15/10/2017 10:10 GMT+7 Email Print Like 0

ສະຫະປະຊາຊາດໜູນຊ່ວຍ ຫວຽດນາມ ເຂົ້າຮ່ວມການເຄື່ອນໄຫວຮັກສາສັນຕິພາບສະຫະປະຊາຊາດ

      ວັນທີ 13 ຕຸລາ, ທີ່ສຳນັກງານສະຫະປະຊາຊາດຢູ່ນະຄອນ ນິວຢອກ ປະເທດ ອາເມລິກາ, ທ່ານພົນໂທ ຫງວຽນຈີ໋ວິ້ງ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າຄະນະຊີ້ນຳກະຊວງປ້ອງກັນປະເທດ ຫວຽດນາມ

ທ່ານພົນໂທ ຫງວຽນຈີ໋ວິ້ງ ແລະ ຄະນະຜູ້ແທນ ຫວຽດນາມ (ພາບ: TTXVN) 
      ກ່ຽວກັບການເຂົ້າຮ່ວມເຄື່ອນໄຫວຮັກສາສັນຕິພາບສະຫະປະຊາຊາດ ມີການເຮັດວຽກກັບຮອງເລຂາທິການໃຫຍ່ສະຫະປະຊາຊາດ ຮັບຜິດຊອບກົມຮັກສາສັນຕິພາບສະຫະປະຊາຊາດທ່ານ Jean Piere Lacroix ແລະ ຜູ້ອຳນວຍການອົງການເກັບກູ້ລະເບີດຂອງສະຫະປະຊາຊາດ (UNMAS) ທ່ານນາງ Agnes Marcaillou.
        ທີ່ບັນດາການເຮັດວຽກ, 2 ຝ່າຍໄດ້ປຶກສາຫາລືກ່ຽວກັບບັນດາມາດຕະການຊຸກຍູ້ການຮ່ວມມື, ແລກປ່ຽນ, ເພີ່ມທະວີການໜູນຊ່ວຍ ຫວຽດນາມ ຍົກສູງກຳລັງຄວາມສາມາດເຂົ້າຮ່ວມບັນດາການເຄື່ອນໄຫວຮັກສາສັນຕິພາບຂອງສະຫະປະຊາຊາດ. 2 ຝ່າຍເຫັນດີເປັນເອກະພາບດຳເນີນການເຈລະຈາຢ່າງເປັນທາງການໂດຍໄວ ເພື່ອລົງນາມໃນບົດບັນທຶກຊ່ວຍຈຳ (MOU) ກ່ຽວກັບການຜັນຂະຫຍາຍໂຮງໝໍກາງສະໜາມ ຂັ້ນ 2 ເຂົ້າຮ່ວມການເຄື່ອນໄຫວຮັກສາສັນຕິພາບຢູ່ ຊູດັງໃຕ້, ພາຍຫລັງ ຫວຽດນາມ ຈັດສົ່ງຄະນະສຳຫລວດເຖິງຄະນະປະຕິບັດງານຢູ່ ຊູດັງໃຕ້ (ແຕ່ວັນທີ 15 – 25 ຕຸລາ 2017). ສະຫະປະຊາຊາດ ໃຫ້ບຸລິມະສິດສະຫງວນໃຫ້ ຫວຽດນາມ ແຕ່ 2 – 3 ຕຳແໜ່ງພົນທະຫານເປັນເສນາທິການຢູ່ກອງບັນຊາຄະນະປະຕິບັດງານ ຊູດັງໃຕ້.
(ແຫຼ່ງຄັດຈາກ VOV)