11/04/2016 11:51 GMT+7 Email Print Like 0

ສ.ສ.ຊ ແລະ ປະຊາຊົນເຊື່ອໝັ້ນຕໍ່ລັດຖະບານຊຸດໃໝ່ທີ່ເຄື່ອນໄຫວຢ່າງມີປະສິດທິຜົນ

(ພາບ​ປະ​ກອບ​)
          ດ້ວຍ​ເລື່ອງ​ສະ​ພາ​ແຫ່ງ​ຊາດ​ຫວຽດ​ນາມຫາ​ກໍ​ຮັບ​ຮອງ​ເອ​ົາບັນ​ດາມະ​ຕິໃຫ້​ສັດ​ຕະ​ຍາ​ບັນ​ຂໍ້​ສະ​ເໜີ​ຂອງ​ນາ​ຍົກ​ລັດ​ຖະ​ມົນ​ຕີ​ກ່ຽວ​ກັບ​ການ​ແຕ່ງ​ຕັ້ງ 3 ຮອງ​ນາ​ຍົກ​ລັດ​ຖະ​ມົນ​ຕີ ແລະ 18 ລັດ​ຖະ​ມົນ​ຕີ, ຫົວ​ໜ້າ​ຂະ​ແໜງ​ການ, ຄະ​ນະ​ລັດ​ຖະ​ບານ​ລວມ​ມີ​ສະ​ມາ​ຊິກ 27 ຄົນ​ໄດ້​ສ້າງ​ໃຫ້​ສົມ​ບູນ​ແບບ​ແລ້ວ. ບັນ​ດາ ສ.ສ.ຊ ໄດ້​ຝາກ​ຄວາມ​ຫວັງ​ຕໍ່​ລັດ​ຖະ​ບານ​ຊຸດ​ໃໝ່​ທີ່​ຂະ​ຫຍັນ​ຂັ່ນ​ເຄື່ອນ, ເ​ຄື່ອນ​ໄຫວ​ຢ່າງ​ມີປະ​ສິດ​ທິ​ຜົນ​ໃນ​ການ​ຄຸ້ມ​ຄອງ​ບໍ​ລິ​ຫານ​ປະ​ເທດ​ຊາດ​. ທ່ານ ຫງວຽນ​ສີ​ເກືອງ ສ.ສ.ຊ ແຂວງ​ນິງ​ຖ້ວນ ຖື​ວ່າ :
“ຂ້າ​ພະ​ເຈົ້າ​ປາດ​ຖະ​ໜາວ​່າ ຈະ​ມີ​ບັນ​ດາ​ຈຸດ​ໃໝ່, ສະ​ຫວ່າງ​ສະ​ໄຫວ​ໃນ​ຂົງ​ເຂດນີ້, ປະ​ຈຸ​ບັນ ກໍ​ມີຫຼາຍ​ບັນ​ຫາ​ທີ່​ພົ້ນ​ເດັ່ນ, ບັນ​ຫາ​ປົກ​ປັກ​ຮັກ​ສາ​ອະ​ທິ​ປະ​ໄຕ​ທີ່​ກ່ຽວ​ຂ້ອງ​ເຖິງ​ການ​ປົກ​ປັກ​ຮັກ​ສາ​ເຂດຫມູ່​ເກາະ​ທະ​ເລ, ຊີ​ວິດ​ການ​ເປັນ​ຢູ່​ຂອງ​ປະ​ຊາ​ຊົນ, ການ​ຄຸ້ມ​ຄອງ ແລະ ນຳ​ໃຊ້​ທີ່​ດິນ ”
ສ່ວນ​ທ່ານ​ເຈີນ​ຢູ​ລີກ, ສ.ສ.ຊ ນະ​ຄອນ​ໂຮ່​ຈິ​ມິນ ມີ​ຄວາມ​ຫວັງ​ວ່າ: 
“ລັດ​ຖະ​ບານ​ຕ້ອງ​ມີ​ບົດ​ບາດ​ແມ່ນ​ຜູ້​ຄ້ຳ​ຊູ່​ໃຫ້​ແກ່​ວິ​ສາ​ຫະ​ກິດ​ໃນ​ວິ​ວັດ​ການ​ເຊື່ອມ​ໂຍງ​ເຂົ້າ​ກັບ​ສາ​ກົນ. ມີ 2 ຂົງ​ເຂດ, ນັ້ນ​ແມ່ນ​ກະ​ສີ​ກຳ ແລະ ອຸດ​ສາ​ຫະ​ກຳ​ປຸງ​ແຕ່ງ, ການ​ຫນູນ​ຊ່ວຍແມ່ນ​ຍັງ​ຕ່ຳ, ທີ 2 , ຄວາມ​ຫຍຸ້ງ​ຍາກກວ່ານັ້ນ, ແມ່ນໃນ​ເງື່ອນ​ໄຂ​ງົບ​ປະ​ມານ ແລະ ໜີ້​ສາ​ທາ​ລະ​ນະ​ພວມ​ຖືກ​ກຳ​ລັງ​ກົດ​ດັນ. ທີ 3 , ກົງ​ຈັກ​ບໍ​ລິ​ຫານ​ຕ້ອງ​ສ້າງ​ໃຫ້​ກະ​ທັດ​ລັດ, ຍົກ​ສູງ​ປະ​ສ​ິດ​ທິ​ຜົນ ແລະ ດຳ​ເນີນ​ການ​ປະ​ຕິ​ຮູບ​ພື້ນ​ຖານ​ການ​ບໍ​ລ​ິຫານຢ່າງ​ຄົບຊຸດ”
 (ແຫຼ່ງຄັດຈາກ VOV)