12/04/2018 09:34 GMT+7 Email Print Like 0

ວິສາຫະກິດສິງກະໂປຕີລາຄາສູງສະພາບແວດລ້ອມແຫ່ງການລົງທຶນຢູ່ນະຄອນໂຮ່ຈິມິນ

ທີ່ການຕ້ອນຮັບທ່ານນາງ Catherine Wong, ເອກອັກຄະລັດຖະທູດວິສາມັນ ຜູ້ມີອຳນາດເຕັມແຫ່ງສິງກະໂປ ປະຈຳຫວຽດນາມ, ໃນວັນທີ 10 ເມສາ, ທ່ານເລຂາຄະນະພັກນະຄອນໂຮ່ຈິມິນ ຫງວຽນທ້ຽນເຍີນ ຖືວ່າ


ທ່ານເລຂາຄະນະພັກນະຄອນໂຮ່ຈິມິນ ຫງວຽນທ້ຽນເຍີນ ຕ້ອນຮັບທ່ານນາງ Catherine Wong

(ພາບ: sggp.org.vn)

ໃນປີ 2018, ຫວຽດນາມ ແລະ ສິງກະໂປ ໄດ້ມີການເຄື່ອນໄຫວຫຼາຍຢ່າງເນື່ອງໃນໂອກາດສະເຫຼີມສະຫຼອງ 45 ປີແຫ່ງວັນສ້າງຕັ້ງການພົວພັນທາງການທູດ. ນີ້ແມ່ນໂອກາດເພື່ອຊຸກຍູ້ການພົວພັນລະຫວ່າງ 2 ປະເທດເວົ້າລວມ ແລະ ລະຫວ່າງສິງກະໂປ ແລະ ນະຄອນໂຮ່ຈິມິນ ເວົ້າສະເພາະໃຫ້ດີກວ່າອີກ. ທ່ານ ຫງວຽນທ້ຽນເຍີນ ກໍຢືນຢັນວ່າ ນະຄອນຊົມເຊີຍທີ່ສຸດ ແລະ ຍາມໃດກໍ່ຢາກໄດ້ຮັບການສະໜັບສະໜູນຂອງບັນດາປະເທດ, ໃນນັ້ນມີສິງກະໂປ ໃນໂຄງການກໍ່ສ້າງເຂດຕົວເມືອງສະຫຼາດ, ກໍຄືໃນຂົງເຂດສຶກສາ ແລະ ບຳລຸງສ້າງແຫຼ່ງຊັບພະຍາກອນມະນຸດ ເຊິ່ງແມ່ນທ່າແຮງຂອງສິງກະໂປ. ທ່ານ ຫງວຽນທ້ຽນເຍີນ ປາດຖະໜາວ່າ ຈະໄດ້ລົງນາມໃນຂໍ້ຕົກລົງຮ່ວມມືລະຫວ່າງນະຄອນໂຮ່ຈິມິນ ແລະ ສິງກະໂປ ໂດຍໄວ ເພື່ອປະກອບສ່ວນເພີ່ມທະວີການພົວພັນຮ່ວມມືລະຫວ່າງ 2 ປະເທດ, ມຸ່ງໄປເຖິງບັນດາໝາກຜົນລະອຽດ.

      ສ່ວນທ່ານນາງ Catherine Wong ໄດ້ຂອບໃຈການໜູນຊ່ວຍຈາກການນຳນະຄອນໂຮ່ຈິມິນ ເພື່ອໃຫ້ສິງກະໂປ ກາຍເປັນນັກລົງທຶນໃຫຍ່ກວ່າໝູ່ຢູ່ນະຄອນ. ທ່ານນາງໃຫ້ຮູ້ວ່າ, ວິສາຫະກິດສິງກະໂປ ຕີລາຄາສູງສະພາບແວດລ້ອມແຫ່ງການລົງທຶນຢູ່ນະຄອນໂຮ່ຈິມິນ ແລະ ພ້ອມແລ້ວທີ່ຈະຮ່ວມມືກັບນະຄອນໂຮ່ຈິມິນ ໃນໂຄງການກໍ່ສ້າງເຂດຕົວເມືອງສະຫຼາດ.

(ແຫຼ່ງຄັດຈາກ VOV)