28/10/2015 09:38 GMT+7 Email Print Like 0

ວຽກງານແຂ່ງຂັນຂອງຂະແໜງການທູດຕ້ອງຕິດພັນຢ່າງສະໜິດແໜ້ນກັບໜ້າທີ່ການເມືອງການຕ່າງປະເທດ


ທ່ານນາຍົກລັດຖະມົນຕີ, ປະທານສະພາແຂ່ງ
​ຂັນຍ້ອງຍໍສູນກາງ ຫງວຽນເຕິ້ນຢູງ
(ພາບ: TTXVN)

        ຕອນ​ເຊົ້າ ວັນ​ທີ 27/10 ຢູ່​ຮ່າ​ໂນ້ຍ, ທ່ານ​ນາ​ຍົກ​ລັດ​ຖະ​ມົນ​ຕີ, ປະ​ທານ​ສະ​ພາ​ແຂ່ງ​ຂັນຍ້ອງ​ຍໍ​ສູນ​ກາງ ຫງວຽນ​ເຕິ້ນ​ຢູງ, ​ໄດ້ເຂົ້າ​ຮ່ວມກອງ​ປະ​ຊຸມ​ໃຫຍ່​ແຂ່ງ​ຂັນ​ຮັກ​ຊາດ​ຂະ​ແໜງ​ການ​ທູດ ໄລ​ຍະ​ 2011-2015. ທີ່ກອງ​ປະ​ຊຸມ​ໃຫຍ່​ຄັ້ງ​ນີ້, ຂະ​ແໜງ​ການ​ທູດ​ສຸມ​ໃສ່​ປຶກ​ສາ​ຫາ​ລື​ບັນ​ດາ​ທິດ​ທາງ​ໃຫຍ່ ແລະ ໜ້າ​ທີ່​ສຳ​ຄັນ 5 ປີ​ຈະ​ມາ​ເຖິງ, ໃນ​ນັ້ນ​ມີ​ ເລື່ອງ​ສືບ​ຕໍ່​ປຸກ​ລະ​ດົມ, ຈັດ​ຕັ້ງ​ປະ​ຕິ​ບັດ​ບັນ​ດາ​ຂະ​ບວນ​ການ​ແຂ່ງ​ຂັນ​ໃຫ້​ດີ​ ເພື່ອ​ໃຫ້​ສ​ຳ​ເລັດ​ບັນ​ດາ​ໜ້າ​ທີ່​​ເຊິ່ງພັກ ລັດ​ມອບ​ໝາຍ​ໃຫ້. ກ່າວ​ຄຳ​ເຫັນ​ນະ​ທີ່ນີ້, ທ່ານ​ນາ​ຍົກ​ລັດ​ຖະ​ມົນ​ຕີ ຫງວ​ຽນ​ເຕິ້ນ​ຢູງ ຊີ້​ແຈ້ງວ່າ:
        “ວຽກງານແຂ່ງຂັນຕ້ອງຕິດພັນສະ​​ໜິດແໜ້ກັບຄວາມມານະພະຍາຍາມສູ້ຊົນປະຕິບັດໜ້າທີ່ການເມືອງການຕ່າງປະເທດ​​ທີ່ໄດ້ຮັບການມອບໝາຍ​​ໃຫ້ດີທີ່ສຸດ, ທັງໝົດແມ່ນເພື່ອຜົນປະໂຫຍດຂອງຊາດ ແລະເພື່ອພາລະກິດສ້າງສາ ແລະປົກປັກຮັກສາປະເທດຊາດ. ວຽກງານການຕ່າງປະເທດ ແລະ ເຊື່ອມໂຍງເຂົ້າກັສາກົນຕ້ອງເປັນເຈົ້າການ, ຕັ້ງໜ້າປະກອບສ່ວນສຳຄັນປະຕິບັດສຳເລັດໜ້າທີ່ແຖວໜ້າ​ແມ່ນຮັກສາສະພາບແວດລ້ອມສັນຕິພາບ, ສະຖຽນລະພາບ, ຮ່ວມມືກັບບັນດາປະເທດ, ​ຕ່າງຝ່າຍຕ່າງມີຜົນປະໂຫຍດ, ພ້ອມທັງຕິດພັນຢ່າງສະ​​ໜິດແໜ້ນກັບການປົກປັກຮັກສາມີເອກະລາດ, ອະທິປະໄຕ, ເປັນເອກະພາບ ແລະ ຜືນແຜ່ນດິນອັນຄົບຖ້ວນຂອງຊາດຢ່າງໝັ້ນຄົງ . ປະຕິບັດບັນດາມາດຕະການການເມືອງ-ການທູດໃນການແກ້ໄຂບັນດາການຂັດແຍ້ງກັນ, ຄວາມບໍ່ລົງລອຍກັນບົນພື້ນຖານກົດໝາຍສາກົນຢ່າງມີປະສິດທິຜົນ. ຍົກສູງນ້ຳໃຈສາມັກຄີສາກົນບົນພື້ນຖານສົນທິສັນຍາສະຫະປະຊາຊາດ, ກົດໝາຍສາ​ກົນ, ເຄົາລົບເອກະລາດ, ອະທິປະໄຕ, ຜົນປະໂຫຍດອັນຊອບທຳຂອງກັນ, ສາມັກຄີສ້າງປະຊາຄົມອາຊຽນ ແລະ ປະຕິບັດຄວາມຮັບຜິດຊອບເຊິ່ງແມ່ນສະມາຊິກຕັ້ງໜ້າຂອງປະຊາຄົມສາກົນໃຫ້ດີ ”
(ແຫຼ່ງຄັດຈາກ VOV)