16/12/2017 10:58 GMT+7 Email Print Like 0

ສະຫະພາບເອີຣົບ ອຸປະຖຳເງິນ 200.000 ເອີໂລ ຊ່ວຍບັນດາຜູ້ປະສົບເຄາະຮ້າຍຈາກພາຍຸ Damrey ຢູ່ຫວຽດນາມ

      ວັນທີ 13 ທັນວາ, ຄະນະຜູ້ຕາງໜ້າສະຫະພາບເອີຣົບ ປະຈຳຫວຽດນາມ ໃຫ້ຮູ້ວ່າ ເພື່ອແກ້ໄຂຜົນຮ້າຍຍ້ອນຫຼັງຈາກພາຍຸ Damrey ຢູ່ເຂດພາກກາງ ແລະ ທາງທິດໃຕ້ພາກກາງ,

ສະຫະພາບເອີຣົບ ອຸປະຖຳເງິນ 200.000 ເອີໂລ ຊ່ວຍບັນດາຜູ້ປະສົບເຄາະຮ້າຍຈາກພາຍຸ Damrey (ພາບ: IFRC)
      ຄະນະກຳມະການເອີຣົບ ໄດ້ສະໜອງບ້ວງເງິນອຸປະຖຳມະນຸດສະທຳ ມີມູນຄ່າ 200.000 ເອີໂລ, ເພື່ອຊ່ວຍເຫຼືອປະຊາຊົນທີ່ຖືກຜົນສະທ້ອນຫຼາຍທີ່ສຸດ.
        ຈຳນວນເງິນກູ້ຊ່ວຍຂອງ ສະຫະພາບເອີຣົບ ໄດ້ນຳໃຊ້ເພື່ອໜູນຊ່ວຍໃຫ້ສະພາກາແດງ ຫວຽດນາມ ໃນການສະໜອງບັນດາເຄື່ອງຂອງທີ່ຈຳເປັນໃຫ້ປະຊາຊົນຄື: ແຈກຜ້າບັດ, ຊຸດເຄື່ອງມືເຮັດຕູບຊົ່ວຄາວ, ເຄື່ອງຮັບໃຊ້ໃນການດຳລົງຊີວິດ ແລະ ເຄື່ອງກັ່ນຕອງນ້ຳ. ນອກຈາກນັ້ນ, ກໍ່ຈະໄດ້ມອບເງິນສົດໃຫ້ບັນດາຄອບຄົວທີ່ມີຄວາມສ່ຽງສູງກວ່າໝູ່ສາມາດຕອບສະໜອງໄດ້ຄວາມຕ້ອງການພື້ນຖານ ແລະ ຮັກສາວິທີຫາເງິນລ້ຽງຊີບໄວ້ໄດ້.
        ເງິນບ້ວງນີ້ແມ່ນສ່ວນໜຶ່ງໃນທຶນປະກອບສ່ວນອຸປະຖຳລວມຂອງ ສະຫະພາບເອີຣົບ ເຂົ້າກອງທຶນສຸກເສີນກ່ຽວກັບການກູ້ຊ່ວຍໄພທຳມະຊາດ (DREF) ທີ່ຂຶ້ນກັບສະພາກາແດງ ແລະ ກາຊີກວົງເດືອນແດງສາກົນ (IFRC).
 (ແຫຼ່ງຄັດຈາກ VOV)