10/11/2015 17:15 GMT+7 Email Print Like 0

ຫວຽດນາມ-ຈີນເປັນເອກະສັນຈະພ້ອມກັນຄວບຄຸມໃຫ້ດີ ຄວາມບໍ່ລົງລອຍທາງທະເລ

ໃນການມາຢ້ຽມຢາມທາງລັດຖະກິດປະເທດ ຫວຽດນາມ (ແຕ່ວັນທີ 5-6 ພະຈິກ 2015) ຂອງທ່ານ ສີຈິ້ນຜິງ, ເລຂາທິການໃຫຍ່, ປະ ທານປະເທດ ຈີນ, ການນຳຂັ້ນສູງຂອງສອງພັກ, ສອງລັດໄດ້ລົງ ເລິກແລກປ່ຽນຄຳຄິດຄຳເຫັນຫຼາຍຢ່າງ, ໃນນັ້ນມີບັນຫາກ່ຽວກັບ ທະເລຕາເວັນອອກ, ປະກອບສ່ວນປັບປຸງມິດຕະພາບອັນເປັນມູນ ເຊື້ອ, ເຮັດໃຫ້ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດ ນາມ-ຈີນມີຄວາມເລິກເຊິ່ງ, ຊຸກຍູ້ສັນຕິພາບ, ສະຖຽນລະພາບ ແລະ ພັດທະນາຢູ່ໃນພາກພື້ນ ແລະ ໃນໂລກ. 
ໃນໄລຍະເວລາຢູ່ຢ້ຽມຢາມ, ທ່ານສີຈິ້ນຜິງ, ເລຂາທິການໃຫຍ່, ປະທານປະເທດຈີນ ໄດ້ມີການພົບປະເຈລະຈາ ກັບທ່ານ ຫງວຽນ ຝູ໋ຈ້ອງ, ເລຂາທິການໃຫຍ່ ແລະ ທ່ານເຈືອງເຕິນຊາງ, ປະທານ ປະເທດ, ພົບປະແລກປ່ຽນຄຳຄິດເຫັນກັບທ່ານ ຫງວຽນເຕິນຢຸງ, ນາຍົກລັດຖະມົນຕີ, ທ່ານຫງວຽນຊິງຮຸ່ງ, ປະທານສະພາແຫ່ງຊາດ ແລະ ເຂົ້າຮ່ວມຫຼາຍເຫດການ ທີ່ສຳຄັນອື່ນໆອີກ.

ໃນໂອກາດພົບປະຄັ້ງຕ່າງໆ, ສອງຝ່າຍໄດ້ພ້ອມກັນເນັ້ນໜັກ ຄວາມສຳຄັນ ຂອງການປັບປຸງມິດຕະພາບອັນເປັນມູນເຊື້ອ ລະ ຫວ່າງສອງພັກ, ສອງລັດໃນສະພາບການໃໝ່; ເປັນເອກະສັນກັນ ກຳແໜ້ນທິດທາງອັນຖືກຕ້ອງຂອງມິດຕະພາບຫວຽດນາມ-ຈີນ, ຮັກສາໄວ້ການພົບປະແລກປ່ຽນຂັ້ນສູງ, ປັບປຸງຄວາມໄວ້ເນື້ອເຊື່ອ ໃຈ ທາງດ້ານການເມືອງ;  ຊຸກຍູ້ການຮ່ວມມືທາງດ້ານເສດຖະກິດ ການຄ້າ, ລົງທຶນພັດທະນາຢ່າງມີປະສິດທິຜົນ, ມີຄວາມດຸ່ນດ່ຽງ, ບໍ່ເອົາປຽບເອົາລັດກັນ; ເປີດກວ້າງການຮ່ວມມືໃນຂົງເຂດ ວິທະຍາ ສາດ ເຕັກໂນໂລຢີ, ການສຶກສາ, ວັດທະນະທຳ, ການທ່ອງທ່ຽວ; ປະສານສົມທົບປະຕິບັດເປັນຢ່າງດີເອກະສານ 3 ສະບັບກ່ຽວກັບ ການຄຸ້ມຄອງຊາຍແດນຢູ່ເທິງບົກ, ຊຸກຍູ້ການພັດທະນາຢູ່ເຂດ ຊາຍແດນຂອງສອງປະເທດ…


ພິທີຕ້ອນຮັບທ່ານ ສີຈິ້ນຜິງ, ເລຂາທິການໃຫຍ່, ປະທານປະເທດຈີນ ໄດ້ຈັດຂຶ້ນຢ່າງສົມກຽດທີ່ສຳນັກງານ ປະທານປະເທດ
ຕາມຮູບແບບການຕ້ອນຮັບສູງສຸດ ທີ່ສະຫງວນໃຫ້ແກ່ປະມຸກລັດ. ພາບ: ຖົ໋ງເຍິດ/VNP



ທ່ານເລຂາທິການໃຫຍ່ ຫງວຽນຝູ໋ຈ້ອງ ພົບປະເຈລະຈາ ກັບ ທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ. ພາບ: ຖົ໋ງເຍິດ/VNA


ທ່ານເລຂາທິການໃຫຍ່ ຫງວຽນຝູ໋ຈ້ອງ  ແລະ ທ່ານ ເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ເປັນສັກຂີພິຍານ
ໃນການລົງນາມເອກະສານ, ຂໍ້ຕົກລົງຕ່າງໆກ່ຽວກັບ ການຮ່ວມມື ລະຫວ່າງສອງຝ່າຍ. ພາບ: ຈີ໋ຢຸງ/VNA



