29/05/2015 08:34 GMT+7 Email Print Like 0

ສະພາແຫ່ງຊາດປຶກສາຫາລື ຮ່າງກົດໝາຍຊັບພະຍາກອນ, ສິ່ງແວດລ້ອມທະເລ


ກອງ​ປະ​ຊຸມ​ສະ​ໄໝ​ສາ​ມັນ​ເທື່ອ​ທີ 9 ສະ​ພາ​ແຫ່ງ​ຊາດ​ຫວຽດ​ນາມ​ຊຸດ​ທີ 13

        ໂດຍ​ສືບຕໍ່​ການ​ເຄື່ອນ​ໄຫວ​ຂອງກອງ​ປະ​ຊຸມ​ສະ​ໄໝ​ສາ​ມັນ​ເທື່ອ​ທີ 9 ສະ​ພາ​ແຫ່ງ​ຊາດ​ຫວຽດ​ນາມ​ຊຸດ​ທີ 13, ຕອນ​ເຊົ້າ​ວັນ​ທີ 28/5, ໂດຍ​ພາຍ​ໃຕ້​ການ​ເປັນປະທານ​ຂອງ​ທ່ານ​ນາງ​ຮອງ​ປະ​ທານ​ສະ​ພາ​ແຫ່ງ​ຊາດ ຫງວຽນ​ທິ​ກິມ​ເງິ​ນ, ບັນ​ດາ ສ.ສ.ຊ ໄດ້​ຮັບ​ຟັງ​ການ​ສະ​ເໜີ​ກ່ຽວ​ກັບຮ່າງ​ກົດ​ໝາຍ​ວ່າ​ດ້ວຍ​ການ​ລົງ​ປະ​ຊາ​ມະ​ຕິ; ບົດ​ລາຍ​ງານກວດ​ກາຮ່າງ​ກົດ​ໝາຍ​ວ່າ​ດ້ວຍ​ການ​ລົງ​ປະ​ຊາ​ມະ​ຕິ; ບົດ​ລາຍ​ງານ​ອະ​ທິ​ບາຍ, ຮັບ​ການ​ປະ​ກອບ​ຄຳ​ເຫັນ, ປັບ​ປຸງຮ່າງ​ກົດ​ໝາຍ​ວ່າ​ດ້ວຍ​ຊັບ​ພະ​ຍາ​ກອນ, ສິ່ງ​ແວດ​ລ້ອມ​ທະ​ເລ ແລະ ໝູ່​ເກາະ ແລະ ສຸມ​ໃສ່​ປຶກ​ສາ​ຫາ​ລື​ກ່ຽວ​ກັບ​ບາງ​ເນື້ອ​ໃນ​ທີ່​ຍັງ​ມີ​ຄວາມ​ເຫັນ​ແຕກ​ຕ່າງ​ກັນ​ກ່ຽວ​ກັບຮ່າງ​ກົດ​ໝາຍ​ວ່າ​ດ້ວຍ​ຊັບ​ພະ​ຍາ​ກອນ, ສິ່ງ​ແວດ​ລ້ອມ​ທະ​ເລ ແລະ ໝູ່​ເກາະ. ປະ​ກອບ​ຄຳ​ເຫັນ​ໃສ່ຮ່າງ​ກົດ​ໝາຍ​ວ່າ​ດ້ວຍ​ຊັບ​ພະ​ຍາ​ກອນ, ສິ່ງ​ແວດ​ລ້ອມ​ທະ​ເລ ແລະ ໝູ່​ເກາະ,  ທ່ານ​ນາງ​ບຸຍ​ທິ​ອານ​, ສ.ສ.ຊ ນະ​ຄອນ​ຮ່າ​ໂນ້ຍ ໃຫ້​ຮູ້​ວ່າ :
        “ ລັດ​ຖະ​ບານ​ຄວນ​ຄົ້ນ​ຄ້​ວາ​ສ້າງ​ຕັ້ງ​ກະ​ຊວງ​ເສດ​ຖະ​ກິດ​ທະ​ເລ ເພື່ອ​ເຮັດ​ແນວ​ໃດ​ຂຸດ​ຄົ້ນ, ຄຸ້ມ​ຄອງ​ຂະ​ແໜງ​ເສດ​ຖະ​ກິດ​ທະ​ເລ​ຢ່າງ​ມີ​ປະ​ສິດ​ທິ​ຜົນ ເພາະ​ໃນ​ປະ​ຈຸ​ບັນ, ຂະ​ແໜງ​ເສດ​ຖະ​ກິດ​ທະ​ເລປະ​ກອບ​ສ່ວ​ນ​ປະ​ມານ 50% GDP ທົ່ວ​ປະ​ເທດ. ຂ້າ​ພະ​ເຈົ້າ​ຖື​ວ່າ ການ ສ້າງ​ຕັ້ງ​ກະ​ຊວງ​ເສດ​ຖະ​ກິດ​ທະ​ເລ​ແມ່ນ​ສອດ​ຄ່ອງ​ກັບ​ພຶດ​ຕິ​ກຳ​ຕົວ​ຈິງ​ຢູ່​ຫວຽດ​ນາມ ”
(​ແຫຼ່ງຄັດ​ຈາກ VOV)