30/01/2015 10:56 GMT+7 Email Print Like 0

ຫວຽດນາມ - ຈີນສິນສຸດ ການເຈລະຈາຮອບທີ 4 ກ່ຽວກັບສັນຍາເຮືອແພໄປມາຢູ່ປາກແມ່ນ້ຳ ໄປຫຼວນ


(ພາບປະກອບ)

ການ​ເຈລະຈາ​ຮອບທີ 4 ກ່ຽວ​ກັບ​ສັນຍາ​ກຳ່​ປັນ​ເຮືອ​ແພ​ໄປມາ​ຢູ່​ປາກ​​ແມ່​ນຳ້ໄປ​ຫຼວນ ດຳ​ເນີນ​ແຕ່​ວັນ​ທີ 27-29/1/2015, ຢູ່​ປັກ​ກິ​ງ, ລະຫວ່າງ​ທ່ານ​ຮອງ​ຫົວໜ້າ​ຄະນະ​ກຳມະການ​ຊາຍ​ແດນ​ແຫ່ງ​ຊາດ - ກະຊວງ​ການ​ຕ່າງປະ​ເທດ​ຫວຽດນາມ ແລະ ຫົວໜ້າ​ກົມ​ບັນດາ​ບັນຫາ​ຊາຍ​ແດນ ແລະ ທະ​ເລ​ເກາະ - ກະຊວງ​ການຕ່າງປະ​ເທດ​ຈີນ. ການ​ປະຊຸມ​ໄດ້​ດຳ​ເນີນ​ໄປ​ໃນ​ບັນຍາກາດ​ມິດຕະພາບ ແລະ ກົງ​ໄປ​ກົງ​ມາ. ໂດຍສືບ​ທອດ​ບັນດາ​ເນື້ອ​ໃນ​ທີ່​ໄດ້​ເຫັນ​ດີ​ເປັນ​ເອກະ​ພາບ​ທີ່​ການ​ເຈ​ລະ​ຈາ​ຮອບ​ຕ່າງໆ, ສອງ​ຝ່າຍ​ໄດ້​ສຸມ​ໃສ່​ແລກປ່ຽນ​ບັນດາ​ເນື້ອ​ໃນຍັງ​ມີ​ຄວາມ​ເຫັນ​ແຕກ​ຕ່າງ​ກັນ​ຢ່າງ​ເລິກ​ເຊິ່ງກວ້າງຂວາງ ແລະ ໄດ້​ເຫັນ​ດີ​ເປັນ​ເອກະ​ພາບ​ບາງ​ເນື້ອ​ໃນ​ລະອຽດ, ພ້ອມ​ທັງ​ເຂົ້າ​ໃຈ​ແຈ້ງ ແລະ ຄົບ​ຖ້ວນ​ທັດສະນະ​ຂອງກັນກວ່າ. ສອງ​ຝ່າຍ​ເປັນ​ເອກະ​ພາບ​ຈະ​ຕັ້ງໜ້າ​ເຈລະຈາ​ເພື່ອ​ສາມາດ​​ເຊັນ​ສັນຍາ​ນີ້​ໃນ​ປີ 2015.

(​ແຫຼ່ງຄັດ​ຈາກ VOV)