25/10/2017 09:38 GMT+7 Email Print Like 0

ສັບປະດາຂັ້ນສູງ APEC ແມ່ນໂອກາດ “ຄຳ” ໂຄສະນາທ່ອງທ່ຽວຫວຽດນາມ

      ສັບປະດາຂັ້ນສູງ APEC ປີ 2017 ຈະດຳເນີນຢູ່ດ່ານັ້ງ ໃນລະຫວ່າງວັນທີ 06 – 11 ພະຈິກ, ຄາດວ່າຈະມີການເຂົ້າຮ່ວມຂອງການນຳ 21 ພື້ນຖານເສດຖະກິດສະມາຊິກ APEC, ພ້ອມດ້ວຍຜູ້ແທນສາກົນ ແລະ ພາຍໃນປະເທດປະມານ 10.000 ທ່ານ.

(ພາບປະກອບ: TTXVN)
      ນີ້ແມ່ນກາລະໂອກາດທີ່ດີເພື່ອໂຄສະນາພາບພົດການທ່ອງທ່ຽວຫວຽດນາມ ທີ່ເປີດອົກເປີດໃຈ, ໃກ້ຊິດສະໜິດສະໜົມ, ຮັກແພງແຂກຄົນ ແລະ ນັບມື້ນັບເປັນມືອາຊີບເຖິງນັກທ່ອງທ່ຽວສາກົນ. ຕາມການຄົ້ນຄວ້າຂອງທ່ານຮອງສາດສະດາຈານ, ປະລິຍາເອກ ຟ້າມຈຸງເລືອງ, ສະຖາບັນສິ່ງແວດລ້ອມ ແລະ ພັດທະນາແບບຍືນຍົງຫວຽດນາມ ແລ້ວ, ບັນດາທ້ອງຖິ່ນທີ່ໄດ້ຮັບການຄັດເລືອກເພື່ອຈັດຕັ້ງບັນດາເຫດການ APEC 2017 ມີກາລະໂອກາດຈັດຕັ້ງບັນດາຄະນະໂຄສະນາກ່ຽວກັບຄວາມສາມາດບົ່ມຊ້ອນ, ທ່າໄດ້ປຽບ, ຜະລິດຕະພັນທ່ອງທ່ຽວຂອງທ້ອງຖິ່ນ; ຈັດຕັ້ງການສົ່ງເສີມການລົງທຶນດ້ານການທ່ອງທ່ຽວ ແລະ ພົບປະແລກປ່ຽນປະຊາຊົນລະຫວ່າງບັນດາຜູ້ແທນ APEC ກັບປະຊາຄົມທ້ອງຖິ່ນ ເພື່ອໃຫ້ບັນດາຜູ້ແທນມີຄວາມເຂົ້າໃຈກ່ຽວກັບຊີວິດການເປັນຢູ່ຂອງປະຊາຊົນຫວຽດນາມ. ບັນດາຄວາມປະທັບໃຈອັນດີງາມນັ້ນເຊິ່ງບັນດາຜູ້ແທນເຂົ້າຮ່ວມ APEC 2017 ສົ່ງເຖິງປະຊາຊົນຂອງປະເທດຕົນ, ຊຸກຍູ້ການຮ່ວມມືດ້ານການທ່ອງທ່ຽວລະຫວ່າງຫວຽດນາມ ກັບບັນດາປະເທດສະມາຊິກ APEC ໃນອະນາຄົດກວ່າອີກ. ແລະ ນີ້ກໍ່ແມ່ນໂອກາດເພື່ອໃຫ້ຂະແໜງທ່ອງທ່ຽວຫວຽດນາມ ຫັນກາລະໂອກາດໃຫ້ປະກົດຜົນຕົວຈິງ, ປະກອບສ່ວນສ້າງກຳລັງໜູນໃໝ່ໃຫ້ແກ່ຂະແໜງທ່ອງທ່ຽວຫວຽດນາມ ພັດທະນາ, ປະຕິບັດສຳເລັດບັນດາຄາດໝາຍຍຸດທະສາດເພື່ອໃຫ້ຂະແໜງທ່ອງທ່ຽວໃຫ້ກາຍເປັນຂະແໜງເສດຖະກິດປາຍແຫຼມຂອງປະເທດຊາດໃນປີ 2020.
(ແຫຼ່ງຄັດຈາກ VOV)