18/09/2016 15:39 GMT+7 Email Print Like 0

ສ້າງຕັ້ງສະມາຄົມກົດໝາຍສາກົນຫວຽດນາມ


(ກອງ​ປະ​ຊຸມ​ໃຫຍ່​ຄັ້ງ​ທີ 1, ອາ​ຍຸ​ການ 2016 - 2019)
 
      ​ຕອນ​ເຊົ້າ​ວັນ​ທີ 17/09, ຢູ່​ຮ່າ​ໂນ​້ຍ, ຄະ​ນະ​ຂົນ​ຂວາຍ​ສ້າງ​ຕັ້ງ​ສະ​ມາ​ຄົມ​ກົດ​ໝາຍ​ສາ​ກົນ​ຫວຽດ​ນາມ ໄດ້​ຈັດ​ກອງ​ປະ​ຊຸມ​ໃຫຍ່​ຄັ້ງ​ທີ 1, ອາ​ຍຸ​ການ 2016 - 2019. ທີ່ກອງ​ປະ​ຊຸມ​ໃຫຍ່, ການ​ນຳ​ກະ​ຊວງ​ພາຍ​ໃນ​ໄດ້​ປະ​ກ​າດ ແລະ ມອບ​ຂໍ້​ຕົກ​ລົງ​ກ່ຽວ​ກັບ​ການ​ອະ​ນຸ​ຍາດ​ໃຫ້​ສ້າງ​ຕັ້ງ​ສະ​ມາ​ຄົມ​ກົດ​ໝາຍ​ສາ​ກົນ​ຫວຽດ​ນາມ ໃຫ້​ຄະ​ນະ​ຂົນ​ຂວາຍ​ສ້າງ​ຕັ້ງ​ສະ​ມາ​ຄົມ. ກອງ​ປະ​ຊຸມ​ໃຫຍ່​ໄດ້​ປຶກ​ສາ​ຫາ​ລື​ກົດ​ລະ​ບຽບ​ຂອງ​ສະ​ມາ​ຄົມ, ເລືອກ​ຕັ້ງ​ຄະ​ນະ​ບໍ​ລິ​ຫານ​ງານ ແລະ ຄະ​ນະ​ກວດ​ກາ​ຂອງ​ສະ​ມາ​ຄົມ, ຮັບ​ຮ​ອງ​ເອົາ​ທິດ​ທາງ​ການ​ເຄື່ອນ​ໄຫວ​ຂອງ​ສະ​ມາ​ຄົມ. ຕາມນັ້ນ​ແລ້ວ, ສະ​ມາ​ຄົມ​ກົດ​ໝາຍ​ສາ​ກົນ​ຫວຽດ​ນາມ ແມ່ນ​ອົງ​ການ​ສັງ​ຄົມ - ​ວິ​ຊາ​ຊ​ີບ, ຈັດ​ຕັ້ງ ແລະ ເຄື່ອນ​ໄຫວ​ຕາມກົດ​ລະ​ບ​ຽບເຊິ່ງ​ກະ​ຊວງ​ພາຍ​ໃນ​ອ​ະ​ນ​ຸ​ມັດ​ຜ່ານ; ເ​ຄົາ​ລົບຂໍ້​ກຳ​ນົດ​ຂອງ​ກົດ​ໝາຍ ແລະ ພາຍ​ໃຕ້​ການ​ຄຸ້ມ​ຄອງ​ລັດ​ຂອງ​ກະ​ຊວງ​ການ​ຕ່າງ​ປະ​ເທດ ແລະ ບັນ​ດາ​ກະ​ຊວງ, ຂະ​​ແໜງ​ການ​ທີ່​ກ່ຽວ​ຂ້ອງ​ເຖິງ​ຂົງ​ເຂດ​ທີ່​ສະ​ມາ​ຄົມ​ເຄື່ອນ​ໄຫວ. ກ່າວ​ຄຳ​ເຫັນ​ທີ່ກອງ​ປ​ະ​ຊຸມ​ໃຫຍ່, ທ່ານ​ຮອງ​ນາ​ຍົກ​ລັດ​ຖະ​ມົນ​ຕີ ເຈືອງ​ຮ່​ວາ​ບິ່ງ ເຊື່ອ​ໝັ້ນ​ວ່າ, ຕໍ່​ໜ້າ​ບັນ​ດາ​ກາ​ລະ​ໂອ​ກາດ ແລະ ສິ່ງ​ທ້າ​ທາຍ​ໃໝ່​ຂອງ​ປະ​ເທດ​ຊາດ; ຕໍ່​ໜ້າ​ຄວາມ​ຕ້ອງ​ການ​ເຊື່ອມ​ຍົງ​ກັບການ​ພັດ​ທະ​ນ​າ​ຂອງວິ​ທະ​ຍາ​ສາດ ແລະ ພຶດ​ຕິ​ກຳ​ຕົວ​ຈິງ​ດ້ານ​ກົດ​ໝາຍ​ສາ​ກົນ, ສະ​ມາ​ຄົມ​ກົດ​ໝາຍ​ສາ​ກົນ​ຫວຽດ​ນາມ ບໍ່​ພຽງ​ແຕ່​ສວມ​ບົດ​ບາດ​ສຳ​ຄັນ​ສຳ​ລັບ​ບັນ​ດ​າ​ສະ​ມາ​ຊິກ​ຂອງ​ສະ​ມາ​ຄົມ​ເທົ່າ​ນັ້ນ, ຫາກ​ຍັງ​ສາ​ມາດ​ປະ​ກອບ​ສ່ວນ​ທີ່​ມີ​ຄວາມ​ໝາຍ​ສຳ​ລັບ​ພາ​ລະ​ກິດ​ປົກ​ປັກ​ຮັກ​ສາ ແລະ ການ​ພັດ​ທະ​ນາ​ຂອງ​ປະ​ເທດ​ຊາດ ແລະ ເຊ​ື່ອມ​ໂຍງ​ເຂົ້າກັບ​ການ​ພັດ​ທະ​ນາ​ລວມ​ຂອງ​ປະ​ຊາ​ຄົມກົດ​ໝາຍ​ສາ​ກົນ ອີກ​ດ້ວຍ.
 (ແຫຼ່ງຄັດຈາກ VOV)