25/10/2015 09:03 GMT+7 Email Print Like 0

ສະພາແຫ່ງຊາດ ເຮັດແຈ້ງບັນດາເນື້ອໃນ ຍັງມີຄວາມເຫັນແຕກຕ່າງກັນ ໃນຮ່າງປະມວນກົດໝາຍແພ່ງ

ສືບ​ຕໍ່​ວາ​ລະດຳ​ເນີນກອງ​ປະ​ຊຸມ​ສະ​ໄໝ​ສາ​ມັນເທື່ອ​ທີ 10
 ສະ​ພາ​ແຫ່ງ​ຊາດ​ຊຸດ​ທີ 13 (ພາບ:congluan.vn)
      ສືບ​ຕໍ່​ ວາ​ລະດຳ​ເນີນກອງ​ປະ​ຊຸມ​ສະ​ໄໝ​ສາ​ມັນເທື່ອ​ທີ 10 ສະ​ພາ​ແຫ່ງ​ຊາດ​ຊຸດ​ທີ 13, ວັນ​ທີ 24/10, ສະ​ພາ​ແຫ່ງ​ຊາດ​ໄດ້​ຮັບ​ຟັງ​ບົດ​ລາຍ​ງານ​ອະ​ພິ​ປາຍ, ຮັບ​ເອົາ​ຄຳ​ເຫັນ, ປັບ​ປຸງ​ ຮ່າງ​ປະ​ມວນ​ ກົດ​ໝາຍ​ແພ່ງ( ສະ​ບັບ​ປັບ​ປຸງ ) ແລະ ປຶກ​ສາ​ຫາ​ລື​ກ່ຽວ​ກັບ​ບາງ​ເນື້ອ​ໃນ​ທີ່​ຍັງ​ມີ​ຄວາມ​ເຫັນ​ແຕກ​ຕ່າງ​ກັນ​ຂອງ ຮ່າງ ​ປະ​ມວນ​ ​ກົດ​ໝາຍ​ດັ່ງ​ກ່າວ. ທີ່​ວາ​ລະ​ປຶກ​ສາ​ຫາ​ລື​ບັນ​ດາ​ສະ​ມາ​ຊິກ​ສະ​ພາ​ແຫ່ງ​ຊາດຖື​ວ່າ: ປະ​ມວນ​ກົດ​ໝາຍ​ແພ່ງ(ສະ​ບັບ​ປັບ​ປຸງ)ໄດ້ຜ່ານການເລືອກເຟັ້ນ ແລະ ​ສາ​ມາດແກ້​ໄຂ​ໄດ້​ບັນ​ດາ​ຂໍ້​ຄົງ​ຄ້າງ​ໃນ​​ການ​ປະ​ຕິ​ບັດປະ​ມວນ​ກົດ​ໝາຍ​ໂດຍ​ພື້ນ​ຖານ. ເຖິງ​ຢ່າງ​ໃດ​ກໍ່​ຕາມ ບັນ​ດາ​ສະ​ມາ​ຊິກ​​ສະ​ພາ​ແຫ່ງ​ຊາດ ກໍ່​ຖື​ວ່າ: ຄວນ​ສືບ​ຕໍ່​ເຮັດ​ແຈ້ງ​​ກວ່າ​ອີກບາງ​ຂໍ້​ກຳ​ນົດ​ເພື່ອ​ໃຫ້​ເໝາະ​ສົມ​ກັບ​ພຶດ​ຕິ​ກຳ​ຕົວ​ຈິງ ແລະ ວິ​ວັດ​ການ​ເຊື່ອມ​ໂຍງ​ເຂົ້າ​ກັບ​ສາ​ກົນ​ຄື​ປະ​ຈຸ​ບັນ. ທ່ານ ຫງວຽນ​ແມ້ງ​ເກື່ອງ ສະ​ມາ​ຊິກ​ສະ​ພາ​ແຫ່ງ​ຊາດ​ແຂວງກວາງ​ບິ່ງ ສະ​ເໜີ​ວ່າ:
        “ຂໍ້​ກຳ​ນົດ​ນີ້​ຕ້ອງ​ຮັດ​ກຸມ​ເພື່ອຫຼີກ​ລ້ຽງ​ການ​ສວຍ​ໂອ​ກາດ, ຫຼີກ​ລ້ຽງ​ການກໍ່​ຄວາມ​ບໍ່​ສະ​ຫງົບ​ໃນ​ການ​ພົວ​ພັນ​ທາງ​ພົນ​ລະ​ເຮືອນ. ກ່ຽວ​ກັບຫຼັກ​ການ​ໃນ​ການ​ພົວ​ພັນ​ທາງ​​ພົນ​ລະ​ເຮືອນຕ້ອງ​ເຄົາ​ລົບ​ການ​ຕົກ​ລົງ​ຂອງ​ບັນ​ດາ​ຝ່າຍ. ແລະ ໃນ​ການ​ພົວ​ພັນ​ເສດ​ຖະ​ກິດ​ຕະຫຼາດ​ເມື່ອ​ເຊັນ​ສັນ​ຍາ​​ ກ່ອນ​ອື່ນ​ໝົດ ບັນ​ດາ​ຝ່າຍ​ຕ້ອງ​ຄຳ​ນວນ​ ​ເຖິງການ​ຜັນ​ແປ​ຂອງຕະຫຼາດ ແລະ ລາ​ຄາ​ກ່ອນ, ບໍ່​ອາດ​​ອ້າງເອົາ​ເຫດ​ຜົນ​ຂອງ​ການ​ຜັນ​ແປ​ຕະຫຼາດ ແລະ ລາ​ຄາ​ມາ​ເປັນ​ເຫດ​ຜົນ​ເພື່ອປ່ຽນ​​ແປງ. ເພາະ​ສະ​ນັ້ນ ຂ້າ​ພະ​ເຈົ້າ​ຖື​ວ່າ: ຂໍ້​ກຳ​ນົດ​ນີ້​ຕ້ອງ​ມີ​ບັນ​ດາ​​ການດັດ​ປັບ​ໃໝ່​​ໃຫ້​ຮັດ​ກຸມ​ພໍ​ສົມ​ຄວນ ກ່ຽວ​ກັບ​ເງື່ອນ​ໄຂ ແລະ ສະ​ພາບ​ຂອງ​ການ​ປ່ຽນ​ແປງ”.
(ແຫຼ່ງຄັດຈາກ VOV)