13/05/2018 13:04 GMT+7 Email Print Like 0

ວົງການນັກຊ່ຽວຊານ ລັດເຊຍ ເອົາໃຈໃສ່ເຖິງເລື່ອງແກ້ໄຂການປະທະກັນຢູ່ທະເລຕາເວັນອອກ

ວັນທີ 11 ພຶດສະພາ ຢູ່ສະຫະພັນ ລັດເຊຍ, ສະຖາບັນຕາເວັນອອກວິທະຍາ ສັງກັດສະພາມະຫາບັນດິດວິທະຍາສາດສະຫະພັນ ລັດເຊຍ  ໄດ້ຈັດຕັ້ງກອງປະຊຸມສຳມະນາໂຕະມົນດ້ວຍຫົວຂໍ້ວ່າ “ການປະທະກັນຢູ່ທະເລຕາເວັນອອກ ໃນລະບົບການພົວພັນສາກົນທັນສະໄໝຢູ່ພາກພື້ນ ອາຊີ - ປາຊີຟິກ”.

ທີ່ກອງປະຊຸມສຳມະນາໂຕະມົນ (ພາບ: TTXVN)

ເຂົ້າຮ່ວມກອງປະຊຸມສຳມະນາມີບັນດານັກວິທະຍາສາດແຖວໜ້າຂອງສະຖາບັນຕ່າງໆ ແລະ ສູນຄົ້ນຄວ້າກ່ຽວກັບພາກພື້ນ ອາຊີ - ປາຊີຟິກ, ອາຊຽນ, ກົດໝາຍສາກົນເປັນຈຳນວນຫລວງຫລາຍ.

        ທີ່ກອງປະຊຸມສຳມະນາ, ບັນດານັກຊ່ຽວຊານຢືນຢັນວ່າ ການປະທະກັນຢູ່ທະເລຕາເວັນອອກ ພວມແມ່ນໜຶ່ງໃນບັນຫາໄພນາບຂູ່ໃຫຍ່ທີ່ສຸດ ຕໍ່ສະຖຽນລະພາບ ແລະ ຄວາມໝັ້ນຄົງທົ່ວໂລກ.

        ເມື່ອສິ້ນສຸດກອງປະຊຸມສຳມະນາ, ບັນດາຜູ້ແທນໄດ້ເຫັນດີເປັນເອກະພາບໂດຍຖືວ່າ: ບັນດາຝ່າຍຂັດແຍ້ງກັນຢູ່ທະເລຕາເວັນອອກ ຄວນແກ້ໄຂການປະທະກັນຜ່ານການເຈລະຈາສັນຕິພາບ, ບໍ່ນາບຂູ່ນຳໃຊ້ກຳລັງອາວຸດ ແລະ  ມີການກະທຳອີງໃສ່ພື້ນຖານກົດໝາຍສາກົນ ແລະ ສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 (UNCLOS).

(ແຫຼ່ງຄັດຈາກ VOV)