02/03/2016 16:09 GMT+7 Email Print Like 0

ຫວຽດນາມອອກຂໍ້ສະເໜີຢຸດຕິບັນດາການເຄື່ອນໄຫວເຮັດໃຫ້ປັບປ່ຽນ ສະພາບການປັດຈຸບັນ, ຫັນເປັນການທະຫານ ຫຼື ເຮັດໃຫ້ສະຖານະ ການຢູ່ທະເລຕາເວັນອອກມີຄວາມສັບສົນຂຶ້ນຕື່ມ

ວັນທີ 15 ກຸມພາ 2016, ສະພາຄວາມໝັ້ນຄົງ ສະຫະປະຊາຊາດ ໄດ້ຈັດຕັ້ງກອງປະຊຸມເວທີສົນທະນາເປີດວ່າດ້ວຍຫົວເລື່ອງ: “ເຄົາລົບ ບັນດາຄະຕິທຳ, ຈຸດປະສົງກົດບັດສະຫະປະຊາຊາດ-ປັດໃຈທີ່ເປັນ ຂໍກຸນແຈແນໃສ່ຮັກສາສັນຕິພາບ ແລະ ຄວາມສະຫງົບສາກົນ”. ທ່ານ ນາງຫງວຽນເຟືອງງາ, ເອກອັກຄະລັດຖະທູດ, ຫົວໜ້າຄະນະຜູ້ ຕາງ ໜ້າຫວຽດນາມປະຈຳສະຫະປະຊາຊາດ ໄດ້ເຂົ້າຮ່ວມກອງປະຊຸມດັ່ງ ກ່າວ ແລະ ມີບົດກ່າວປາໄສອອກຂໍ້ສະເໜີ ຈົ່ງຢຸດຕິ ບັນດາການ ເຄື່ອນໄຫວເຮັດໃຫ້ປັບປ່ຽນສະພາບການປັດຈຸບັນ, ຫັນເປັນການທະຫານ ຫຼື ເຮັດໃຫ້ສະຖານະການຢູ່ທະເລຕາເວັນອອກມີຄວາມສັບສົນຂຶ້ນຕື່ມ. 
ເປີດເລື່ອງໃນບົດກ່າວປາໄສ, ທ່ານເລຂາທິການໃຫຍ່ ສະຫະປະຊາ ຊາດ Ban Ki-moon ໄດ້ເນັ້ນໜັກວ່າ, ຄຽງຂ້າງບັນດາ ຜົນງານທີ່ບັນລຸດໄດ້, ໂລກຍັງຄົງຢືນຢູ່ຕໍ່ໜ້າສິ່ງທ້າທາຍຫຼາຍຢ່າງເຊັ່ນ: ເພີ່ມທະວີ ສົງຄາມພາຍໃນຢູ່ ຊີຣີ ແລະ ເຢແມນ, ລັດທິຫົວຮຸນແຮງແຜ່ຂະຫຍາຍ, ຄວາມສັກສິດພື້ນຖານຂອງກົດໝາຍມະນຸດສະທຳ ແລະ ກົດໝາຍ ສິດທິມະນຸດສາກົນຖືກຖືເບົາ.

ທ່ານເລຂາທິການໃຫຍ່ເນັ້ນໜັກເຖິງບົດບາດຂອງສະຫະປະຊາຊາດໃນການຊ່ວຍໜູນສ້າງຄວາມເຂັ້ມແຂງໃຫ້ບັນດາປະເທດຮັບຮູ້ ແລະ ແກ້ໄຂການປະທະ ແລະ ວິກິດການໂດຍຜ່ານມາດຕະການສະກັດກັ້ນ ຕ່າງໆເຊັ່ນ: ການຄົ້ນພົບ ແລະ ແຈ້ງເຕືອນທັນການ.

ທ່ານເລຂາທິການໃຫຍ່ Ban Ki-moon ໄດ້ຢືນຢັນທິດທາງການເຄື່ອນໄຫວຂອງສະຫະປະຊາຊາດ ແມ່ນໂດຍອີງໃສ່ການຮ່ວມມືຢ່າງໂປ່ງໃສ ແລະ ເຄົາລົບອຳນາດອະທິປະໄຕແຫ່ງຊາດ ຖືກຕ້ອງຕາມຈິດ ໃຈ ຂອງກົດບັດສະຫະປະຊາຊາດ.


