10/12/2018 08:05 GMT+7 Email Print Like 0

ສູ້ຊົນນຳບານເຕະຫວຽດນາມ ລອດເຂົ້າ top 10 ປະເທດອາຊີ

      ວັນທີ 08 ທັນວາ, ກອງປະຊຸມໃຫຍ່ສະຫະພັນບານເຕະຫວຽດນາມ ຊຸດທີ 8, ອາຍຸການ 2018 – 2022 ໄດ້ດຳເນີນຢູ່ຮ່າໂນ້ຍ. ທີ່ກອງປະຊຸມໃຫຍ່, ທ່ານຮອງລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ເລແຄ໊ງຫາຍ ໄດ້ຮັບການເລືອກຕັ້ງເປັນປະທານສະຫະພັນບານເຕະຫວຽດນາມ ຊຸດທີ 8, ອາຍຸການ 2018 – 2022.

ກອງປະຊຸມໃຫຍ່ສະຫະພັນບານເຕະຫວຽດນາມ ຊຸດທີ 8
(ພາບ: TTXVN)
      ໃນອາຍຸການຈະມາເຖິງ, ສະຫະພັນບານເຕະຫວຽດນາມ ຈະສືບຕໍ່ຍົກສູງຄຸນນະພາບບັນດາການແຂ່ງຂັນຕາມທິດ ປັບປຸງລະບົບແຂ່ງຂັນບານເຕະ; ຈັດຕັ້ງການຜັນຂະຫຍາຍບັນດາເປົ້າໝາຍ, ໜ້າທີ່ຕາມຍຸດທະສາດພັດທະນາບານເຕະຫວຽດນາມ ຮອດປີ 2020, ວິໄສທັດຮອດປີ 2030. ຮອດປີ 2020 ດ້ວຍເປົ້າໝາຍນຳກິລາບານເຕະຂອງຫວຽດນາມ ໃຫ້ພັດທະນາ, ຮອດປີ 2030 ຈະນອນໃນ top 10 ປະເທດມີພື້ນຖານບານເຕະພັດທະນາແຖວໜ້າຢູ່ເຂດອາຊີ.
 (ແຫຼ່ງຄັດຈາກ VOV)