24/04/2015 10:49 GMT+7 Email Print Like 0

ຫວຽດນາມເຂົ້າຮ່ວມກອງປະຊຸມ ຄັ້ງທີ 4 ຂອງກຸ່ມ Toronto


ຫວຽດນາມເຂົ້າ​ຮ່ວມ​ກອງ​ປະຊຸມ ຄັ້ງ​ທີ 4 ຂອງ​ກຸ່ມ Toronto
(
ພາບ: tgvn.com.vn)
        ຫວຽດນາມ ​ເຂົ້າ​ຮ່ວມ​ກອງ​ປະຊຸມ ຄັ້ງ​ທີ 4 ຂອງ​ກຸ່ມ Toronto ​ເຊິ່ງຫາ​ກໍ່​ຈັດ​ຕັ້ງ​ຢູ່ຊະ​ວິດ. ຜູ້​ຊ່ວຍ​ວຽກ​ລັດຖະມົນຕີວ່າການ​ກະຊວງ​ການ​ຕ່າງປະ​ເທດຫວຽດນາມ ທ່ານ​ ຫງວຽນ​ກ໋ວກຢູງ ​ຕາງ​ໜ້າ​ກະຊວງ​ການ​ຕ່າງປະ​ເທດ ຫວຽດນາມ ​ເຂົ້າ​ຮ່ວມ​ກອງ​ປະຊຸມ. ກອງ​ປະຊຸມ​ຖື​ວ່າ ໜ້າ​ທີ່​ຈຸດ​ສຸມ​ຂອງ​ບັນດາ​ກະຊວງ​ການ​ຕ່າງປະ​ເທດ​ໃນ​ໄລຍະ​ປະຈຸ​ບັນ ບໍ່​ພຽງ​​ແຕ່​ແມ່ນການ​ທູດດ້ານ​ການ​ເມືອງ​​ເທົ່າ​ນັ້ນ, ຫາກ​ຍັງ​ແນ່​ໃສ​ຊຸກຍູ້​ການ​ພົວພັນ​​ຮ່ວມ​ມື​ໃນ​ທຸກ​ຂົງ​ເຂດອີກ​ດ້ວຍ, ​ເຊັ່ນ: ​ຂົງ​ເຂດ​ເສດຖະກິດ, ການ​ລົງທຶນ, ການ​ຄ້າ, ວັດທະນາ​ທຳ, ການສຶກສາ ​ແລະ ວິທະຍາສາດ​ເຕັກ​ນິດ… ຍ້ອນ​​ເຫດ​ນັ້ນ, ການ​ສ້າງ​ການ​ພົວພັນ​ຄູ່​ຮ່ວມ​ມື​ພາກ​ລັດ - ​ເອກະ​ຊົນ ບໍ່​ພຽງ​ແຕ່​ເຮັດ​​ໃຫ້ການ​ນຳ​ໃຊ້​ແຫຼ່ງກຳລັງ​ດ້ານ​ການ​ເງິນ ​ແລະ ມະນຸດ​ຂອງ​ກະຊວງ​ການ​ຕ່າງປະ​ເທດ​ໃຫ້​ດີ​ທີ່​ສຸດ, ຂຸດ​ຄົ້ນ​ທ່າ​ແຮງ​ຂອງ​ພາກສ່ວນ​ເສດຖະກິດ​ເອກະ​ຊົນ​ໃນ​ແຕ່ລະ​ຂົງ​ເຂດ​ລະອຽດ​ຢ່າງ​ມີ​ປະສິດທິ​ຜົນ​ເທົ່າ​ນັ້ນ, ຫາກ​ຍັງ​ປະກອບສ່ວນ​ສ້າງ​ຂໍ້​ລິ​ເລີ່​ມປ່ຽນ​ໃໝ່​​ການ​ບໍລິຫານ​ໃນ​ການ​ເຄື່ອນ​ໄຫວ​ຂອງ​ບັນດາ​ອົງການ​ຕາງໜ້າ​ອີກ​ດ້ວຍ.
        ກ່າວ​ຄວາມ​ເຫັນ​ທີ່​ກອງ​ປະຊຸມ, ທ່ານ ຫງວຽນ​ກວົກຢຸງ ​ໄດ້​ແບ່ງປັນ​ບັນດາ​ບົດຮຽນ​ຂອງ​ຫວຽດນາມ ​ໃນ​ການ​ລະດົມ, ​ເສີມ​ຂະຫຍາຍ​ບົດບາດ​ຂອງ​ພາກສ່ວນເສດຖະກິດ​ເອກະ​ຊົນ ​ໃນ​ການ​ຜັນ​ຂະຫຍາຍ​ການ​ເຄື່ອນ​ໄຫວ​ການ​ທູດ, ການ​ເມືອງ ​ແລະ ວັດທະນະທຳ​ທັງ​ຢູ່​ພາຍ​ໃນ ​ແລະ ຕ່າງປະ​ເທດ​ອີກ​ດ້ວຍ.
(ແຫຼ່ງຄັດຈາກ VOV)