ທ່ານນາງຫງວຽນເຟືອງງາ, ເອກອັກຄະລັດຖະທູດ, ຫົວໜ້າຄະນະ ຜູ້ຕາງໜ້າຫວຽດນາມປະຈຳສະຫະປະຊາຊາດ. ພາບ: VNA


ທ່ານນາງ ເອກອັກຄະລັດຖະທູດ ຫງວຽນເຟືອງງາ ແລະ ທ່ານເລຂາທິ ການໃຫຍ່ສະຫະປະຊາຊາດ Ban Ki-moon. ພາບ: VNA
 
ກ່າວປາໄສໃນທີ່ກອງປະຊຸມ, ທ່ານເອກອັກຄະລັດຖະທູດ ຫງວຽນ ເຟືອງງາ, ໄດ້ຢັ້ງຢືນຄວາມສຳຄັນຂອງກົດບັດ ສະຫະປະຊາຊາດ ໃນ ການຮັກສາສັນຕິພາບ ແລະ ຄວາມສະຫງົບສາກົນ, ຊຸກຍູ້ການພັດທະ ນາ ແລະ ປົກປັກຮັກສາສິດທິຂອງມະນຸດ; ເນັ້ນໜັກຄວາມສັກສິດຂອງ ບັນດາຫຼັກການພື້ນຖານກົດບັດ ສະຫະປະຊາຊາດຕໍ່ບັນດາສິ່ງທ້າ ທາຍຄວາມສະຫງົບທີ່ເປັນມູນເຊື້ອ  ແລະ ບໍ່ເປັນມູນເຊື້ອໃນປັດຈຸບັນ; ຮຽກຮ້ອງສະຫະປະຊາຊາດ, ໂດຍສະເພາະແມ່ນ ບັນດາອົງການຕົ້ນ ຕໍເຊັ່ນສະມັດຊາໃຫຍ່, ສະພາ ຄວາມໝັ້ນຄົງ, ສະພາເສດຖະກິດສັງ ຄົມສະຫະປະຊາຊາດ (ECOSOC), ຕ້ອງນຳໜ້າຊຸກຍູ້ບັນດາຫຼັກ ການພື້ນຖານ ຂອງກົດບັດບົນພື້ນຖານເຄົາລົບຜົນສັກສິດ, ສີສັນສະ ເພາະຂອງແຕ່ລະປະເທດກ່ຽວກັບປະຫວັດຊາດ, ວັດທະນະທຳ, ການ ເມືອງ, ເສດຖະກິດ-ສັງຄົມ.

ທ່ານເອກອັກຄະລັດຖະທູດກໍ່ໄດ້ໃຫ້ວ່າ ສະຫະປະຊາຊາດ ຕ້ອງເສີມ ຂະຫຍາຍບົດບາດຊ່ວຍໜູນແກ້ໄຂການພິພາດໂດຍສັນຕິວິທີ ແລະ ສະກັດກັ້ນການປະທະກັນ; ສະພາຄວາມໝັ້ນຄົງ ຕ້ອງໃຫ້ ບຸລິມະສິດ ນຳໃຊ້ສັນຕິວິທີຕາມມາດຕາ 33 ຂອງກົດບັດ, ເພີ່ມທະວີການ ພົວພັນ ກັບບັນດາອົງການຈັດຕັ້ງພາກພື້ນ ແລະ ອະນຸພາກພື້ນ, ປະຕິບັດເປັນຢ່າງດີບົດບາດເປັນໃຈກາງໃນການໄກ່ເກ່ຍ, ລະດົມແຫຼ່ງກຳລັງແຮງ ແລະ ຍົກສູງຄວາມສາມາດໃຫ້ແກ່ບັນດາການເຄື່ອນໄຫວປົກປັກຮັກສາສັນຕິພາບ.

ທ່ານເອກອັກຄະລັດຖະທູດ ຫງວຽນເຟືອງງາໄດ້ເນັ້ນໜັກເຖິງ ບົດບາດ ຄວາມສາມັກຄີຂອງອາຊຽນ ໃນການຮັບປະກັນໂຄງປະກອບຄວາມສະຫງົບ ແລະ ສະຖຽນລະພາບຢູ່ພາກພື້ນ, ພິເສດແມ່ນຕໍ່ໜ້າການຜັນແປຢ່າງສັບສົນ ຢູ່ທະເລຕາເວັນອອກກັບການເຄື່ອນໄຫວຕ່າງໆຝ່າຍດຽວເຊັ່ນ: ການກໍ່ສ້າງ, ເປີດກວ້າງເກາະ, ຫີນຢ່າງຜິດກົດໝາຍ, ເຮັດໃຫ້ກໍ່ຜົນສະທ້ອນຕໍ່ສິ່ງແວດລ້ອມ ແລະ ນຳຜົນເສຍຫາຍຢ່າງ ຮ້າຍແຮງເຖິງສັນຕິພາບ, ຄວາມສະຫງົບ ແລະ ສະຖຽນລະພາບ ຢູ່ ພາກພື້ນ.

ທ່ານເອກອັກຄະລັດຖະທູດນຳສະເໜີຕໍ່ຝ່າຍຕ່າງໆທີ່ກ່ຽວຂ້ອງ ຈົ່ງຢຸດ ຕິບັນດາການເຄື່ອນໄຫວທີ່ເຮັດໃຫ້ປັບປ່ຽນສະພາບປັດຈຸບັນ, ຫັນເປັນ ການທະຫານ ຫຼື ເຮັດໃຫ້ສະຖານະການຢູ່ທະເລຕາເວັນອອກມີ ຄວາມສັບສົນຂຶ້ນຕື່ມ; ຮຽກຮ້ອງແກ້ໄຂຂໍ້ພິພາດ ໂດຍສັນຕິວິທີ ບົນພື້ນ ຖານກົດບັດຂອງສະຫະປະຊາຊາດ ແລະ ບັນດາຫຼັກການພື້ນຖານ ຂອງກົດໝາຍສາກົນ, ໃນນັ້ນມີສົນທິສັນຍາ ຂອງສະຫະປະຊາຊາດ ວ່າດ້ວຍກົດໝາຍທະເລປີ 1982, ເຄົາລົບສິດເສລີດ້ານການເດີນທະ ເລ, ການເດີນອາກາດຢູ່ພາກພື້ນ, ຍຶດຫມັ້ນປະຕິບັດຢ່າງເຂັ້ມງວດ ແລະ ຄົບຖ້ວນຂໍ້ຖະແຫຼງການວ່າດ້ວຍ ການປະພຶດຕໍ່ຂອງຝ່າຍຕ່າງໆຢູ່ທະເລຕາເວັນອອກ (DOC) ແລະ ສ້າງໃຫ້ສໍາເລັດໂດຍໄວປະມວນ ກົດລະບຽບການປະພຶດຕໍ່ຢູ່ທະເລຕາເວັນອອກ(COC).

ຮູບພາບເສັ້ນທາງຂຶ້ນລົງຂອງເຮືອບິນ ແລະ ບັນດາພື້ນຖານກໍສ້າງ ຂອງຈີນຢູ່ເທິງເກາະຫີນ ຈື້ເຖີບ
ຢູ່ໝູ່ເກາະເຈື່ອງຊາຂອງຫວຽດນາມ ຢ່າງຜິດກົດໝາຍ. ພາບ: Reuters/VNA



ງານວາງສະແດງພາບຖ່າຍກ່ຽວກັບການເຄື່ອນໄຫວ ກໍ່ສ້າງເກາະທຽມ ຂອງຈີນຢູ່ທະເລຕາເວັນອອກຢ່າງຜິດກົດໝາຍ ທີ່ນະຄອນຫຼວງເຊອູນ, ສ.ເກົາຫຼີ. ພາບ: VNA


ບັນດານັກຮຽນຮູ້ສາກົນຢ້ຽມຊົມງານວາງສະແດງ ແນະນຳເອກະສານ ດ້ານນິຕິກຳປະຫວັດສາດຕ່າງໆວ່າດ້ວຍອຳນາດອະທິປະໄຕ
ຕໍ່ໝູ່ ເກາະຮວ່າງຊາ ແລະ ເຈື່ອງຊາຂອງຫວຽດນາມ. ພາບ: VNA



