14/05/2015 10:25 GMT+7 Email Print Like 0

ລາວກາຍ ແລະ ຢູນໜາມ (ປະເທດ ຈີນ) ຜັນຂະຫຍາຍກໍ່ສ້າງ ເຂດຮ່ວມມືເສດຖະກິດຜ່ານຊາຍແດນຢ່າງຕັ້ງໜ້າ


(ພາບ: www.baolaocai.vn)
        ວັນ​ທີ 12/5 ຢູ່ນະຄອນ ລາວ​ກາຍ, ການ​ນຳ​ແຂວງ ລາວ​ກາຍ ​ໄດ້​ເຮັດ​ວຽກ​ກັບ​ຄະນະ​ຜູ້​ແທນ​ແຂວງ ຢູນໜາມ(ປະ​ເທດຈີນ) ​ໂດຍ​ທ່ານ ​ເຈີ່ນ​ຮ່າວ ​ເຈົ້າ​ແຂວງ ​ແຂວງ​ຢູນໜາມ ​ເປັນ​ຫົວໜ້າ​ຄະນະ. ທີ່​ການ​ເຮັດ​ວຽກ ການ​ນຳ 2 ​ແຂວງ​​ໄດ້ເນັ້ນໜັກ​ວ່າ: ຄວນສືບ​ຕໍ່​ເພີ່ມ​ທະວີ​ບັນດາ​ການ​ເຄື່ອນ​ໄຫວ​ຮ່ວມ​ມື​ເສດຖະກິດ, ການ​ຄ້າ, ການ​ລົງທຶນ, ການ​ທ່ອງ​ທ່ຽວ; ຊຸກຍູ້​ຜັນ​ຂະຫຍາຍ​ບັນດາ​ໂຄງການ​ຄົມມະນາຄົມ​ທີ່​ເຊື່ອມ​ຕໍ່ລະຫວ່າງ 2 ​ແຂວງ; ຫັນ​ບັນດາລະບຽບການ​ເຂົ້າ​ອອກ​ເມືອງ ​ແລະ ຂາ​ເຂົ້າຂາ​ອອກ​ໃຫ້​ງ່າຍດາຍ ​ເພື່ອ​ຊຸກຍູ້​ການ​ແລກປ່ຽນ​ສິນຄ້າ, ທ່ອງ​ທ່ຽວ. ດ້ວຍ​ການ​ເພີ່ມ​ທະວີ​ການ​ພົວພັນ​ຮ່ວມ​ມື​ລະຫວ່າງ ລາວ​ກາຍ ​ແລະ ຢູນໜາມ​ ດຳ​ເນີນ​ການພົບ​ປະ, ​ແລກປ່ຽນ, ​ເປັນ​ປະຈຳ​ເພື່ອຊຸກຍູ້​ການ​ຮ່ວມ​ມື​​ໃນບັນດາ​ຂົງ​ເຂດ ກໍ່​ຄື​ການ​ເຄື່ອນ​ໄຫວ​ພົບ​ປະ​ແລກປ່ຽນ​ປະຊາຊົນ ​ແນ​ໃສ່​ເພີ່ມ​ທະວີ​ຄວາມ​ໄວ້​ເນື້ອ​ເຊື່ອ​ໃຈ, ຄວາມ​ເຂົ້າ​ອົກ​ເຂົ້າ​ໃຈ ​ເຊິ່ງກັນ ​ແລະ ກັນ. ລາວ​ກາຍ ​ແລະ ຢູນໜາມ ຜັນ​ຂະຫຍາຍ​ກໍ່ສ້າງ​ເຂດ​ຮ່ວມ​ມື​ເສດຖະກິດ ລາວ​ກາຍ - ຮົ່ງຮ່າ ຢ່າງ​ຕັ້ງໜ້າ, ຖື​ເອົາ​ເຂດ​ການ​ຄ້າ - ອຸດສາຫະກຳ ກິມ​ແທງ(ລາວ​ກາຍ) - ​ເຂດ​ເປ​ຊານ (ປະ​ເທດ​ຈີນ) ​ເປັນແກ່ນສານເພື່ອ​ກໍ່ສ້າງ ​ແລະ ພັດທະນາ​​ແລວ​ເສດຖະກິດ ຄຸນ​ໝີ​ງ - ລາວ​ກາຍ - ຮ່າ​ໂນ້ຍ - ຫາຍ​ຟ່ອງ ​ໃນ​​ໄວ​ໆນີ້.
 (​ແຫຼ່ງຄັດ​ຈາກ VOV)