16/05/2016 10:13 GMT+7 Email Print Like 0

ລາວ: ໄຂກອງປະຊຸມລັດຖະມົນຕີແຮງງານອາຊຽນຄັ້ງທີ 24


ບັນ​ດາ​ຜູ້​ແທນ​ເຂົ້າ​ຮ່ວມກອງ​ປະ​ຊຸມ

      ວັນ​ທີ 15/5 ຢູ່ ນະ​ຄອນ​ຫລວງ ວຽງ​ຈັນ, ໄດ້​ໄຂ​ກອງ​ປະ​ຊຸມ​ລັດ​ຖະ​ມົນ​ຕີ​ແຮງ​ງານ ອາ​ຊຽນ ຄັ້ງ​ທີ 24 ແລະ ກອງ​ປະ​ຊຸມ​ແຮງ​ງານ + 3 ຄັ້ງ​ທີ 9. ຄະ​ນະ​ຜູ​້​ແທນ​ຫວຽດ​ນາມ ໂດຍ​ທ່ານ ດາວງອກ​ຢູງ, ລັດ​ຖະ​ມົນ​ຕີ​ແຮງ​ງານ ທະ​ຫານ​ເສຍ​ອົງ​ຄະ ແລະ ສັງ​ຄົມ ນຳ​ຫນ້າ​ເຂົ້າ​ຮ່ວມກອງ​ປະ​ຊຸມ.  ດ້ວຍ​ຫົວ​ຂໍ້: “ການ​ຫັນ​ປ່ຽນ​ຈາກວຽກ​ເຮັດ​ງານ​ທຳ​ບໍ່​ເປັນ​ທາງ​ການ​ໄປ​ສູ່​ວຽກ​ເຮັດ​ງານ​ທຳ​ຢ່າງ​ເປັນ​ທາງ​ການ​ມຸ້ງ​ໄປ​ເຖິງ​ການ​ຊຸກ​ຍູ້​ວຽກ​ເຮັດ​ງານ​ທຳ​ແບບ​ຍືນ​ຍົງ”, ບັນ​ດາ​ລັດ​ຖະ​ມົນ​ຕີ ໄດ້​ແລກ​ປ່ຽນ​ທັດ​ສະ​ນະ​ເພື່ອ​ຫນູນ​ຊ່ວຍ​ວິ​ວັດ​ການ​ຫັນ​ປ່ຽນ​ຈາກ​ວຽກ​ເຮັດ​ງານ​ທຳ​ບໍ່​ເປັນ​ທາງ​ການ​ໄປ​ສູ່​ວຽກ​ເຮັດ​ງານ​ທຳ​ຢ່າງ​ເປັນ​ທາງ​ການ​ເພື່ອ​ນຳ​ມາ​ເຊິ່ງວຽກ​ເຮັດ​ງານ​ທຳ​ແບບ​ຍືນ​ຍົງ​ໃຫ້​ທຸກ​ຄົນ.
      ບັນ​ດາ​ລັດ​ຖະ​ມົນ​ຕີ ກໍ​ສະ​ແດງ​ຄຳ​ໝັ້ນ​ສັນ​ຍາ​ຊຸກ​ຍູ້​ການ​ປະ​ຕິ​ບັດ​ວິ​ໄສ​ທັດ ອາ​ຊຽນ 2025 ແລະ ແຜນ​ການ​ສັງ​ລວມ​ປະ​ຊາ​ຄົມ​ວັດ​ທະ​ນະ​ທຳ ສັງ​ຄົມ ອາ​ຊຽນ 2025. ອັດ​ກອງ​ປະ​ຊຸມ, ບັນ​ດາ​ລັດ​ຖະ​ມົນ​ຕີ ໄດ້​ຮັບ​ຮອງ​ເອົາ​ຖະ​ແຫລງ​ການ ວຽງ​ຈັນ ແລະ ຮັບ​ຮອງ​ເອົາ​ແຈ້ງ​ການ​ຮ​ວ່ມກອງ​ປະ​ຊຸມ​ລັດ​ຖະ​ມົນ​ຕີ​ແຮງ​ງານ ອາ​ຊຽນ ຄັ້ງ​ທີ 24.
      ຄະ​ນະ​ຜູ້​ແທນ​ຫວຽດ​ນາມ ເຂົ້າ​ຮ່ວມກອງ​ປະ​ຊຸມ ໄດ້​ແບ່ງ​ປັນ​ບັນ​ດາ​ລາຍ​ການ, ນະ​ໂຍ​ບາຍ​ກໍ​ຄື​ບັນ​ດາ​ມາດ​ຕະ​ການ​ຂອງ​ລັດ​ຖະ​ບານ​ຫວຽດ​ນາມ​ເພື່ອ​ຫນູນ​ຊ່ວຍ​ວິ​ວັດ​ການ​ຫັນ​ປ່ຽນ​ຈາກວຽກ​ເຮັດ​ງານ​ທຳ​ບໍ່​ເປັນ​ທາງ​ການ​ໄປ​ສູ່​ວຽກ​ເຮັດ​ງານ​ທຳ​ຢ່າງ​ເປັນ​ທາງ​ການ.
      ກອງ​ປະ​ຊຸມ​ລັດ​ຖະ​ມົນ​ຕີ​ແຮງ​ງານ ອາ​ຊຽນ ຄັ້ງ​ທີ 25 ຈະ​ຖືກ​ຈັດ​ຂຶ້ນ​ຢູ່ ສິງ​ກະ​ໂປ ໃນ​ປີ 2018.
(ແຫຼ່ງຄັດຈາກ VOV)