18/08/2018 13:57 GMT+7 Email Print Like 0

ສືບຕໍ່ປ່ຽນແປງໃໝ່, ຍົກສູງຄຸນນະພາບການເຄື່ອນໄຫວຂອງສະພາແຫ່ງຊາດໃຫ້ມີປະສິດທິຜົນ

ຕອນເຊົ້າວັນທີ 17 ສິງຫາ,ຢູ່ຮ່າໂນ້ຍ, ຫ້ອງວ່າການສະພາແຫ່ງຊາດຫວຽດນາມ ໄດ້ຈັດຕັ້ງການໂອ້ລົມສົນທະນາກ່ຽວກັບແຜນຮ່າງ “ສືບຕໍ່ປ່ຽນແປງໃໝ່, ຍົກສູງຄຸນນະພາບໃນການເຄື່ອນໄຫວຂອງສະພາແຫ່ງຊາດຊຸດທີ 14 ໃຫ້ມີປະສິດທິຜົນ”. 
ທີ່ການໂອ້ລົມສົນທະນາ, ບັນດາຜູ້ແທນເຂົ້າຮ່ວມຖືວ່າ: ເລື່ອງປ່ຽນແປງໃໝ່ຮູບແບບການຈັດຕັ້ງການເຄື່ອນໄຫວສະພາແຫ່ງຊາດ ຕ້ອງອີງໃສ່ພື້ນຖານລັດຖະທໍາມະນູນ ແລະ ຂອບເຂດຂອງກົດໝາຍທີ່ປະກາດໃຊ້ໃນປັດຈຸບັນ. ບັນດາຜູ້ແທນກໍຖືວ່າ ບັນດາການປ່ຽນແປງໃໝ່ໃນການຊັກຖາມ ແລະ ການປຶກສາຫາລືຢ່າງຟົດຟື້ນໃນໄລຍະຜ່ານມາ ແມ່ນຈຸດພົ້ນເດັ່ນຂອງສະພາແຫ່ງຊາດ. ໃນການເຄື່ອນໄຫວສ້າງກົດໝາຍ, ລັດຖະດໍາລັດ ຕ້ອງປະຕິບັດໂຄງການສ້າງກົດໝາຍ ຢ່າງເຂັ້ມງວດ; ກໍາຈັດການປັບປຸງໂຄງການຫຼາຍທີ່ສຸດ. ຢືດໝັ້ນບໍ່ນໍາບັນດາໂຄງການບໍ່ຮັບປະກັນດ້ານລະບຽບການເຂົ້າໃນໂຄງການສ້າງກົດໝາຍ, ລັດຖະດໍາລັດ. ພ້ອມກັນນັ້ນ, ຕ້ອງຈັດກອງປະຊຸມຫົວເລື່ອງສະເພາະເປັນປະຈໍາ ເພື່ອປະກອບຄໍາຄິດເຫັນໃສ່ບັນດາຮ່າງກົດໝາຍ; ຕ້ອງປ່ຽນແປງໃໝ່ວິທີການຄັດເລືອກເອົາສະມາຊິກສະພາແຫ່ງຊາດ, ເອົາໃຈໃສ່ເຖິງດ້ານຍຸດທະສາດ ຂອງສະມາຊິກສະພາແຫ່ງຊາດ. ນອກຈາກນັ້ນ, ບັນດາຜູ້ແທນກໍໄດ້ສະເໜີວ່າ: ຄວນເພີ່ມທະວີການຕິດຕາມກວດກາການແກ້ໄຂຂໍ້ສະເໜີແນະຂອງຜູ້ມີສິດເລືອກຕັ້ງ; ສ້າງແຜນການພັດທະນາເສດຖະກິດສັງຄົມໄລຍະສັ້ນ ແລະ ໄລຍະກາງ ເພື່ອໃຫ້ສະພາແຫ່ງຊາດປຶກສາຫາລື, ຕັດສິນ, ຜ່ານນັ້ນ ຮັບປະກັນລັກສະນະເປັນເຈົ້າການໃນການຮັບມືໃນການແກ້ໄຂບັນດາບັນຫາສໍາຄັນ.
(ແຫຼ່ງຄັດຈາກ VOV)