04/03/2016 09:04 GMT+7 Email Print Like 0

ຫວຽດນາມເດັດດ່ຽວປົກປັກຮັກສາອະທິປະໄຕກໍຄືບັນດາສິດແລະຜົນປະໂຫຍດຖືກກັບກົດໝາຍຂອງຕົນຢູ່ທະເລຕາເວັນອອກ


(ໂຄສົກ​ກະຊວງ​ການ​ຕ່າງປະ​ເທດ​ຫວຽດນາມ ​ເລ​ຫາຍບີ​ງ)

      ທີ່ກອງ​ປະ​ຊຸມ​ຂ່າວ​ນັດ​ສາ​ມັນ​ຂອງ​ກະ​ຊວງ​ການ​ຕ່າງ​ປະ​ເທດ​ຫວຽດ​ນາມ​ໃນ​ຕອນ​ບ່າຍ​ວັນ​ທີ 3/3 ຢູ່​ຮ່າ​ໂນ້ຍ, ໂຄ​ສົກ​ກະ​ຊວງ​ການ​ຕ່າງ​ປະ​ເທດ​ຫວຽດ​ນາມ ເລ​ຫາຍ​ບີງ ໄດ້​ຕອບ​ຄຳ​ຖາມ​ຂອງ​ນັກ​ຂ່າວ​ກ່ຽວ​ກັບ​ບັນ​ດາ​ມາດ​ຕະ​ການ​ຕໍ່​ໄປ​ຂອງ​ຫວຽດ​ນາມ​ຕໍ່​ເລື່ອງ​ຈີນ​ມີ​ການ​ກະ​ທຳ​ກໍ່​ຄວາມ​ເຄັ່ງ​ຕຶງ​ຢ່າງ​ລຽນ​ຕິດ​ຢູ່​ທະ​ເລ​ຕາ​ເວັນ​ອອກ.
        “ໂດຍ​ແມ່ນ​ປະ​ເທດ​ທີ່​ກ່ຽວ​ຂ້ອງ​ເຖິງ​ຄວາມ​ຂັດ​ແຍ້ງ​ຢູ່​ທະ​ເລ​ຕາ​ເວັນ​ອອກ, ຫລັກ​ໝັ້ນ​ສະ​ເຫມີ​ຕົ້ນ​ສະ​ເຫມີ​ປາຍ​ຂອງ​ຫວຽດ​ນາມ ແມ່ນ​ສະ​ຫນັບ​ສະ​ຫນູນ​ການ​ແກ້​ໄຂ​ບັນ​ດາ​ຄວາມ​ຂັດ​ແຍ້ງ​ໂດຍ​ສັນ​ຕິ​ວິ​ທີ, ສອດ​ຄ​ອ່ງ​ກັບ​ກົດ​ໝາຍ​ສາ​ກົນ. ຫວຽດ​ນາມ ຈະ​ເດັດ​ດ່ຽວ ແລະ ຢືດ​ໝັ້ນ​ປົກ​ປັກ​ຮັກ​ສາ​ອະ​ທິ​ປະ​ໄຕ​ກໍ​ຄື​ບັນ​ດາ​ສິດ ແລະ ຜົນ​ປະ​ໂຫຍດ​ຖືກ​ຕ້ອງ​ກັບ​ກົດ​ໝາຍ​ຂອງ​ຕົນ​ຢູ່​ທະ​ເລ​ຕາ​ເວັນ​ອອກ ໂດຍ​ສັນ​ຕິ​ວິ​ທີ, ສອດ​ຄ​ອ່ງ​ກັບ​ກົດ​ໝາຍ​ສາ​ກົນ ແລະ ກົດ​ບັດ ສ​ປ​ຊ.”
 ​         ໃນວັນ​ທີ 03/03 ເມື່ອ​ຕອບ​ຄຳ​ຖາມ​ຂອງ​ນັກ​ຂ່າວ​ກ່ຽວ​ກັບ​ຄວາມ​ປະຕິກິລິຍາ​ຂອງ ຫວຽດນາມ ຕໍ່​ເລື່ອງ ​ໃນ​ວັນ​ທີ 02/03, ສະພາ​ຄວາມ​ໝັ້ນຄົງ​ສະຫະ​ປະຊາ​ຊາດ ຮັບຮອງ​ເຮົາ​ມະຕິ​ລົງ​ໂທດ ສປປ​.​ເກົາຫຼີ, ​ໂຄສົກ​ກະຊວງ​ການ​ຕ່າງປະ​ເທດ​ຫວຽດນາມ ​ເລ​ຫາຍບີ​ງ ​ໃຫ້​ຮູ້​ວ່າ:
        “ຫຼັກ​ໝັ້ນ​ສະ​ເໝີ​ຕົ້ນ​ສະ​ເໝີ​ປາຍ​ຂອງ ຫວຽດນາມ ​ແມ່ນ​ສະໜັບສະໜູນ​ສັນ​ຕິ​ພາບ, ສະຖຽນ​ລະ​ພາບ, ປອດ​ນິວ​ເຄຼຍ​ໃນແຫຼ​ມ​ເກົາຫຼີ​, ບໍ່​ເຜີຍ​ແຜ່​ນິວ​ເຄຼຍ ​ແລະ ກ້າວ​ໄປ​ເຖິງການ​ຫລຸດຜ່ອນ​ອາວຸດ​ນິວ​ເຄຼຍນີ້.
ຫວຽດນາມ ປາດ​ຖະໜາ​ຢາກ​ບັນດາ​ຝ່າຍ​ທີ່​ກ່ຽວຂ້ອງຕັ້ງໜ້າ​ຊຸກຍູ້​ການ​ເຈລະຈາ ​ເພື່ອ​ຊອກ​ຫາ​ມາດ​ຕະການ​ສັນຕິພາບ​ໃຫ້​ແກ່​ບັນດາ​ບັນຫາ​ໃນ​ແຫຼມ​ເກົາຫຼີ, ປະກອບສ່ວນ ຢ່າງ​ແທ້​ຈິງ​ເຂົ້າ​ໃນ​ການ​ຮັກສາ​ສັນຕິພາບ, ສະຖຽນ​ລະ​ພາບ ຢູ່​ພາກ​ພື້ນ ​ແລະ ​ໃນ​ໂລກ​.
​​          ໂດຍເປັນ​ສະມາຊິກ​ທີ່​ມີ​ຄວາມ​ຮັບຜິດຊອບ​ຂອງ​ປະຊາ​ຄົມ​ສາກົນ, ຫວຽດນາມ ​ໄດ້ ​ແລະ ຈະ​ປະຕິບັດ​ບັນດາ​ມະຕິ​ທີ່​ກ່ຽວ​ຂ້ອງ​ຂອງ​ສະພາ​ຄວາມ​ໝັ້ນ​ຄົງ​ສະຫະ​ປະຊາ​ຊາດ​ຢ່າງ​ເຂັ້ມ​ງວດ”.
 (ແຫຼ່ງຄັດຈາກ VOV)