11/04/2018 11:07 GMT+7 Email Print Like 0

ຫວຽດນາມແລະ ຍີ່ປຸ່ນລົງນາມໃນຖະແຫລງການວິໄສທັດຮ່ວມກ່ຽວກັບການຮ່ວມມືດ້ານປ້ອງກັນຊາດ

ຕອນເຊົ້າວັນທີ 10 ເມສາ, ທ່ານນາຍົກລັດຖະມົນຕີ ຍີ່ປຸ່ນ Shinzo Abe ໄດ້ໃຫ້ການຕ້ອນຮັບທ່ານ ພົນເອກ ໂງຊວນລິກ, ລັດຖະມົນຕີກະຊວງປ້ອງກັນປະເທດຫວຽດນາມ ພວມຢ້ຽມຢາມ ຍີ່ປຸ່ນ ຢ່າງເປັນທາງການ ຕາມຄຳເຊີນຂອງທ່ານ Onodera Itsunori ລັດຖະມົນຕີກະຊວງປ້ອງກັນປະເທດ ຍີ່ປຸ່ນ. 

 ທ່ານນາຍົກລັດຖະມົນຕີ ຍີ່ປຸ່ນ Shinzo Abe ຕ້ອນຮັບທ່ານ ພົນເອກ ໂງຊວນລິກ, 

ທີ່ການຕ້ອນຮັບ ທ່ານນາຍົກລັດຖະມົນຕີ ຍີ່ປຸ່ນ Shinzo Abe ໃຫ້ຮູ້ວ່າ: ຍີ່ປຸ່ນ ຖືເປັນສຳຄັນການພົວພັນກັບຫວຽດນາມ ແລະ ປາດຖະຫນາຢາກເພີ່ມທະວີການພົວພັນຄູ່ຮ່ວມມືຍຸດທະສາດຢ່າງເລິກເຊິ່ງກວ້າງຂວາງລະຫວ່າງສອງປະເທດ. ທ່ານນາຍົກລັດຖະມົນຕີ ຍີ່ປຸ່ນ ຊົມເຊີຍເລື່ອງກະຊວງປ້ອງກັນປະເທດສອງປະເທດໄດ້ລົງນາມໃນຖະແຫລງການວິໄສທັດຮ່ວມກ່ຽວກັບການຮ່ວມມືດ້ານປ້ອງກັນຊາດຮອດທົດສະວັດຕໍ່ໄປ.

ທ່ານລັດຖະມົນຕີ ໂງຊວນລິກ ໄດ້ເນັ້ນຫນັກວ່າ ຫວຽດນາມ ຍາມໃດກໍຕີລາຄາສູງບົດບາດ ແລະ ບັນດາຂໍ້ລິເລີ່ມຂອງຍີ່ປຸ່ນ, ສະຫນັບສະຫນູນຍີ່ປຸ່ນ ເພີ່ມທະວີການຮ່ວມມືກັບບັນດາປະເທດໃນພາກພື້ນອາຊີຕາເວັນອອກສ່ຽງໃຕ້ ແລະ ກັບທົ່ວກຸ່ມອາຊຽນ ແລະ ປາດຖະຫນາຢາກໃຫ້ຍີ່ປຸ່ນມີການປະກອບສ່ວນຢ່າງຕັ້ງຫນ້າກວ່າອີກເຂົ້າໃນການຮັກສາສັນຕິພາບ, ສະຖຽນລະພາບຢູ່ພາກພື້ນ.

ກ່ອນຫນ້ານັ້ນ ທີ່ການເຈລະຈາລະຫວ່າງ ທ່ານລັດຖະມົນຕີ ໂງຊວນລິກ  ແລະ ທ່ານລັດຖະມົນຕີກະຊວງປ້ອງກັນປະເທດຍີ່ປຸ່ນ Onodera Itsunori, ສອງຝ່າຍໄດ້ເນັ້ນຫນັກຢາກເພີ່ມທະວີການສົມທົບກັນໃນບັນດາຄວາມມານະພະຍາຍາມໂດຍອີງໃສ່ “ຍຸດທະສາດມະຫາສະມຸດອິນເດຍ - ປາຊີຟິກ ເສລີ ແລະ ເປີດກວ້າງ”

(ແຫຼ່ງຄັດຈາກ VOV)