24/04/2018 10:21 GMT+7 Email Print Like 0

ຫວຽດນາມຊຸກຍູ້ການສົ່ງອອກສິນຄ້າຢ່າງແຮງ

ກອງປະຊຸມຄັ້ງນີ້ ແມ່ນສຸມໃສ່ປຶກສາຫາລືບັນດາມາດຕະການ, ແກ້ໄຂຄວາມຫຍຸ້ງຍາກ ແລະ ຂໍ້ຕິດຂັດເພື່ອຊຸກຍູ້ການສົ່ງອອກສິນຄ້າໃຫ້ແຮງກວ່າອີກ.


ທ່ານນາຍົກລັດຖະມົນຕີຫວຽດນາມຫງວຽນຊວນຟຸກພ້ອມດ້ວຍຜູ້ແທນເຂົ້າຮ່ວມກອງປະຊຸມ

(ພາບ: Thong Nhat/ TTXVN)

ຕອນເຊົ້າວັນທີ 23 ເມສາ, ຢູ່ຮ່າໂນ້ຍ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ເປັນປະທານກອງປະຊຸມທົ່ວປະເທດກ່ຽວກັບມາດຕະການສັງລວມຊຸກຍູ້ການສົ່ງອອກສິນຄ້າ, ດ້ວຍການເຂົ້າຮ່ວມໂດຍກົງທາງເຄືອຂ່າຍອິນເຕີເນັດຂອງບັນດາທ້ອງຖິ່ນໃນທົ່ວປະເທດ. ທ່ານນາຍົກລັດຖະມົນຕີ ຫງວຽນຊວນຟຸກ ເນັ້ນໜັກວ່າ ກອງປະຊຸມຄັ້ງນີ້ ແມ່ນສຸມໃສ່ປຶກສາຫາລືບັນດາມາດຕະການ, ແກ້ໄຂຄວາມຫຍຸ້ງຍາກ ແລະ ຂໍ້ຕິດຂັດເພື່ອຊຸກຍູ້ການສົ່ງອອກສິນຄ້າໃຫ້ແຮງກວ່າອີກ.

        ທ່ານນາຍົກລັດຖະມົນຕີ ຫງວຽນຊວນຟຸກ  ຖືວ່າຢູ່ໃນໂລກນີ້, ພວມປະກົດມີໄພອັນຕະລາຍເກີດສົງຄາມການຄ້າ ຕໍ່ໜ້າທ່າອ່ຽງອາລັກຂາເພີ່ມຂຶ້ນ. ບັນດາປະເທດໄດ້ຍົກລະດັບບັນດາມາດຕະຖານສູງກວ່າ, ພິເສດແມ່ນສຳລັບຜະລິດຕະພັນກະເສດ, ທັນຍາຫານ, ນັບທັງຂໍ້ກຳນົດກ່ຽວກັບການຈັບຫາສິນໃນນ້ຳຖືກກົດໝາຍ. ທ່ານນາຍົກລັດຖະມົນຕີ ກໍໄດ້ເນັ້ນໜັກເຖິງການຜະລິດຕ້ອງຕິດພັນກັບຕະຫຼາດ, ການສົ່ງອອກບັນດານປະເພດສິນຄ້າທີ່ຕະຫຼາດມີຄວາມຕ້ອງການ ຫາກບໍ່ແມ່ນບັນດາປະເພດສິນຄ້າທີ່ຫວຽດນາມມີ. ທ່ານນາຍົກລັດຖະມົນຕີ ຫງວຽນຊວນຟຸກ ກໍໃສ່ໃຈວຽກງານປະຕິຮູບລະບຽບການບໍລິຫານ ແລະບັນດາມາດຕະການຍົກສູງກຳລັງຄວາມສາມາດແກ່ງແຍ້ງຜະລິດຕະພັນສົ່ງອອກຂອງຫວຽດນາມ.

(ແຫຼ່ງຄັດຈາກ VOV)