ, ທ່ານເລຂາທິການໃຫຍ່ ຫງວຽນຝູ໋ຈ້ອງ ທ່ານໄດ້ເນັ້ນໜັກຢູ່ສະເໝີຄວາມຮຽກຮ້ອງຕ້ອງການໃຫ້ເພີ່ມທະວີ ການຊີ້ນຳປະຕິບັດ, ດ້ວຍບັນດາການກະທຳທີ່ລະອຽດ, ເປັນຈິງ, ສະເໝີຕົ້ນສະເໝີປາຍ, ບັນດາຂໍ້ຕົກລົງດ້ວຍທິດນໍາທີ່ວ່າ: “ຄຳເວົ້າໄປຄຽງຄູ່ກັບ ການກະທຳ”.


ທ່ານ ຫວາງເຈ້ຍຮ້ວຍ(Wang Jiarui), ກໍາມະການສູນກາງພັກ, ຮອງປະທານສະພາປຶກສາ ການເມືອງແຫ່ງຊາດຈີນ, ຫົວໜ້າ
ຄະນະພົວພັນຕ່າງປະເທດ ສູນກາງ ແລະ ທ່ານ ລີຈີເຄິງ (Li Jiheng), ກຳມະການສູນກາງພັກ, ເລຂາຄະນະພັກແຂວງ
ຢຸນນານ ມອບໃຫ້ ທ່ານເລຂາທິການໃຫຍ່ ຫງວຽນຝູ໋ຈ້ອງ ອາລາບຳ ພາບ.  ພາບ: ຈີ້ຢຸງ-VNA 

 

ທ່ານເລຂາທິການໃຫຍ່ ຫງວຽນຝູ໋ຈ້ອງ ລົງຢ້ຽມຢາມເຂດຊຸມຊົນ ຢູ່ຕາແສງ ຕາອິ໋ງ(Da Ying)
ນະຄອນ ຮຸຍຊີ( Yuxi), ແຂວງຢຸນນານ. ພາບ: ຈີ້ຢຸງ-VNA

 

ທ່ານເລຂາທິການໃຫຍ່ ຫງວຽນຝູ໋ຈ້ອງ ຢ້ຽມຢາມ ແລະ ມອບ ຂອງຂວັນໃຫ້ແກ່ຄອບຄົວຂອງອ້າຍ ລຽວ ອວນ ເຈິງ
(Liu Huancheng) ຢູ່ຕາແສງ ຕາອິ໋ງ. ພາບ: ຈີ້ຢຸງ-VNA



ທ່ານເລຂາທິການໃຫຍ່ ຫງວຽນຝູ໋ຈ້ອງ ໃນການພົບປະ ແລະ ມອບຂອງຂວັນໃຫ້ແກ່ຜູ້ຕາງໜ້າສະມາຄົມມິດຕະພາບ ການພົວພັນຕ່າງປະເທດ
ປະຊາຊົນຈີນ ແລະ ບັນດານັກປັນຍາຊົນ ມິດຕະພາບຈີນ. ພາບ: ຈີ້ຢຸງ-VNA

 

ທ່ານເລຂາທິການໃຫຍ່ ຫງວຽນຝູ໋ຈ້ອງ ຕ້ອນຮັບ ການນຳ ຂອງກຸ່ມບໍລິສັດ Huawei ທີ່ເຂົ້າຢ້ຽມຂໍານັບ. ພາບ: ຈີ້ຢຸງ-VNA
 

ທ່ານເລຂາທິການໃຫຍ່ ຫງວຽນຝູ໋ຈ້ອງ ຕ້ອນຮັບການນຳ ຂອງ ກຸ່ມບໍລິສັດ ຈຸງຊິງ(Zhongxing)  ທີ່ເຂົ້າຢ້ຽມຂໍານັບ. ພາບ: ຈີ້ຢຸງ-VNA
 

ໃນຂອບເຂດການຢ້ຽມຢາມປະເທດ ສປ. ຈີນ ຢ່າງເປັນທາງການ ຂອງ ທ່ານເລຂາທິການໃຫຍ່ ຫງວຽນຝູ໋ຈ້ອງ ແລະ ຄະນະຜູ້ແທນ ຂັ້ນສູງຫວຽດນາມ,
ທ່ານຮອງນາຍົກລັດຖະມົນຕີ, ລັດຖະມົນຕີ ການຕ່າງປະເທດຫວຽດນາມ ຟ້າມບິ່ງມິນ ໄດ້ມາຢ້ຽມຢາມ
ກຸ່ມບໍລິສັດເຫຼັກກ້າ ຄຸນໝີງ ແລະ ບໍລິສັດຕາໜ່າງໄຟຟ້າ ຢຸນນານ (ຂຶ້ນກັບບໍລິສັດໃຫຍ່
ຕາໜ່າງໄຟຟ້າພາກກາງຂອງຈີນ).  ພາບ: VNA

 

