02/09/2016 06:03 GMT+7 Email Print Like 0

ຫວຽດນາມສູ້ຊົນໃຫ້ກາຍເປັນ1ໃນ4ປະເທດນຳໜ້າຂອງອາຊຽນກ່ຽວກັບສະພາບແວດລ້ອມແຫ່ງການລົງທຶນ

(ທ່ານນາ​ຍົກ​ລັດ​ຖະ​ມົນ​ຕີ ຫງວຽນ​ຊວນ​ຟຸກ ຮຽກ​ຮ້ອງ​ໃຫ້​ບັນ​ດາ​ກະ​ຊວງ, 
ຂະ​ແໜງ​ການຕ້ອງ​ຫັນຄວາມຕັດ​ສິນ​ໃຈ​ຢ່າງລະ​ອຽດ)
      ໃນ​ວາ​ລະ​ກອງ​ປະ​ຊຸມ​ ປະ​ຈຳ​ໄລ​ຍະເດືອນ 8 ຂອງ​ລັດ​ຖະ​ບານ, ຕອນ​​ບ່າຍ​ວັນ​ທີ 31/8, ບັນ​ດາ​ສະ​ມາ​ຊິກ​ລັດ​ຖະ​ບານ ໄດ້​ປຶກ​ສາ​ຫາ​ລື ​ກ່ຽວ​ກັບ​ສະ​ພາບ​ເສດ​ຖະ​ກິດ-​ສັງ​ຄົມ 8 ເດື​ອນ ແລະ ໝົດ​ປີ 2016. ຕາ​ມ​ການ​ລາຍ​ງານ​ ຂອງທ່ານ ​ລັດ​ຖ​ະ​ມົນ​ຕີ​ກະ​ຊວງ​ແຜນ​ການ​ ແລະ ກາ​ນ​ລົງ​ທຶນ​ຫວຽດ​ນາມ, ດັດ​​ຊະ​ນີ​ລາ​ຄາ​ຜູ້​​ໃຊ້​ສອຍ (CPI) ສະ​ເ​ລ່ຍ 8 ເດືອນ ເພີ່ມ​ຂື້ນ 1,91% ເມື່ອ​ທຽບ​ໃສ່​ ​ລະ​ດັບສະ​ເລ່ຍ ໃນ​ໄລ​ຍະ​ດຽວ​ກັນ​ຂອງ​ປີ​ກາຍ. ​ຍອດ​ລາຍ​ຮັບ​ງົບ​ປະ​ມານ​ແຫ່ງ​ລັດ ຮອດ​ກາງ​ເດືອນ 8 ແມ່ນເກືອບ 604 ພັນ​ຕື້​ດົ່ງ, ເທົ່າ​ກັບ 59,5% ​ຂອງ​ການ​ວາງ​ແຜນ​ງົບ​ປະ​ມານ. ​ການດຶງ​ດູດ​​ທຶນ​ໂດຍ​ກົງ​ຈາກ​ຕ່າງ​ປະ​ເທດ (FDI) ສືບ​ຕໍ່​ດີ​ພໍ​ສົມ​ຄວນ, ຍອດທຶນ​ຈົດ​ທະ​ບຽບ 8 ເດືອນ​ຜ່ານ​ມາ ​ມີ​ເກືອບ 14,4 ຕື້ USD. ສະຫຼຸບ​ວາ​ລະ​ ​ປຶກ​ສາ​ຫາ​ລື,  ທ່ານ ນາ​ຍົກ​ລັດ​ຖະ​ມົນ​ຕີ ຫງວຽນ​ຊວນ​ຟຸກ ຮຽກ​ຮ້ອງ​ໃຫ້​ບັນ​ດາ​ກະ​ຊວງ, ຂະ​ແໜງ​ການ ຕ້ອງ​ຫັນຄວາມຕັດ​ສິນ​ໃຈ​ຢ່າງລະ​ອຽດ ​ດ້ວຍ​ບັນ​ດາ​ນະ​ໂຍ​ບາຍ, ການ​ກະ​ທຳ, ລາຍ​ຈ່າຍ​ລະ​ອຽດ, ເພື່ອ​ແກ້​ໄຂ​ບັນ​ດາ​ບັນ​ຫາ​ຂອງ​ປະ​ເທດ, ຊຸກ​ຍູ້​ເສດ​ຖະ​ກິດ-ສັງ​ຄົມ ​ຂອງ​ປະ​ເທດ. ທ່ານ ນາ​ຍົກ​ລັດ​ຖະ​ມົນ​ຕີ ໃຫ້​ຮ​ູ້​ວ່າ: ຫວຽດ​ນາມ ໄດ້​ເພີ່ມ​ຂື້ນ 3 ຂັ້ນ ກ່ຽວ​ກັບ​ສະ​ພາບ​ແວດ​ລ້ອມ​ແຫ່ງ​ການ​ລົງ​ທຶນ​ ດຳ​ເນີນ​ທຸ​ລະ​ກິດ, ຈາກ​ອັນດັບ​ທີ 93 ເປັນ ​ອັນ​ດັບ​ທີ 90 ໃນ 189 ປະ​ເທດ ແລະ ພວມ​ຖືກ​ຈັດ​ຢູ່ອັດ​ດັບ 5 ໃນ 10 ປະ​ເທດ​ອາ​ຊຽນ. ທ່ານ ນາ​ຍົກ​ລັດ​ຖະ​ມົນ​ຕີ ເນັ້​ນ​ໜັກ​ວ່າ: ຫວຽດ​ນາມ ວາງ​ຄາດ​ໝາຍ​ການ​ເປັນ 1 ໃນ 4 ປະ​ເທດ​ນຳ​ໜ້າ​ ຂອງ​ອາ​ຊຽນ ກ່ຽວ​ກັບ​ສະ​ພາບ​ແວດ​ລ້ອມ​ແຫ່ງ​ການ​ລົງ​ທຶນ. ທ່ານ ນາ​ຍົກ​ລັດ​ຖະ​ມົນ​ຕີ ຫງວຽນ​ຊວນ​ຟຸ​ກ ເນັ້ນ​ໜັກ​ວ່າ:
        ຂ້າ​ພະ​ເຈົ້າ ໄດ້​ສະ​ເໜີ ບັນ​ດາລັດ​ຖະ​ມົນ​ຕີ ຕີ​ລາ​ຄາ, ກວດ​ຄືນ​ພື້ນ​ຖານ​ເສດ​ຖະ​ກິດ. ນັ້ນ​ກໍ່​ແມ່ນພື້ນ​ຖານ ເພື່ອ​ໃຫ້​ລັດ​ຖະ​ບານ ຊີ້​ນ​ນຳຢ່າງ​ມີຈຸດ​ສຸມ​ກວ່າ. ດັ່ງ​ນັ້ນ​ ​ຄວນ​ຜັນ​ຂະ​ຫຍາຍ​​ວຽກ​ງານນີ້​ຢ່າງພາ​ວະ​ວິ​ໄສ​ໂດຍ​ໄວ. ຂ້າ​ພະ​ເຈົ້າ ຊີ້​ນຳ​​​ໃຫ້​ປະ​ຕິ​ບັດຢ່າງ​ເປີດ​ເຜີຍ​ຈະ​ແຈ້ງ, ຕັດ​ສີນ​ໃຈ​ຕ້ານ​ໄພຫຍໍ້​ທໍ້, ຜົນ​ປະ​ໂຫຍດ​ກຸ່ມ, ພວກ​ເຮົາ​ຕ້ອງ​ເຮັດ​ວຽກ​ນີ້​​ຢ່າງ​ເຖິງ​ຖອງ ເພື່ອປະ​ໂຫຍດ​ສູງ​​ສຸດ​ຂອງ​ລັດ, ຮັບ​ປະ​ກັນ​ຄວາມ​ສະ​ໝີ​ພາບ ລະ​ຫວ່າງ ນັກ​ລົງ​ທຶນ, ສ້າງ​ຄວາມ​ເຊື່ອ​ໝັ້ນ​ໃນ​ສັງ​ຄົມ ແລະ ເພື່ອ​ໃຫ້​ລາຍ​ການ​ຫັນ​ເປັນ​ຫຸ້​ນສ່ວນເປັນ​ລະ​ບຽບ, ເພື​່ອບໍ່​ໃຫ້​​ເກີດ​ສະ​ພາບ​ຮົ່ວ​ໄຫຼ ​ຍ້ອນການ​ຫັນ​ເປັນ​ຫຸ້ນ​ສ່ວນ.
 (​ແຫຼ່ງຄັດ​ຈາກ VOV)