20/05/2018 08:03 GMT+7 Email Print Like 0

ສົ່ງເສີມການຄ້າ, ອຸດສາຫະກຳ ແລະ ດຶງດູດທຶນຮອນໃຫ້ແກ່ສະຫະກອນ

      ຕອນບ່າຍວັນທີ 18 ພຶດສະພາ, ຢູ່ຮ່າໂນ້ຍ, ສະຫະພັນສະຫະກອນຫວຽດນາມ ໄດ້ສົມທົບກັບສະຖາບັນເສດຖະກິດກະສິກຳອີນຊີ ຈັດກອງປະຊຸມສຳມະນາສົ່ງເສີມການຄ້າ, ເຕັກໂນໂລຊີ ແລະ ດຶງດູດທຶນຮອນໃນການພັດທະນາສະຫະກອນຫວຽດນາມ ແລະ ໄຂງານຕະຫຼາດນັດສົ່ງເສີມການຄ້າໃຫ້ແກ່ບັນດາສະຫະກອນປີ 2018.

ທ່ານ ຫງວຽນງອັກບາວ, ປະທານສະຫະພັນສະຫະກອນຫວຽດນາມ
(ພາບ: dangcongsan.vn)
      ປະຈຸບັນ, ຫວຽດນາມ ມີກວ່າ 20.000 ສະຫະກອນທີ່ພວມເຄື່ອນໄຫວ, ດ້ວຍສະມາຊິກກວ່າ 6,3 ລ້ານຄົນ ແລະ ມີຜູ້ອອກແຮງງານເຮັດວຽກເປັນປະຈຳ 2,5 ລ້ານຄົນ. ກ່າວຄຳເຫັນນະທີ່ນີ້, ທ່ານ ຫງວຽນງອັກບາວ, ປະທານສະຫະພັນສະຫະກອນຫວຽດນາມ, ຮອງຫົວໜ້າຄະນະຊີ້ນຳການປ່ຽນແປງໃໝ່ກ່ຽວກັບການພັດທະນາເສດຖະກິດລວມໝູ່, ສະຫະກອນສູນກາງ, ໃຫ້ຮູ້ວ່າ.
      “ມີສະຫະກອນຫຼາຍແຫ່ງພວມປະສົບກັບຄວາມຫຍຸ້ງຍາກໃນບັນຫາສຳຜັດກັບແຫຼ່ງທຶນ, ຍ້ອນຂອບຂະໜາດຍັງຈຳກັດຢູ່, ການເງິນຂອງສະຫະກອນບາງແຫ່ງຍັງບໍ່ທັນກະຈ່າງແຈ້ງ ແລະ ຄວາມສາມາດໃນການບໍລິຫານຍັງຈຳກັດຢູ່. ສະນັ້ນ, ສະຫະພັນສະຫະກອນພວມສຸມໃສ່ໜູນຊ່ວຍສະມາຊິກຍົກສູງການບໍລິຫານ, ທ່ີ 2 ແມ່ນສ້າງລະບົບກວດສອບບັນຊີສະຫະກອນເພື່ອເພີ່ມລັກສະນະໂປ່ງໃສໃນການເຄື່ອນໄຫວ ແລະ ທີ 3 ແມ່ນໜູນຊ່ວຍສະຫະກອນສ້າງແຜນການຂຸດຄົ້ນທ່າແຮງຄວາມສາມາດບົ່ມຊ້ອນທີ່ເປັນໄປໄດ້. ພິເສດແມ່ນໜູນຊ່ວຍສະຫະກອນເຂົ້າຮ່ວມລະບົບ ເພື່ອມີສັນຍາຈຳໜ່າຍສິນຄ້າເປັນປົກກະຕິ ແລະ ຮ່ວມສຳພັນສະຫະກອນກັບວິສາຫະກິດ…”
      ແລະກໍ່ໃນຕອນຄ່ຳວັນດຽວກັນ, ຢູ່ຮ່າໂນ້ຍ ໄດ້ໄຂງານຕະຫຼາດນັດສົ່ງເສີມການຄ້າ ໃຫ້ແກ່ບັນດາສະຫະກອນປີ 2018.
 (ແຫຼ່ງຄັດຈາກ VOV)