25/05/2016 00:01 GMT+7 Email Print Like 0

ລັດເຊຍ ຢືນຢັນ ຫວຽດນາມ ເປັນຄູ່ເຈລະຈາທີ່ສຳຄັນຢູ່ ອາຊີ-ປາຊີຟິກ

ທ່ານນາຍົກລັດຖະມົນຕີ ຫງວຽນຊວນຟຸກ ຫາກໍ່ສຳເລັດຢ່າງຈົບງາມການຢ້ຽມຢາມສະຫະພັນ ລັດເຊຍ ຢ່າງເປັນທາງການ ແລະເຂົ້າຮ່ວມກອງປະຊຸມຂັ້ນສູງສະເຫຼີມສະຫຼອງ 20 ປິແຫ່ງວັນສ້າງຕັ້ງການພົວພັນຄູ່ເຈລະຈາ ອາຊຽນ-ລັດເຊຍ (ແຕ່ວັນທີ 16-20/5/2016). ນີ້ແມ່ນການປະຕິບັດງານຢູ່ຕາງປະເທດຄັ້ງທຳອິດໃນຖານະເປັນນາຍົກລັດຖະມົນຕີຂອງທ່ານ ຫງວຽນຊວນຟຸກ ແລະ ກໍ່ເປັນການປະຕິບັດງານຢູ່ຕ່າງປະເທດຄັ້ງທຳອິດຂອງການນຳຂັ້ນສູງ ຫວຽດນາມ ຫຼັງຈາກ ກອງປະຊຸມໃຫຍ່ ຊຸດທີ XII. ການຢ້ຽມຢາມໄດ້ປະກອບສ່ວນຢ່າງສຳຄັນເຂົ້າໃນວຽກງານເພີ່ມທະວີການພົວພັນຄູ່ເຈລະຈາຍຸດທະສາດຮອບດ້ານລະຫວ່າງ ຫວຽດນາມ-ລັດເຊຍ, ກໍ່ຄືສະແດງໃຫ້ເຫັນຄວາມຕັ້ງໜ້າ ແລະ ຄວາມຮັບຜິດຊອບຂອງຫວຽດນາມ ຕໍ່ວຽກງານຂອງ ອາຊຽນ, ຊຸກຍູ້ການພົວພັນຮ່ວມມືອາຊຽນ-ລັດເຊຍ.
ກຳລັງພົນໃໝ່ໃນການພົວພັນຄູ່ເຈລະຈາຍຸດທະສາດຮອບດ້ານຫວຽດນາມ-ລັດເຊຍ.
 
ການຢ້ຽມຢາມສະຫະພັນ ລັດເຊຍ ຄັ້ງນີ້ ແມ່ນການປະຕິບັດງານ ຢູ່ຕາງປະເທດຄັ້ງທຳອິດໃນຖານະເປັນນາຍົກລັດຖະມົນຕີຂອງທ່ານ ຫງວຽນຊວນຟຸກ. ການຢ້ຽມຢາມສະແດງໃຫ້ເຫັນ ແນວທາງເປັນເອກະສັນຂອງ ຫວຽດນາມ ແມ່ນຖືສຳຄັນ ການພົວພັນຄູ່ເຈລະຈາຍຸດທະສາດຮອບດ້ານຫວຽດນາມ-ລັດເຊຍ.
 
ທີ່ບັນດາການພົບປະ, ບັນດາທ່ານຜູ້ນຳຂັ້ນສູງຂອງ ລັດເຊຍ ແຕ່ທ່ານປະທານາທິບໍດີ Vladimir Putin, ທ່ານນາຍົກລັດຖະມົນຕີ Dmitry Medvedev ເຖິງທ່ານປະທານສະພາສູງ, ທ່ານປະທານ ສະພາຕຳ່ ລ້ວນແຕ່ຢືນຢັນວ່າ ຫວຽດນາມ ເປັນໜຶ່ງໃນບັນດາເປົ້າໝາຍບຸລິມະສິດໃນນະໂຍບາຍການຕ່າງປະເທດຂອງ ລັດເຊຍ ຢູ່ພາກພື້ນ ອາຊີ-ປາຊີຟິກ ແລະ ສະແດງຄວາມມຸ່ງຫວັງຢາກຊຸກຍູ້ການພົວພັນກັບ ຫວຽດນາມ ໃນທຸກຂົງເຂດ. 

