28/10/2015 09:38 GMT+7 Email Print Like 0

ຫວຽດນາມຖືກຈັດອັນດັບສູງກ່ຽວກັບການຮັບປະກັນຄວາມປອດໄພທາງເຄືອຂ່າຍອິນເຕີແນັດຢູ່ອາຊີ-ປາຊີຟິກ


(ພາບປະກອບ)

        ຕອນ​ຕ່ຳ​ວັນ​ທີ 26/10, ສູນ​ນະ​ໂຍບາຍທາງ​ເຄືອ​ຂ່າຍ​ອິນ​ເຕີ​ແນັ​ດສາກົນ​ຂຶ້ນ​ກັບ​ສະ​ຖາ​ບັນນະ​ໂຍບາຍ​ຍຸດ​ທະ​ສາດ ອົດສຕາ​ລີ (ASPI) ​ໄດ້ປະກາດ​ຕາຕະລາງ​ຈັດ​ອັນ​ດັບ​ກ່ຽວ​ກັບ​ການ​ຮັບປະກັນ​ຄວາມ​ປອດ​ໄພທາງ​ເຄືອ​ຂ່າຍ​ອິນ​ເຕີ​ແນັ​ດຕໍ່​ການ​ບຸກ​ໂຈມ​ຕີ​ຂອງ ​ແຮກ​ເກີ ປີ 2015 ຢູ່​ພາກ​ພື້ນ ອາຊີ - ປາຊີ​ຟິກ, ​ໃນ​ນັ້ນ ຫວຽດນາມ ຢືນ​ຢູ່​ທີ 9. ​ໃນ​ຕາຕະລາງ​ຈັດ​ອັນ​ດັບ​ນີ້, ຢືນຢູ່​ແຖວ​ໜ້າ​ໃນ​ການ​ຮັບປະກັນ​ຄວາມ​ປອດ​ໄພທາງ​ເຄືອ​ຂ່າຍ​ອິນ​ເຕີ​ແນັ​ດ​ແມ່ນ ອາ​ເມ​ລິ​ກາ, ຍີ່​ປຸ່ນ, ສ.​ເກົາຫຼີ, ສິງກະ​ໂປ ​ແລະ ອົດສຕາ​ລີ. ຖືກ​ຈັດ​ໃນ Top 10 ປະ​ເທດ​ຮັບປະກັນ​ຄວາມ​ປອດ​ໄພທາງ​ເຄືອ​ຂ່າຍ​ອິນ​ເຕີ​ແນ​ດ​ດີ​ທີ່​ສຸດ​ໃນ​ພາກ​ພື້ນ​ຍັງ​ມີ ບຣູ​ໄນ, ຖັດຈາກ ຫວຽດນາມ ຜູ້ອຳນວຍການ​ສູນ​ນະ​ໂຍບາຍທາງ​ເຄືອ​ຂ່າຍ​ອິນ​ເຕີ​ແນັ​ດ​ສາກົນທ່ານ Tobias Feakin ​ໃຫ້​ຮູ້​ວ່າ: ພາກ​ພື້ນ ​ອາ​ຊີ - ປາຊີ​ຟິກ ຈະ​ສືບ​ຕໍ່​ປະກອບ​ບົດບາດ​ເປັນ​ໃຈກາງ​​ໃນ​ການ​ສ້າງ​ພື້ນຖານ​ເສດຖະກິດ​ດິຈິ​ຕອນ ​ແລະ ​ການ​ໂຕ້​ຖຽງກັນຕ່າງໆກ່ຽວ​ກັບ​ການ​ບຸກ​ໂຈມ​ຕີທາງ​ເຄືອ​ຂ່າຍ​ອິນ​ເຕີ​ແນັ​ດ​ໃນ​ໂລກ.
 (ແຫຼ່ງຄັດຈາກ VOV)