13/11/2015 08:58 GMT+7 Email Print Like 0

ຫວຽດນາມໄດ້ຮັບເລືອກຕັ້ງເປັນກຳມະການສະພາບໍລິຫານ UNESCO ອາຍຸການ 2015-2019


ກອງປະຊຸມຄັ້ງທີ 38 ຂອງອົງການ UNESCO
ພາບ:TTXVN

        ຕອນ​ເຊົ້າ​ວັນ​ທີ 12/11, ໃນ​ຂອບ​ເຂດກອງ​ປະ​ຊຸມ​ຄັ້ງ​ທີ 38 ຂອງ​ອົງ​ການ UNESCO ດຳ​ເນີນ​ໄປ​ຢູ່ ປາ​ຣີ, ດ້ວຍ​ບັດ​ສະ​ຫນັບ​ສະ​ຫນູນ 156/186 ບັດ, ຫວຽດ​ນາມ ໄດ້​ຮັບ​ເລືອກ​ຕັ້ງ​ເປັນ​ກຳ​ມະ​ການ ສະ​ພາ​ບໍ​ລິ​ຫານ ອົງ​ການ UNESCO ອາ​ຍຸ​ການ 2015-2019. ນີ້​ແມ່ນ​ຄັ້ງ​ທີ 4 ຫວຽດ​ນາມ ໄດ້​ຮັບ​ເລືອກ​ຕັ້ງ​ເປັນ​ກຳ​ມະ​ການ​ສະ​ພາ​ບໍ​ລິ​ຫານ​ອົງ​ການ UNESCO. ສະ​ພາ​ບໍ​ລິ​ຫານ UNESCO ມີ​ 58 ປະ​ເທດສະ​ມາ​ຊິກ ດ້ວຍ​ອາ​ຍຸ​ການ​ແມ່ນ 4 ປີ. ທ່ານ ຟ້າມ​ແຊງ​ເຈົາ, ຫົວ​ຫນ້າ ກົມ​ວັດ​ທະ​ນະ​ທຳ​ການ​ຕ່າງ​ປະ​ເທດ ແລະ UNESCO ຂຶ້ນ​ກັບ​ກະ​ຊວງ​ການ​ຕ່າງ​ປະ​ເທດ​ຫວຽດ​ນາມ, ເລ​ຂາ​ທິ​ການ​ໃຫຍ່ ຄະ​ນະ​ກຳ​ມະ​ການ​ແຫ່ງ​ຊາດ UNESCO ຂອງ​ຫວຽດ​ນາມ ໃຫ້​ຮູ້​ວ່າ: ນີ້​ແມ່ນ​ເຫດ​ການ​ມີ​ຄ​ວາມ​ໝາຍ​ສຳ​ຄັນ​ໃນ​ວິ​ວັດ​ການ​ເຊື່ອມ​ໂຍງ​ເຂົ້າ​ກັບ​ສາ​ກົນ​ຂອງ​ຫວຽດ​ນາມ ແລະ ກໍ​ແມ່ນ​ເວ​ທີ​ປາ​ໄສ​ຫລາຍ​ຝ່າຍ​ສຳ​ຄັນ​ເພື່ອ​ໃຫ້​ຫວຽດ​ນາມ​ສືບ​ຕໍ່​ເສີມ​ຂະ​ຫຍາຍ​ບົດ​ບາດ​ ແລະ ທີ່​ຕັ້ງ​ຂອງ​ຕົນ​ຄຽງ​ຂ້າງ​ບັນ​ດາ​ເວ​ທີ​ປາ​ໄສ​ຫລາຍ​ຝ່າຍ​ອື່ນ.
(ແຫຼ່ງຄັດຈາກ VOV)