15/11/2015 14:41 GMT+7 Email Print Like 0

ສະພາແຫ່ງຊາດໄດ້ຮັບຮອງເອົາມະຕິກ່ຽວກັບການຈັດແບ່ງງົບປະມານສູນກາງປີ 2016


ສະ​ພາ​ແຫ່ງ​ຊາດ​ໄດ້​ຮັບ​ຮອງ​ເອົາ​ມະ​ຕິ​ກ່ຽວ​ກັບ​ການ​ຈັດ​ແບ່ງ​ງົບ​ປະ​ມານ​ສູນ​ກາງ​ປີ 2016

        ດ້ວຍ​ຈຳ​ນວນ​ບັດ​ເຫັນ​ດີ​ສ່ວນຫຼາຍ, ຕອນ​ເຊົ້າ​ວັນ​ທີ 14/11, ສະ​ພາ​ແຫ່ງ​ຊາດ​ໄດ້​ຮັບ​ຮອງ​ເອົາ​ມະ​ຕິ​ກ່ຽວ​ກັບ​ການ​ຈັດ​ແບ່ງ​ງົບ​ປະ​ມານ​ສູນ​ກາງ​ປີ 2016. ຕາມນັ້ນ​ແລ້ວ, ຍອດ​​ລາຍ​ຮັບ​ດຸ່ນ​ດ່ຽງງົບ​ປະ​ມານ​ສູນ​ກາງ​ແມ່ນກວ່າ 596.880 ຕື້ດົງ; ຍອດ​​ລາຍ​ຮັບ​ດຸ່ນ​ດ່ຽງງົບ​ປະ​ມານທ້ອງ​ຖິ່ນ​ແມ່ນກວ່າ 417.610 ຕື້​ດົງ; ຍອດ​​ລາຍ​ຈ່າຍ​ດຸ່ນ​ດ່ຽງງົບ​ປະ​ມານສູນ​ກາງ​ແມ່ນກວ່າ 850.880 ຕື້​ດົງ. ກ່ອນ​ໜ້ານັ້ນ, ສະ​ພາ​ແຫ່ງ​ຊ​າດ​ໄດ້​ປຶກ​ສາ​ຫາ​ລື​ຢູ່​ຫໍ​ປະ​ຊຸມ​ກ່ຽວ​ກັບ​ຮ່າງ​ມະ​ຕິ​ຂອງ​ສະ​ພາ​ແຫ່ງ​ຊາດ ປະ​ກາດ​ໃຊ້​ກົດ​ລະ​ບຽບ​ຂອງກອງ​ປະ​ຊຸມ​ສະ​ພາ​ແຫ່ງ​ຊາດ ( ສະ​ບັບ​ປັບ​ປຸງ). ແລະ ກໍ​ໃນ​ວາ​ລະ​ປະ​ຊຸມ, ສ.ສ.ຊ ຫຼາຍ​ທ່າ​ນ​ໄດ້​ເຫັນ​ດີ​ກັບ​ຂໍ້​ກຳ​ນົດ​ກ່ຽວ​ກັບ​ພົນ​ລະ​ເມືອງ​ເຂົ້າ​ຮ່ວມ​ຮັບ​ຟັງ​ໃນ​ບັນ​ດາ​ວາ​ລະ​ປະ​ຊຸມ​ເປີດ​ເຜີຍ​ຂອງ​ສະ​ພາ​ແຫ່ງ​ຊາດ. ທ່ານ​ນາ​ງ ຫງວຽນ​ແທງ​ຖີ້ ສ.ສ.ຊ ແຂວງ​ບິງດິ້ງ ມີ​ຄຳ​ເຫັນ​ວ່າ : 
      : “ ກົດ​ລະ​ບຽບ​ຂອງກອງ​ປະ​ຊ​ຸມ​ແມ່ນ​ຄວນ​ຫັນ​ເນື້ອ​ໃນ​ຂອງ​ລັດ​ຖະ​ທຳມະ​ນູນກ່ຽວ​ກັບ​ພົນ​ລະ​ເມືອງ​ເຂົ້າ​ຮ່ວມ​ຮັບ​ຟັງ​ໃນ​ບັນ​ດາ​ວາ​ລະ​ປະ​ຊຸມເປັນ​ລະ​ອຽດ, ເປັນ​ຕົ້ນ​ແມ່ນ​ຂໍ້​ກຳ​ນົດ​ທີ່​ມີ​ລັກ​ສະ​ນະ​ຫຼັກ​ການ​ກ່ຽວ​ກັບ​ບັນ​ດາ​ວາ​ລະ​ປະ​ຊຸມ​ທີ່​ປະ​ຊາ​ຊົນ​ເຂົ້າຮ່ວມ ຮັບ​ຟັງ​, ຈຳ​ນວນ ແລະ ພາກ​ສ່ວນ​ໄດ້​ຮັບ​ການ​ເຊື້ອ​ເຊີນ​ເຂົ້າ​ຮ່ວມ. ນິ້​ກໍ​ແມ່ນ​ໂອ​ກາດ​ເພື່ອ​ໃຫ້​ປະ​ຊາ​ຊົນ​ຕິດ​ຕາມ​ການ​ເຄື່ອນ​ໄຫວ​ຂອງ​ສະ​ພາ​ແຫ່ງ​ຊາດ​, ສ.ສ.ຊ ໂດຍ​ກົງ ”.
(ແຫຼ່ງຄັດຈາກ VOV)