19/06/2016 14:17 GMT+7 Email Print Like 0

ຫວຽດນາມຕັ້ງໜ້າປະກອບຄຳເຫັນໃນວາລະປຶກສາຫາລືຂອງສະພາສິດທິມະນຸດ ສປຊ


ທ່ານ ຫງວຽນ​ແທງ​ຈູງເອກ​ອັກຄະ​ລັດຖະທູດ​ວິສາມັນ​ຜູ້​ມີ​ອຳນາດ​ເຕັມ
ຫົວໜ້າ​ຄະນະ​ປະຕິບັດ​ງານ ຫວຽດນາມ ປະຈຳ ສປຊ
(ພາບຫວຽດນາມ+)
      ນອກ​ກອງ​ປະຊຸມ​ປະຈຳ​ໄລຍະ​ຄັ້ງ​ທີ 32 ສະພາສິດ​ທິມະນຸດ​ສະຫະ​ປະຊາ​ຊາດ ທີ່​ພວມ​ດຳ​ເນີນ​ຢູ່ ​ເຊີ​ແນວ (ສະ​ວິດ), ຫວຽດນາມ ​ເຂົ້າ​ຮ່ວມ​ການ​ໂອ້​ລົ​ມສົນທະນາ​ສາກົນ ​ແນະນຳ​ບົດ​ລານ​ງານ​ຄົ້ນຄວ້າ​ກ່ຽວ​ກັບ​ຜົນ​ກະທົບ​ຈາກການ​ປ່ຽນ​ແປງ​ຂອງ​ດິນ​ຟ້າ​ອາກາດ​ເຖິງ​ສິດ​ສາທາ ລະນະ​ສຸກ. ກ່າວ​ຄຳ​ເຫັນ​ທີ່​ການ​ໂອ້​ລົ​ມສົນທະນາ, ທ່ານ ຫງວຽນ​ແທງ​ຈູງ ​ເອກ​ອັກຄະ​ລັດຖະທູດ​ວິສາມັນ​ຜູ້​ມີ​ອຳນາດ​ເຕັມ, ຫົວໜ້າ​ຄະນະ​ປະຕິບັດ​ງານ ຫວຽດນາມ ປະຈຳ ສປຊ, ​ອົງການ​ການ​ຄ້າ​ໂລກ ​ແລະ ບັນດາ​ອົງການ​ຈັດ​ຕັ້ງ​ສາກົນ​ອື່ນໆ​ຢູ່ ​ເຊີ​ແນວ ຖື​ວ່າ ບັນດາ​ຜົນ​ກະທົບ​ຈາກການ​ປ່ຽນ​ແປງ​ຂອງດິນ​ຟ້າ​ອາກາດ ​ແມ່ນ​ບັນດາ​ບັນຫາ ​ເຊິ່ງ ຫວຽດນາມ ພວ​ມຕ້ອງປະ​ເຊີນ​ໜ້າ. ຕໍ່ໜ້າ​ບັນດາ​ສິ່ງ​ທ້າ​ທາຍ​ລວມນີ້, ຫວຽດນາມ ​ເນັ້ນ​ໜັກວ່າ ​ປະ​ເທ​ດຕ່າງຄວນ​ເອົາ​ໃຈ​ໃສ່​​ເປັນ​ພິ​ເສດ​ເຖິງ​ການ​ນຳ​ເອົາ​ບັນດາ​ມາດ​ຕະການ​ຮັກສາ​ສຸຂະພາບ​ປະຊາ​ຄົມ, ຮັບປະກັນ​ສິດ​ທັນ​ຍາຫານ, ​ເຮືອນຢູ່, ການ​ສຶກສາ ​ເຂົ້າ​ຫຼັກສູດ​ຮຽນ​ກໍ່​ຄື ​ແລະ ນະ​ໂຍບາຍ​​ແຫ່ງ​ຊາດ​ກ່ຽວ​ກັບການ​ຮັບ​ມື​ກັບການ​ປ່ຽນ​ແປງຂອງ​ດິນ​ຟ້າ​ອາກາດ, ​ໃນ​ນັ້ນ ​ເອົາ​ໃຈ​ໃສ່​ເປັນ​ພິ​ເສດ​ເຖິງ​ຄວາມ​ສະ​ເໝີ​ພາບ​ລະຫວ່າງ​ຍິງ - ຊາຍ ​ແລະ ສິດຜົນ​ປະ​ໂຫຍດຂອງ​ແມ່ຍິງ, ​ເດັກນ້ອຍ, ຜູ້​ເຖົ້າ, ຄົນ​ພິດານ. ທ່ານ​ເອກ​ອັກຄະ​ລັດຖະທູດ ຫງວຽນ​ແທງ​ຈູງ ກໍ່​ຢືນຢັນຄືນ​ໃໝ່ ​ຄຳ​ໝັ້ນ​ສັນຍາ​ຂອງ ຫວຽດນາມ ສືບ​ຕໍ່​ພ້ອມ​ກັບ​ບັນດາ​ປະ​ເທ​ດ​ໃນ​ກຸ່ມ​ຫຼັກ​ແຫຼ່ງຊຸກຍູ້ການ​ປຶກສາ​ຫາລື​ກ່ຽວ​ກັບ​ຜົນ​ກະທົບຈາກ​ການ​ປ່ຽນ​ແປງຂອງ​ດິນ​ຟ້າອາກາດ​ເຖິງ​ສິດທິມະນຸດຢູ່​ສະພາ​ສິດທິ​ມະນຸດ, ກ່ອນ​ອື່ນ​ໝົດ​​ແມ່ນ​ແນະນຳ​ຮ່າງ​ມະຕິ​ກ່ຽວ​ກັບ​ຜົນ​ກະທົບຈາກ​​ການ​ປ່ຽນ​ແປງຂອງ​ດິນ​ຟ້າ​ອາ​ກາດ​ເຖິງ​ການຊົມ​ໃຊ້​ບັນດາສິດ​​ຂອງ​ເດັກນ້ອຍ ​ເພື່ອ​ຂໍ​ຄຳ​ເຫັນ​ບັນດາ​ປະ​ເທດ ກ່ອນ​ທີ່​ຍືນ​ສະ​ເໜີ​ຕໍ່​ສະພາ​ສິ​​ດທິມະນຸດ​ຊຸດ 32 ຮັບຮອງ​ເອົ​າ.
 (ແຫຼ່ງຄັດຈາກ VOV)