13/03/2018 10:57 GMT+7 Email Print Like 0

ສະເຫນີຕົວປື້ມພາບກ່ຽວກັບ ເຈື່ອງຊາ

ວັນທີ 12 ມີນາຢູ່ ຮ່າໂນ້ຍ, ໂຮງພິມຈຳຫນ່າຍ ກີມດົງ ໄດ້ຈັດພິທີສະເຫນີຕົວ ປື້ມພາບ “ເຈື່ອງຊາ - ບ່ອນທີ່ເຮົາມາ” ຂອງນັກຂ່າວ ຫງວຽນໝີຈາ ຊື່ງແມ່ນນັກຂ່າວຂອງພະແນກກະຈາຍສຽງບັນດາລາຍການພາສາຕ່າງປະເທດ ວິທະຍຸກະຈາຍສຽງຫວຽດນາມ. 

ນັກຂ່າວ ໝີຈາ ໂອ້ລົມກັບແຂກຖືກເຊີນ

ປື້ມພາບຫົວນີ້ມີພາບຖ່າຍເກືອບ 150 ແຜ່ນ, ຫນາ ກວ່າ 150 ຫນ້າ ແມ່ນວາດພາບຄວາມງາມຂອງທິວທັດທຳມະຊາດຢູ່ ເຈື່ອງຊາ, ການດຳລົງຊີວິດທີ່ປະສົບກັບຄວາມຫຍຸ້ງຍາກຂອງບັນດານັກຮົບຢູ່ ເຈື່ອງຊາ, ອາລົມຈິດຄວາມຮູ້ສຶກ ແລະ ຄວາມຄິດຮອດຄິດເຖິງພໍ່ແມ່ພີ່ນ້ອງຢູ່ເຂດດິນຕໍ່ແຜ່ນຂອງບັນດານັກຮົບພວມປະຕິບັດຫນ້າທີ່ຢູ່ ເຈື່ອງຊາ. ນັກຂ່າວ ຫງວຽນໝີຈາ ໃຫ້ຮູ້ວ່າ:

        “ຜ່ານປື້ມພາບນີ້ ຂ້າພະເຈົ້າຢາກແຜ່ຂະຫຍາຍຄວາມຮັກຕໍ່ເຂດທະເລໝູ່ເກາະເຖິງທຸກຄົນ. ເມື່ອໄດ້ໄປຢ້ຽມຢາມເກາະເຈື່ອງຊາ, ຂ້າພະເຈົ້າເອງມີຄວາມຮູ້ສຶກພິເສດທີ່ສຸດ ແລະ ຢາກເຮັດສິ່ງໃດຫນຶ່ງທີ່ຍິ່ງໃຫຍ່ກວ່າ.”

ເມື່ອຕີລາຄາກ່ຽວກັບປື້ມພາບດັ່ງກ່າວ, ນັກຖ່າຍຮູບ, ນັກຄົ້ນຄ້ວາທິດສະດີ ນັກວິຈານ ຫວູຮ່ວຽນ ໃຫ້ຮູ້ວ່າ: ນີ້ແມ່ນປື້ມພາບ ເຈື່ອງຊາ ຫົວທຳອິດໂດຍຜູ້ປະຕິບັດແມ່ນເພດຍິງ. ພາບປື້ມໄດ້ຮັບການຮຽບຮຽງຕາມວິທີໃຫມ່, ທັນສະໄຫມ.

(ແຫຼ່ງຄັດຈາກ VOV)