10/08/2019 10:23 GMT+7 Email Print Like 0

ສະເຫຼີມສະຫຼອງ 52 ປີແຫ່ງວັນສ້າງຕັ້ງອາຊຽນຢູ່ຫຼາຍປະເທດ

      ວັນທີ 08 ສິງຫາ, ຢູ່ ໂຣມ ນະຄອນຫຼວງ ປະເທດອີຕາລີ, ສະມາຄົມປະຊາຊາດອາຊີຕາເວັນອອກສ່ຽງໃຕ້ (ອາຊຽນ) ຢູ່ໂຣມ (ACR) ໄດ້ຈັດພິທີສະເຫຼີມສະຫຼອງ 52 ປີແຫ່ງວັນສ້າງຕັ້ງອາຊຽນ (08 ສິງຫາ 1967 – 08 ສິງຫາ 2019) ຂຶ້ນຢ່າງສົມກຽດ.

ພິທີສະເຫຼີມສະຫຼອງ 52 ປີແຫ່ງວັນສ້າງຕັ້ງອາຊຽນ ຢູ່ປະເທດອີຕາລີ
(ພາບ: Vietnam+)
      ກ່າວຄຳເຫັນທີ່ພີທີໄຂ, ໂດຍຕາງໜ້າບັນດາເອກອັກຄະລັດຖະທູດອາຊຽນ ປະຈຳອີຕາລີ, ທ່ານເອກອັກຄະລັດຖະທູດຟີລິບປິນ ປະຈຳອີຕາລີ Domingo P.Nilasco, ທັງເປັນປະທານ ARC ຢືນຢັນວ່າ, ອາຊຽນ ມຸ່ງໄປເຖິງການເຊື່ອມໂຍງຢ່າງກວ້າງຂວາງກວ່າ ຜ່ານຖະແຫຼງການວິໄສທັດການນຳອາຊຽນ ກ່ຽວກັບການພົວພັນຄູ່ຮ່ວມມືເພື່ອຄວາມໝັ້ນຄົງຢູ່ບາງກອກ, ປະເທດໄທ, ເມື່ອເດືອນ ມິຖຸນາ ຜ່ານມາ.
        ແລະກໍ່ໃນວັນດຽວກັນ, ເອກອັກຄະລັດຖະທູດບັນດາປະເທດອາຊຽນ ທີ່ມີສຳນັກງານຕັ້ງຢູ່ອາກຊັງຕິນ ລວມມີ: ຫວຽດນາມ, ໄທ, ອິນໂດເນເຊຍ, ຟີລິບປິນ ແລະ ມາເລເຊຍ ໄດ້ສົມທົບກັບກະຊວງການຕ່າງປະເທດອາກຊັງຕິນ ຈັດພິທີສະເຫຼີມສະຫຼອງ 52 ປີແຫ່ງວັນສ້າງຕັ້ງອາຊຽນ ຂຶ້ນຢ່າງສົມກຽດ, ດ້ວຍການເຂົ້າຮ່ວມຂອງຜູ້ຕາງໜ້າບັນດາກະຊວງ, ບັນດາອົງການຈັດຕັ້ງການເມືອງສັງຄົມຂອງປະເທດ, ເພື່ອນມິດ ແລະ ເທດປະຈຳຖິ່ນ…
        ເນື່ອງໃນໂອກາດນີ້, ພິທີສະເຫຼີມສະຫຼອງ 52 ປີແຫ່ງວັນສ້າງຕັ້ງອາຊຽນ ກໍ່ໄດ້ຈັດຕັ້ງຢູ່ຈີເລ, ອາຟະລິກາໃຕ້ເຊັ່ນດຽວກັນ.
 (ແຫຼ່ງຄັດຈາກ VOV)