23/04/2015 11:16 GMT+7 Email Print Like 0

ສະມາຄົມມິດຕະພາບ ຫວຽດນາມ-ລາວ, ລາວ-ຫວຽດນາມ ເພີ່ມທະວີການຮ່ວມມື


ການ​ເຈ​ລະ​ຈາ​ລະ​ຫວ່າງ 2 ຄະ​ນະ
(ພາບ: nhandan.com.vn)
 
        ​ໃນ​ຂ​ອບ​ເຂດ​ການ​ຢ້ຽມ​ຢາມ ແລ​ະ ເຮັດ​ວຽກ​ຢູ່ ຫວຽດ​ນາມ ແຕ່​ວັນ​ທີ 21 – 25/4, ຕອນ​ບ່າຍ​ວັນ​ທີ 21/4, ຄະ​ນະ​ຜູ້​ແທນ​ຂັ້ນ​ສູງ​ສູ​ນ​ກາງ​ສະ​ມາ​ຄົມ​ມິດ​ຕະ​ພາບ ຫວຽດ​ນາມ - ລາວ ໂດຍ​ທ່ານ ຫວູ​ຈ້ອງ​ກິມ, ກຳ​ມະ​ການ​ສູນ​ກາງ​ພັກ, ຮອງ​ປະ​ທານ​ທັງ​ເປັນ​ເລ​ຂາ​ທິ​ການ​ໃຫຍ່​ຄະ​ນະ​ກຳ​ມະ​ການ​ສູນ​ກາງ​ແນວ​ໂຮມ​ປະ​ເທດ​ຊາດ ຫວຽດ​ນາມ, ປະ​ທາ​ນສູ​ນ​ກາງ​ສະ​ມາ​ຄົມ​ມ​ິດ​ຕະ​ພ​​າບ ຫວຽດ​ນາມ - ລາວ, ເປັນ​ຫົວ​ໜ້າ​ຄະ​ນະ, ​ມີ​ການ​ເຈ​ລະ​ຈາ​ກັບ​ຄະ​ນະ​ຜູ້​ແທນ​ຂັ້ນ​ສູງ​ສູນ​ກາງ​ສະ​ມາ​ຄົມ​ມິດ​ຕະ​ພາບ ລາວ - ຫວຽດ​ນາມ, ໂດຍ​ທ່ານ ພັນ​ຄ​ຳ ວິ​ພາ​ວັນ, ກຳ​ມະ​ການ​ກົມ​ການ​ເມືອງ, ຮອງ​ນາ​ຍົກ​ລັດ​ຖະ​ມົນ​ຕີ ສ​ປ​ປ ລາວ, ປະ​ທານ​ສະ​ມາ​ຄົມ​ມິດ​ຕະ​ພາບ ລາວ - ຫວຽດ​ນາມ, ເປັນ​ຫົວ​ໜ້າ​ຄະ​ນະ. ສະ​ມາ​ຄົມ​ມິດ​ຕະ​ພາບຢັ້ງ​ຢືນ​ສືບ​ຕໍ່​ຖື​ເປັນ​ສຳ​ຄັນ​ວຽກ​ງານ​ໂຄ​ສະ​ນາ, ເຜີຍ​ແຜ່, ສຶກ​ສາ​ປະ​ຊາ​ຊົນ 2 ປະ​ເທດ, ພິ​ເສດ​ແມ່ນ​ລຸ້ນ​ໜຸ່ມ, ເຂົ້າ​ໃຈ​ໄດ້​ລັກ​ສະ​ນະ​ພິ​ເສດ​ຂອງ​ການ​ພົວ​ພັນ ຫວຽດ​ນາມ -ລາວ, ລາວ - ຫວຽດ​ນາມ, ຄວາມ​ຈຳ​ເປັນ ແລະ ຄວາມ​ສຳ​ຄັນ​ຂອງ​​ນ້ຳ​ໃຈ​ສາ​ມັກ​ຄີ​ແບບ​ພິ​ເສດ​ ແລະ ການ​ຮ່ວມ​ມື​ຮອບ​ດ້ານ​ລະ​ຫວ່າງ 2 ປະ​ເທດ​ໃນ​ໄລ​ຍະ​ໃໝ່. 2 ຝ່າຍ​ສົມ​ທົບ​ກັນ​ດຳ​ເນີນ​ການ​ຈັດ​ຕັ້ງ​ບັນ​ດາ​ການ​ເຄື່ອນ​ໄຫວ​ສະ​ເຫຼີ​ມ​ສະຫຼອງ 125 ປີ​ແຫ່ງວັນ​ຄ້າຍ​ວັນ​ເກີດ​ປະ​ທານ​ ໂຮ່​ຈີ​ມິນ ແລະ ​ການ​ເຄື່ອນ​ໄຫວ​ເດີນ​ຕາມຮອຍ​ຕີນ​ຂອງ​ປະ​ທານ ໄກ​ສອນ ພົມ​ວິ​ຫານ, ຊ່ວຍ​ປະ​ຊາ​ຊົນ 2 ປະ​ເທດ​ເຂົ້າ​ໃຈ​ກ່​ວາ​ອີກ​ກ່ຽວ​ກັບ​ປະ​ຫວັດ​​ການ​ປະ​ຕິ​ວັດ​ຂອງ 2 ປະ​ເທດ​ເພື່ອ​ແນ​ໃສ່​ເພີ່​ມ​ທະ​ວີ​ການ​ພົວ​ພັນ​ມິດ​ຕະ​ພາບ​ທີ່​ເປັນ​ມູນ​ເຊື້ອ​ແບບ​ພິ​ເສດ ລາວ ແລະ ຫວຽດ​ນາມ, ຫວຽດ​ນາມ - ລາວ ກ່​ວາ​ອີກ… ເນື່ອງ​ໃນ​ໂອ​ກາດນີ້, ທ່ານ ຫວູ​ຈ້ອງ​ກີມ ໄດ້​ມອບ​ໃຫ້​ທ່ານ ພັນ​ຄຳ ວິ​ພາ​ວັນ ຫຼຽນກາ​ມິດ​ຕະ​ພາບ​ຂອງ​ລັດ ຫວຽດ​ນາມ ທີ່​ສະ​ຫງວນໃຫ້​ແກ່​ສະ​ມາ​ຄົມ​ມິດ​ຕະ​ພາບ​ລາວ - ຫວຽດ​ນາມ ​ຍ້ອນ​ມີ​ບັນ​ດາ​ຜົນ​ງານ​ດີ​ເດັ່ນ​ໃນ​ການ​ປັບ​ປຸງ ແລະ ເພີ່ມ​ທະ​ວີ​ການ​ພົວ​ພັນ​ມິດ​ຕະ​ພາບທີ່​ເປັນ​ມູນ​ເຊື້ອ, ​ຄວາມສາ​ມັກ​ຄີ​ແບບ​ພິ​ເສດ​ລະ​ຫວ່າງ ຫວຽດ​ນາມ - ລາວ.
 (ແຫຼ່ງຄັດຈາກ VOV)