01/04/2016 09:04 GMT+7 Email Print Like 0

ຫວຽດນາມບໍ່ທັນຮັບຮູ້ກໍລະນີຕິດເຊື້ອໄວຣັດ Zika


ພາບປະກອບ
      ຫວຽດນາມ​ບໍ່​ທັນ​ຮັບ​ຮູ້​ກໍລະນີ​ຕິດ​ເຊື້ອໄວຣັດ Zika - ທ່ານ ​ເຈີ່ນ​ດັກ​ຟູ, ຫົວໜ້າ​ກົມ​ການ​ແພດ​ສຳຮອງ (ກະຊວງ​ສາທາລະນະ​ສຸກ ຫວຽດນາມ) ​ໄດ້​ຢັ້ງຢືນຄື​ດັ່ງກ່າວ​ທີ່​ກອງ​ປະຊຸມ​ໂດຍ​ກົງ​ຜ່ານ​ເຄືອ​ຂ່າ​ຍອິນ​ເຕີ​ເນັດ​ຂອງຄະນະ​ຊີ້​ນຳ​ປ້ອງ​ກັນ, ຕ້ານ​ໂລກລະບາດ​ຢູ່​ຄົນ, ​ຊຶ່ງ​ດຳ​ເນີນ​ໃນ​ຕອນ​ບ່າຍ​ວັນ​ທີ 30/3. ທ່ານ ​ເຈີ່ນ​ດັກ​ຟູ ​ໃຫ້​ຮູ້​ວ່າ: ປະ​ຈຸບັນ, ສະພາບ​ໂລກ​ລະບາດ​ເຊື້ອໄວຣັດ Zika ​ພວມ​ເພີ່ມ​ຂຶ້ນ, ພິ​ເສດ​ແມ່ນຢູ່​ບັນດາ​ປະ​ເທດ​ໃນ​ພາກ​ພື້ນ (​ໄທ, ຟີ​ລິບ​ປິນ, ລາວ, ກຳປູ​ເຈຍ) ກໍ​​ໄດ້ປະກົດມີ. ດ່ັງ​ນັ້ນ, ​ໄລຍະ​ຈະ​ມາ​ເຖິງ, ​ເພື່ອ​ເພີ່ມ​ທະວີ​ວຽກ​ງານ​ປ້ອງ​ກັນ, ຕ້ານ​​ໂລກລະບາດ​ໂດຍ ​​ເຊື້ອໄວຣັດ​ Zika ກໍ່​ຂຶ້ນຢ່າງ​ມີ​ປະສິດທິ​ຜົນນັ້ນ, ກະຊວງ​ສາທາລະນະ​ສຸກ ​ຈະ​ຍົກລະດັບ​ການ​ກ່າວ​ເຕືອນ​ວຽກ​ງານປ້ອງ​ກັນ, ຕ້ານ​ໂລກ​ລະ​ບາດຕາ​ມກໍລະນີ​ທີ 2 (​ຖື​ວ່າ​ໄດ້​ມີ​ກໍລະນີ​ຕິດ​​ເຊື້ອພະຍາດ​​ແລ້ວ), ສ້າງ​ຕັ້ງ​ບັນດາ​ກອງ​ຕອບ​ສະໜອງ​ໄວ​ຢູ່​ຂັ້ນ​ສູນ​ກາງ ​ແລະ ​ເຂດ​ກຽມພ້ອມຮັບ​ມື​ກັບ​ໂລກ​ລະ​ບາດ… ຄຽງຄູ່​ກັນ​ນັ້ນ, ຂະ​ແໜງ​ການ​ແພດ ສືບ​ຕໍ່​ຜັນ​ຂະຫຍາຍ​ວຽກ​ງານ​ໂຄສະນາ​ເຜີຍ​ແຜ່​ຢ່າງ​​ແຮງ, ຂົນຂວາຍ​ປະຊາຊົນ​ປະຕິບັດ​ບັ້ນ​ຮົບ “ປະຊາຊົນ​ຂ້າ​ຍຸງລາຍ, ປ້ອງ​ກັນ, ຕ້ານ​ພະຍາດ​ຍ້ອນ ​ເຊື້ອ​ໄວຣັດ Zika ກໍ່​ຂຶ້ນ ​ແລະ ພະຍາດ​​ໄຂ້​ເລືອກ​ອອກ”- ນີ້​ແມ່ນ​ມ​າດຕະການ​ທີ່ມີ​ປະສິດທິ​ຜົນ​ທີ່​ສ​ຸດ​ໃນ​ປະຈຸ​ບັນ.
(ແຫຼ່ງຄັດຈາກ VOV)