ພາບລວມເຂດອະນຸສອນບັນດານັກຮົບ ກາກມາ ໄດ້ຮັບການກໍ່ສ້າງ ທີ່ແຫຼມ ກາມແຣງ, ແຂວງແຄ້ງຮ່ວາ. ນີ້ແມ່ນກິດຈະກຳວັດທະນະທຳ, ເປັນສະຖານທີ່ທ່ອງທ່ຽວ, ສຶກສາມູນເຊື້ອຮັກຊາດ ແລະ ປົກປັກຮັກ ສາປະເທດຊາດ,  ຢືນຢັນວ່າແຫຼມກາກມາເວົ້າສະເພາະ ແລະ ສອງໝູ່ ເກາະຮວ່າງຊາ ແລະ ເຈື່ອງຊາເວົ້າລວມ ແມ່ນເຂດອຳນາດອະທິ ປະໄຕຂອງຫວຽດນາມ. ພາບ: VNA
 
ທີ່ກອງປະຊຸມດັ່ງກ່າວ, ບັນດາປະເທດຕ່າງກໍຢືນຢັນບົດບາດອັນສຳຄັນ ຂອງບັນດາຫຼັກການພື້ນຖານ ແລະ ຈຸດປະສົງຂອງກົດບັດເປັນປັດໄຈ ຂໍກຸນແຈເພື່ອກໍ່ສ້າງ ແລະ ຮັກສາໄວ້ການສະຖາປັດຕະຍະກຳ ຄວາມ ສະຫງົບລວມໝູ່ສາກົນ; ຍົກສູງຄວາມສັກສິດຕົ້ນຕໍເຊັ່ນ: ເຄົາລົບ ຄວາມເປັນເອກະລາດ ແລະ ສະເໝີພາບອຳນາດອະທິປະໄຕ, ບໍ່ ແຊກແຊງເຂົ້າວຽກງານພາຍໃນຂອງກັນ, ແກ້ໄຂຂໍ້ຂັດແຍ່ງໂດຍສັນ ຕິວິທີ, ບໍ່ນຳໃຊ້ ຫຼື ນາບຂູ່ດ້ວຍກຳລັງອາວຸດ ແລະ ບົດບາດສຳຄັນ ຂອງສະຫະປະຊາຊາດ ໃນການຊ່ວຍໜູນແກ້ໄຂ ບັນດາຂໍ້ຂັດແຍ່ງ ໂດຍສັນຕິວິທີ ແລະ ແກ້ໄຂບັນດາບັນຫາທີ່ເປັນກົກເຄົ້າເພື່ອ ກະກັດ ກັ້ນການປະທະ, ໂດຍສະເພາະຢ່າງຍິ່ງແມ່ນໃນສະຖານະການຄວາມ ສະຫງົບ, ຄວາມເປັນສັນຕິພາບຂອງພາກພື້ນ ແລະ ໂລກຖືກນາບຂູ່ ດ້ວຍການຂັດແຍ່ງອຳນາດອະທິປະໄຕ ແລະ ຜືນແຜ່ນດິນອັນຄົບ ຖ້ວນ, ພິພາດທາງສາສະໜາ, ເຊື້ອຊາດ, ການປົດກຳລັງຮົບ ແລະ ເຜີຍແຜ່ ອາວຸດລ້າງຜານເປັນລວາດໆ, ລັດທິການກໍ່ການຮ້າຍ ແລະ ຄວາມຮຸນແຮງຢ່າງສຸດຂີດພາໄປເຖິງຂະບວນການ ອົບພະຍົບຖືກແຜ່ ຂະຫຍາຍ, ໂລກລະບາດຍ້ອນໄວຮັດ Ebola, Zika ແລະ ການ ປ່ຽນແປງຂອງດິນຟ້າອາກາດ.
ປະຕິບັດໂດຍ: VNA/VNP
 
ບັນດາບົດທີ່ຖືກນຳສະເໜີ