ທ່ານເລຂາທິການໃຫຍ່ ຫງວຽນຝູ໋ຈ້ອງ  ແລະ ທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ເຂົ້າຮ່ວມ
ການພົບປະສັງສັນມິດຕະພາບ ລະຫວ່າງຊາວໜຸ່ມ ຫວຽດນາມ-ຈີນ ຄັ້ງທີ XVI. ພາບ: ຈີ໋ຢຸງ/VNA



ທ່ານປະທານປະເທດ ເຈືອງເຕິ້ນຊາງ ຕ້ອນຮັບ ແລະ ແລກປ່ຽນ ຄຳຄິດເຫັນກັບ ທ່ານເລຂາທິການໃຫຍ່,
ປະທານປະເທດ ຈີນ ສີຈິ້ນຜິງ. ພາບ: ຫງວຽນຄາງ/VNA


ທ່ານນາຍົກລັດຖະມົນຕີ ຫງວຽນເຕິ້ນຢຸງ ແລກປ່ຽນຄຳຄິດເຫັນກັບ ທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ. ພາບ: ດຶກຕ໋າມ/VNA


ທ່ານປະທານສະພາແຫ່ງຊາດ ຫງວຽນຊິງຮຸ່ງ ຕ້ອນຮັບ ທ່ານເລຂາທິການໃຫຍ່, ປະທານປະເທດ ຈີນ
ສີຈິ້ນຜິງ ມາຢ້ຽມຢາມສຳນັກງານສະພາແຫ່ງຊາດ. ພາບ: ຍານຊ໋າງ/VNA



ທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ  ກ່າວປາໄສ ຢູ່ສະພາແຫ່ງຊາດຫວຽດນາມ. ພາບ: ຍານຊ໋າງ/VNA

ກ່ຽວກັບບັນຫາທະເລ, ສອງຝ່າຍໄດ້ມີການແລກປ່ຽນ ຄວາມຄິດ ເຫັນຢ່າງຈິງໃຈ ແລະ ກົງໄປກົງມາ, ເນັ້ນໜັກການປະຕິບັດຢ່າງ ເຂັ້ມງວດຄວາມຮັບຮູ້ລວມທີ່ສຳຄັນທີ່ບັນລຸໄດ້ລະຫວ່າງການນຳ ຂັ້ນສູງສອງພັກ, ສອງລັດ; ປະຕິບັດຢ່າງເຂັ້ມງວດ “ຂໍ້ຕົກລົງກ່ຽວ ກັບບັນດາຫຼັກການພື້ນຖານຊີ້ນຳການແກ້ໄຂບັນຫາ ຢູ່ເທິງທະເລ ລະຫວ່າງຫວຽດນາມ-ຈີນ”, ນຳໃຊ້ເປັນຢ່າງດີກົນໄກການພົບປະ ເຈລະຈາຂັ້ນລັດຖະບານວ່າດ້ວຍຊາຍແດນຫວຽດນາມ-ຈີນ, ມາ ນະອົດທົນຜ່ານຊ່ອງທາງການພົບປະສົນທະນາ ແລະ ເຈລະຈາມິດ ຕະພາບ, ຊອກຫາວິທີການແກ້ໄຂອັນເປັນພື້ນຖານ ແລະ ຍາວນານ ທີ່ສອງຝ່າຍ ຕ່າງກໍສາມາດເຫັນດີຮັບເອົາໄດ້, ຕັ້ງໜ້າປຶກສາຫະລື ບັນດາວິທີການແກ້ໄຂທີ່ມີລັກສະນະຂ້າມຜ່ານ ໂດຍບໍ່ມີຜົນສະ ທ້ອນເຖິງຫຼັກໝັ້ນ ແລະ ແຜນນະໂຍບາຍຂອງແຕ່ລະຝ່າຍ, ຊຶ່ງລວມທັງການຕັ້ງໜ້າຄົ້ນຄວ້າ ແລະ ພິຈາລະນາກ່ຽວກັບບັນຫາຮ່ວມມືພ້ອມກັນພັດທະນາ.

ສອງຝ່າຍເປັນເອກະສັນກັນຄວບຄຸມໃຫ້ດີ ຄວາມບໍ່ລົງລອຍກັນທາງທະເລ, ປະຕິບັດຢ່າງຄົບຖ້ວນ ແລະ ມີປະສິດທິຜົນ “ຖະແຫຼງການກ່ຽວກັບການປະພຶດ ຂອງຝ່າຍຕ່າງໆຢູ່ທະເລຕາເວັນອອກ” (DOC), ຊຸກຍູ້ການສ້າງໃຫ້ສຳເລັດໂດຍໄວ ປະມວນກົດ ລະບຽບ ການປະພຶດຢູ່ທະເລຕາເວັນອອກ (COC) ບົນພື້ນຖານ ການພົບປະສົນທະນາເອກະພາບກັນ, ບໍ່ມີການເຄື່ອນໄຫວທີ່ຈະພາໃຫ້ມີຄວາມສັບສົນ, ເປີດກວ້າງການຍາດຊີງກັນ; ແກ້ໄຂຢ່າງທັນ ການ, ສົມເຫດສົມຜົນບັນຫາທີ່ເກີດຂຶ້ນ, ຮັກສາສັນຕິພາບ, ສະ ຖຽນລະພາບ ຢູ່ທະເລຕາເວັນອອກ ແລະ ການພົວພັນຫວຽດນາມ-ຈີນ.
ປະຕິບັດໂດຍ: VNA/VNP
ບັນດາບົດທີ່ຖືກນຳສະເໜີ