08/05/2018 09:23 GMT+7 Email Print Like 0

ສະມາຄົມວິສາຫະກິດ ຫວຽດນາມ ປະຈຳ ຍີ່ປຸ່ນ ປ່ຽນແປງໃໝ່ການເຄື່ອນໄຫວ

ວັນທີ 06 ພຶດສະພາ, ຢູ່ສະຖານທູດ ຫວຽດນາມ ປະຈຳນະຄອນຫລວງ ໂຕກຽວ, ປະເທດ ຍີ່ປຸ່ນ, ໄດ້ດຳເນີນກອງປະຊຸມໃຫຍ່ສະມາຄົມວິສາຫະກິດ ຫວຽດນາມ ປະຈຳ ຍີ່ປຸ່ນ ຊຸດທີ 2 (2018 - 2020).

ກອງປະຊຸມໃຫຍ່ສະມາຄົມວິສາຫະກິດ ຫວຽດນາມ ປະຈຳ ຍີ່ປຸ່ນ ຊຸດທີ 2 (2018 - 2020)
ສະຫະສະມາຄົມວິສາຫະກິດ ຫວຽດນາມ ປະຈຳ ຍີ່ປຸ່ນ ໄດ້ຮັບການສ້າງຕັ້ງຂຶ້ນໃນວັນທີ 02/09/2013. ສະຫະສະມາຄົມວິສາຫະກິດ ຫວຽດນາມ ປະຈຳ ຍີ່ປຸ່ນ ໃນບາດທຳອິດ ໄດ້ປະກອບສ່ວນເຂົ້າໃນການຮ່ວມສຳພັນລະຫວ່າງວິສາຫະກິດ 2 ປະເທດ. ເຖິງຢ່າງໃດກໍ່ຕາມ, ຕາມທ່ານເອກອັກຄະລັດຖະທູດ ຫວຽດນາມ ປະຈຳ ຍີ່ປຸ່ນ ຫງວຽນກວກເກື່ອງ ແລ້ວ, ເຖິງວ່າ ທາງສະມາຄົມບັນລຸໄດ້ບັນດາໝາກຜົນໃດໜຶ່ງກໍ່ຕາມ, ແຕ່ການຮ່ວມສຳພັນລະຫວ່າງບັນດາວິສາຫະກິດ ຫວຽດນາມ ປະຈຳ ຍີ່ປຸ່ນ ຍັງບໍ່ທັນແໜ້ນແຟ້ນຢ່າງແທ້ຈິງ, ຍັງບໍ່ທັນເສີມຂະຫຍາຍຈົນສຸດຄວາມສາມາດຂອງສະມາຄົມໄດ້ເທື່ອ. ທ່ານເອກອັກຄະລັດຖະທູດ ຫງວຽນກວກເກື່ອງ ປາດຖະໜາວ່າ ໃນອາຍຸການໃໝ່, ຄະນະບໍລິຫານຊຸດໃໝ່ຂອງສະມາຄົມ ຈະມີບັນດາການກະທຳລະອຽດ ແລະ ແທດຈິງກ່ວາ, ພິເສດ ແມ່ນສາມັກຄີ ເພື່ອສ້າງກຳລັງແຮງໃຫ້ປະຊາຄົມວິສາຫະກິດ ຫວຽດນາມ ປະຈຳ ຍີ່ປຸ່ນ ແລະ ບັນດາວິສາຫະກິດ ຫວຽດນາມ ທີ່ມີການຮ່ວມມືກັບ ຍີ່ປຸ່ນ.
(ແຫຼ່ງຄັດຈາກ VOV)