ໃນຂອບເຂດການຢ້ຽມຢາມປະເທດ ສປ. ຈີນ ຢ່າງເປັນທາງການ ຂອງ ທ່ານເລຂາທິການໃຫຍ່ ຫງວຽນຝູ໋ຈ້ອງ ແລະ ຄະນະຜູ້ແທນ ຂັ້ນສູງຫວຽດນາມ,
ທ່ານຮອງປະທານສະພາແຫ່ງຊາດ ນາງຫງວຽນທິກິມເງິນ ແລະ ທ່ານຮອງຫົວໜ້າກຳມະການ ກອງປະຊຸມໃຫຍ່ຜູ້ແທນ
ປະຊາຊົນທົ່ວປະເທດຈີນ ເຈິນ ບ່າວ ອ໋ວນ(Zhang Baowen) ໄດ້ເຂົ້າຮ່ວມພິທີໄຂ
ເສັ້ນທາງບິນໃໝ່ ຂອງ VietjetAir  ເຖິງຈີນ. ພາບ: ເຕື່ອງທູ-VNA

 
ອາດສາມາດເວົ້າໄດ້ວ່າ ການຢ້ຽມຢາມຢ່າງເປັນທາງການ ຂອງ ທ່ານເລຂາທິການໃຫຍ່ ໃນຄັ້ງນີ້ ເປັນຂີດໝາຍຫຼາຍຢ່າງທີ່ ພົ້ນເດັ່ນ ທີ່ສຸດ. ກ່ອນອື່ນໝົດແມ່ນຝ່າຍຈີນໄດ້ ຖືສຳຄັນໃນລະດັບສູງ ຕໍ່ການ ຢ້ຽມຢາມ, ຈັດການຕ້ອນຮັບຢ່າງສົມກຽດ ແລະ ດ້ວຍຄວາມເຄົາ ລົບນັບຖືທີ່ສຸດ ຕໍ່ທ່ານເລຂາທິການໃຫຍ່ ພ້ອມຄະນະ.  ບັນດາ ພິທີ ການພິເສດດ້ານການທູດເຊັ່ນ: ແຕ່ງຕັ້ງຂັ້ນຮອງນາຍົກ ລັດຖະມົນຕີ ອອກຕ້ອນຮັບ, ຕິດຕາມຄະນະ, ສ່ົງຄະນະ ທີ່ສະໜາມບິນ; ຈັດຕັ້ງພິທີການຕ້ອນຮັບຢູ່ກາງແຈ້ງພ້ອມທັງຍິງປືນໃຫຍ່ 21 ນັດ ເພື່ອສະແດງ ຄວາມຊົມເຊີຍ, ຈັດຂະບວນລົດມ້າຂາວເພື່ອຄຸ້ມກັນຢ່າງເຄັ່ງຂຶມ; ທ່ານ ສີຈິ້ນຜິງ ເລຂາທິການໃຫຍ່, ປະທານປະເທດ ຈີນ ແລະ ການນຳຂັ້ນສູງຂອງຈີນ ຈັດງານລ້ຽງຕ້ອນຮັບທ່ານເລຂາທິການໃຫຍ່ ພ້ອມຄະນະ ແລະ ອື່ນໆ.

ໃນໂອກາດນີ້, ທ່ານເລຂາທິການໃຫຍ່ ຫງວຽນຝູ໋ຈ້ອງ ກໍໄດ້ມີການພົບປະຕ່າງໆສຸດທີ່ມີຄວາມໝາຍເຊັ່ນ: ໂອ້ລົມຢ່າງສະໜິດສະໜົມ ແລະ ປຶ້ມໃຈກັບບັນດານັກປັນຍາຊົນ, ອະດີດນັກຮົບ ແລະ ຍາດພີ່ ນ້ອງຂອງຊາວຈີນທີ່ມີຄຸນງາມຄວາມດີ ກັບປະເທດ ຫວຽດນາມ ໃນການຕໍ່ສູ້ຕ້ານຝຣັ່ງ ແລະ ອາເມລິກາ; ພົບປະ ແລະ ໂອ້ລົມທີ່ມີເນື້ອໃນເລິກເຊິ່ງ, ສະໜິດສະໜົມກັບຕົວແທນ ຊາວໜຸ່ມສອງປະເທດ, ລົງທ້ອງຖິ່ນຊົນນະບົດ, ໂອ້ລົມເປັນກັນເອງກັບປະຊາຊົນຈີນ.

ບັນດາການເຄື່ອນໄຫວຢ້ຽມຢາມນີ້ໄດ້ສ້າງຄວາມປະທັບ ໃຈ ແລະ ມີນໍ້າໃຈອັນດີງາມທີ່ສຸດ ຕໍ່ການນຳ ແລະ ປະຊາຊົນຈີນ, ໄດ້ຮັບ ການ ຕີລາຄາສູງຈາກຫາງສຽງປະຊາຊົນຢູ່ພາຍໃນ ແລະ ຕ່າງປະເທດ.
ປະຕິບັດໂດຍ: VNA/VNP
ບັນດາບົດທີ່ຖືກນຳສະເໜີ