31/08/2016 08:44 GMT+7 Email Print Like 0

ຫວຽດນາມໜູນຊ່ວຍບັນດາກອງພົນຫລວງຂອງລາວໃຫ້ກາຍເປັນກຳລັງຫລວງທີ່ທັນສະໄໝ


ພິທີ​​ເຊັນມອບຮັບ​ຂອງຂວັນ​ຂອງ​ທ່ານ​ພົນ​ໂທ ​ເລືອ​ງ​ເກື່ອ​ງ
(ພາບ: TTXVN)
      ​ເຊົ້າ​ວັນ​ທີ 30/08 ຢູ່​ສຳນັກງານ​ກະຊວງ​ປ້ອງ​ກັນ​ປະ​ເທດ ລາວ ທີ່​ນະຄອນຫລວງ ວຽງ​ຈັນ ​ໄດ້​ດຳ​ເນີນ​ພິທີ​​ເຊັນມອບຮັບ​ເຄື່ອງ​ຄອມ​ພິວ​ເຕີ Dell 75 ຊຸດ ​ແລະ ​ເຄື່ອງ​ພິມ Canon 75 ຊຸດ, ​ເຊິ່ງ​ແມ່ນ​ຂອງຂວັນ​ຂອງ​ທ່ານ​ພົນ​ໂທ ​ເລືອ​ງ​ເກື່ອ​ງ ​ເລຂາ​ສູນ​ກາງ​ພັກ​ກອມ​ມູນິດ ຫວຽດນາມ, ຫົວໜ້າ​ກົມ​ໃຫຍ່​ການ​ເມືອງ​ກອງທັບ​ປະຊາຊົນ ຫວຽດນາມ ​ແລະ ກົມ​ການ​ພົວພັນ​ຕ່າງປະ​ເທດ, ກະຊວງ​ປ້ອງ​ກັນ​ປະ​ເທດ ຫວຽດນາມ ​ໃຫ້​ບັນດາ​ກອງ​ພົນ​ຫລວງ 1,2,3,4,5 ຂອງ​ກອງທັບ​ປະຊາຊົນ ລາວ. ນີ້​ແມ່ນຂໍ້​ຕົກລົງ​ລະຫວ່າງ​ການ​ນຳ​ກົມ​ໃຫຍ່ການ​ເມືອງ​ກອງທັບ​ປະຊາຊົນ ຫວຽດນາມ ​ແລະ ການ​ນ​​​ຳກົມ​ໃຫຍ່​ການ​ເມືອງ​ກອງທັບ​ປະຊາຊົນ ລາວ ​ໃນ​ການ​ຢ້ຽມຢາມ​ມິ​ດຕະພາບ ສປປ.ລາວ ຢ່າງ​ເປັນ​ທາງການ​ຂອງ​ທ່ານພົນ​ໂທ ເລືອ​ງ​ເກື່ອ​ງ ​ໃນ​ລະຫວ່າງ​ວັນ​ທີ 11 – 14/07/2016. ກ່າວ​ຄຳ​ເຫັນ​ນະ​ທີ່​ນີ້ ທ່ານ​ພົນ​ຈັດຕະວາ ສົມ​ທອງ ພົມມະ​ວົງ ຮອງ​ຫົວໜ້າ​ກົມ​ໃຫຍ່​ການ​ເມືອງ​ກອງທັບ​ປະຊາຊົນ​ ລາວ ຂອບ​ໃຈ​ຢ່າງ​ຈິງ​ໃຈຕໍ່​ການ​ຊ່ວຍ​ເຫຼືອ​ຂອງ​ພັກ, ລັດ, ກອງທັບ ​ແລະ ປະຊາຊົນ ຫວຽດນາມ ທີ່ສະຫງວນ​ໃຫ້ ລາວ ​ແລະ ຢືນຢັນ​ວ່າ: ຈະ​ສືບ​ຕໍ່​ມານະ​ພະຍາຍາມ​ປົກ​ປັກ​ຮັກສາ ​ແລະ ພັດທະນາ​ການ​ພົວພັນ​ແບບ​ພິ​ເສດ​ລະຫວ່າງ 2 ກອງທັບ​ເວົ້າ​ສະ​ເພາະ ​ແລະ 2 ປະ​ເທດ​ເວົ້າ​ລວມ.
 (ແຫຼ່ງຄັດຈາກ VOV)