18/01/2018 09:31 GMT+7 Email Print Like 0

ຫວຽດນາມສົ່ງເສີມວິສາຫະກິດອັງກິດເຂົ້າມາລົງທຶນຢູ່ຫວຽດນາມ

      ວັນທີ 17 ມັງກອນ, ຢູ່ຮ່າໂນ້ຍ, ທ່ານຮອງນາຍົກລັດຖະມົນຕີຫວຽດນາມ ຈີ້ງດິງຢຸງ ໄດ້ໃຫ້ການຕ້ອນຮັບທ່ານ Jammes Mayer Sassoon ຜູ້ອຳນວຍການຝ່າຍບໍລິຫານ ກຸ່ມບໍລິສັດ Jardine Matheson ຂອງອັງກິດ

ທ່ານຮອງນາຍົກລັດຖະມົນຕີຫວຽດນາມ ຈີ້ງດິງຢຸງ ຕ້ອນຮັບທ່ານ Jammes Mayer Sassoon
ຜູ້ອຳນວຍການຝ່າຍບໍລິຫານ ກຸ່ມບໍລິສັດ Jardine Matheson 
      ທ່ານຮອງນາຍົກລັດຖະມົນຕີຫວຽດນາມ ຈີ້ງດິງຢຸງ ໄດ້ເນັ້ນໜັກເຖິງການພັດທະນາຢ່າງຕັ້ງໜ້າຂອງສາຍພົວພັນຄູ່ຮ່ວມມືຍຸດທະສາດຫວຽດນາມ-ອັງກິດໃນໄລຍະທີ່ຜ່ານມາ, ເປັນຕົ້ນແມ່ນໃນຂົງເຂດການຄ້າ, ການລົງທຶນ ແລະ ການທ່ອງທ່ຽວ. ທ່ານຮອງນາຍົກລັດຖະມົນຕີຫວຽດນາມ ຈີ້ງດິງຢຸງ ຢືນຢັນວ່າ ລັດຖະບານຫວຽດນາມພວມປະຕິບັດບັນດານະໂຍບາຍສ້າງເສດຖະກິດມະຫາພາກເປັນປົກກະຕິ, ຄວບຄຸມເງິນເຟີ້, ຊຸກຍູ້ເສດຖະກິດພາກເອກະຊົນ, ສ້າງສະພາບແວດລ້ອມແຫ່ງການດຳເນີນທຸລະກິດສະເໝີພາບ, ອຳນວຍຄວາມສະດວກໃຫ້ແກ່ບັນດານັກລົງທຶນ, ໃນນັ້ນມີນັກລົງທຶນໃຫຍ່ຂອງອັງກິດ.
    ສ່ວນທ່ານ Jammes Mayer Sassoon ຜູ້ອຳນວຍການຝ່າຍບໍລິຫານ ກຸ່ມບໍລິສັດ Jardine Matheson  ສະແດງຄວາມປະທັບໃຈຕໍ່ບັນດາໝາກຜົນພັດທະນາເສດຖະກິດ-ສັງຄົມຊຶ່ງຫວຽດນາມບັນລຸມາໄດ້ ພ້ອມທັງຕີລາຄາສູງບັນດານະໂຍບາຍປົວແປງສະພາບແວດລ້ອມແຫ່ງການລົງທຶນ, ອຳນວຍຄວາມສະດວກໃຫ້ແກ່ບັນດາວິສາຫະກິດ. 
 (ແຫຼ່ງຄັດຈາກ VOV)