31/08/2020 22:30 GMT+7 Email Print Like 0

ຫວຽດນາມຢັ້ງຢືນມີຜູ້ຕິດເຊື້ອພະຍາດ Covid – 19 ທີ່ກັບມາຈາກຕ່າງປະເທດຕື່ມອີກ 04 ຄົນ

      ໄລ່ຮອດເວລາ 18 ໂມງຂອງວັນທີ 31 ສິງຫາ, ຫວຽດນາມ ໄດ້ຢັ້ງຢືນມີຜູ້ຕິດເຊື້ອໂຄວິດ - 19 ທີ່ກັບມາຈາກຕ່າງປະເທດຕື່ມອີກ 04 ຄົນ, ເຊິ່ງລວມມີ ຊາວຫວຽດນາມ 01 ຄົນ ແລະ ຊາວອິນເດຍ 03 ຄົນ. 

ໄລ່ຮອດເວລາ 18 ໂມງຂອງວັນທີ 31 ສິງຫາ, ຫວຽດນາມ ຢັ້ງຢືນມີຜູ້ຕິດເຊື້ອໂຄວິດ - 19 ທັງໝົດ 1044 ຄົນ 
(ພາບ: ກະຊວງສາທາລະນະລັດ)
      ປັດຈຸບັນ, ຫວຽດນາມມີຈຳນວນຜູ້ຕິດເຊື້ອພະຍາດ Covid – 19 ທັງໝົດ 1044 ຄົນ, ໃນນັ້ນ ມີ 707 ຄົນ ໄດ້ຮັບການປິ່ນປົວຫາຍດີເປັນປົກກະຕິ ແລະ ຜູ້ເສຍຊີວິດ 34 ຄົນ.
 ໃນເຫດການທີ່ກ່ຽວຂ້ອງ, ໃນລະຫວ່າງວັນທີ 29 – 30 ສິງຫາ 2020, ບັນດາອົງການທີ່ມີໜ້າທີ່ຮັບຜິດຊອບຂອງຫວຽດນາມ, ບັນດາອົງການຕາງໜ້າຫວຽດນາມ ປະຈຳ ອາເມລິກາ, ບໍລິສັດການບິນຫວຽດນາມ ໄດ້ສົມທົບກັບບັນດາອົງການທີ່ມີໜ້າທີ່ຮັບຜິດຊອບຂອງອາເມລິກາ ເພື່ອນຳສົ່ງພົນລະເມືອງຫວຽດນາມ 350 ຄົນ ກັບມາປະເທດ ຢ່າງປອດໄພ. ຜູ້ໂດຍສານໃນຖ້ຽວບິນມາຈາກບັນດາລັດຢູ່ອາເມລິກາ, ລວມມີ: ເດັກນ້ອຍອາຍຸຕ່ຳກ່ວາ 18 ປີ, ຜູ້ອາຍຸສູງ, ຄົນເຈັບ        ພາຍຫຼັງເຮືອບິນລົງຈອດຢູ່ສະໜາມບິນເວິນໂດນ, ແຂວງກ໋ວາງນິງ, ຜູ້ໂດຍສານທັງໝົດໄດ້ຮັບການກວດສຸຂະພາບ ແລະ ແຍກຕົວຕາມຂໍ້ກຳນົດ.
(ແຫຼ່ງຄັດຈາກ VOV)