24/07/2018 10:25 GMT+7 Email Print Like 0

ຫວຽດນາມຕັ້ງໜ້າຜັນຂະຫຍາຍແຜນການປະຕິບັດບັນດາເປົ້າໝາຍຂອງປະຊາຄົມວັດທະນະທໍາ - ສັງຄົມ ອາຊຽນ

      ວັນທີ 23 ກໍລະກົດ, ຢູ່ນະຄອນດ່າໜັງຂອງຫວຽດນາມ, ໄດ້ດໍາເນີນກອງປະຊຸມສະຫຼຸບກາງໄລຍະ ກ່ຽວກັບເລື່ອງປະຕິບັດແຜນຮ່າງກໍ່ສ້າງ ຜັນຂະຫຍາຍແຜນການປະຕິບັດບັນດາເປົ້າໝາຍຂອງປະຊາຄົມວັດທະນະທໍາ - ສັງຄົມ ອາຊຽນ ຮອດປີ 2025 ( ແຜນຮ່າງ 161) ເຂດພາກກາງ.
      ທີ່ກອງປະຊຸມ, ຜູ້ຕາງໜ້າກະຊວງແຮງງານ, ທະຫານເສຍອົງຄະ ແລະ ສັງຄົມ ຫວຽດນາມ ໃຫ້ຮູ້ວ່າ ຢູ່ໃນລະດັບຊາດ, ມາຮອດປັດຈະບັນນີ້ ໄດ້ມີ 9/11 ກະຊວງ, ຂະແໜງການ ຂຶ້ນກັບປະຊາຄົມວັດທະນະທໍາ - ສັງຄົມ ອາຊຽນ ຢູ່ຫວຽດນາມ  ໄດ້ສ້າງແຜນການປະຕິບັດ. ຢູ່ໃນລະດັບທ້ອງຖ່ິ່ນ, ມີ 54/63 ແຂວງ, ນະຄອນ ໄດ້ປະກາດໃຊ້ແຜນການເຄື່ອນໄຫວໄລຍະ 2016 - 2020 ແລະຜັນຂະຫຍາຍຢ່າງຕັ້ງໜ້າ. ຕົວຢ່າງຄື ຢູ່ນະຄອນດ່າໜັງ, ທາງນະຄອນໄດ້ສຸມໃສ່ຊີ້ນໍາປະຕິບັດໂຄງການເປົ້າໝາຍແຫ່ງຊາດ ກ່ຽວກັບການສ້າງວຽກເຮັດງານທໍາ ດ້ວຍຫຼາຍນະໂຍບາຍຄົບຊຸດ; ຈັດຕັ້ງບັນດາຂະບວນການອາສາສະໝັກ, ການເຄື່ອນໄຫວສັງຄົມມຸ່ງໄປສູ່ວົງຄະນະຍາດ... , ການພົບປະແລກປ່ຽນວັດທະນະທໍາ, ສະແດງສິລະປະ ກັບບັນດາປະເທດອາຊຽນ.
        ໂດຍໄດ້ຮັບຮູ້ວ່າ, ແຜນການສັງລວມຂອງປະຊາຄົມວັດທະນະທໍາສັງຄົມ ອາຊຽນ ລະດັບຊາດ ຂອງຫວຽດນາມ ແມ່ນມຸ່ງໄປເຖິງເປົ້າໝາຍສະໜິດຕິດພັນ ແລະ ນໍາມາເຊິ່ງຜົນປະໂຫຍດໃຫ້ແກ່ປະຊາຊົນ; ເອົາໃຈໃສ່ໂຄສະນາ, ຍົກສູງລະດັບຄວາມຮູ້ຂອງປະຊາຊົນ ກ່ຽວກັບອາຊຽນ ແລະ ບັນດາຜົນປະໂຫຍດ ເຊິ່ງອາຊຽນນໍາມາໃຫ້. ພ້ອມທັງ, ມຸ່ງໄປເຖິງເປົ້າໝາຍເຊື່ອມໂຍງ, ສຸມໃສ່ເລື່ອງເພີ່ມທະວີ, ເປີດກວ້າງ ແລະ ປະຕິບັດນະໂຍບາຍກ່ຽວກັບບັນຫາຊ່ວຍໜູນສັງຄົມ. 
 (ແຫຼ່ງຄັດຈາກ VOV)