ທ່ານນາຍົກລັດຖະມົນຕີ ຫງວຽນຊວນຟຸກ ພົບປະເຈລະຈາກັບ
ທ່ານນາຍົກລັດຖະມົນຕີ ລັດເຊຍ D. Medvedev . ພາບ: ຖົ໋ງເຍິດ/VNA



ທ່ານນາຍົກລັດຖະມົນຕີທັງສອງໄດ້ເປັນສັກຂີພິຍານໃນພິທີ
ເຊັນສັນຍາຮ່ວມມືໃນຂົງເຂດນຳ້ມັນອາຍແກັດ. ພາບ: ຖົ໋ງເຍິດ/VNA



ທ່ານນາຍົກລັດຖະມົນຕີ ຫງວຽນຊວນຟຸກ ພົບປະແລກປ່ຽນ
ຄວາມຄິດຄວາມເຫັນກັບທ່ານນາງ Valentina Matviyenko, ປະທານສະພາສູງ ລັດເຊຍ. ພາບ: ຖົ໋ງເຍິດ/VNA


ທ່ານນາຍົກລັດຖະມົນຕີ ຫງວຽນຊວນຟຸກ ພົບປະແລກປ່ຽນ
ຄວາມຄິດຄວາມເຫັນກັບທ່ານປະທານ ດູມາ ແຫ່ງຊາດ ລັດເຊຍ Sergei Naryshki. ພາບ: ຖົ໋ງເຍິດ/VNA



ທ່ານນາຍົກລັດຖະມົນຕີ ເຂົ້າຮ່ວມພິທີເລີ່ມການກໍ່ສ້າງໂຄງການລ້ຽງງົວແມ່ນົມ ແລະ ປຸງແຕ່ງນຳ້ນົມ
ດ້ວຍມູນຄ່າ 2,7 ຕື້ USD ໂດຍກຸ່ມບໍລິສັດ TH True Milk ຂອງ ຫວຽດນາມ
ລົງທຶນກໍ່ສ້າງ ຢູ່ແຂວງ ມົສກຸ. ພາບ: ຖົ໋ງເຍິດ/VNA

ສອງຝ່າຍເປັນເອກະພາບຈະຮັກສາການຢ້ຽມຢາມຂັ້ນສູງ, ສືບຕໍ່ສົມທົບຢ່າງແໜ້ນແຟ້ນ ແລະ ມີປະສິດທິພາບບົນບັນດາເວທີ ສາກົນ;​ ຍົກສູງຢ່າງມີປະສິດທິຜົນບັນດາກົນໄກຮ່ວມມືລະຫວ່າງສອງປະເທດ, ເປັນຕົ້ນແມ່ນຄະນະກຳມະການຮ່ວມລັດຖະບານກ່ຽວກັບການຮ່ວມມືດ້ານເສດຖະກິດ-ການຄ້າ ແລະ ວິທະຍາສາດ-ເຕັກໂນໂລຊີ, ເປັນຄູ່ເຈລະຈາຍຸດທະສາດດ້ານການພົວພັນກັບຕ່າງປະເທດ-ປ້ອງກັນຊາດ-ປ້ອງກັນ ຄວາມສະຫງົບ, ພະຍາຍາມເພີ່ມມູນຄ່າການຄ້າສອງສົ້ນໂດຍໄວ, ສົມທົບຢ່າງແໜ້ນແຟ້ນເພື່ອຜັນຂະຫຍາຍຢ່າງມີປະສິດທິພາບສັນຍາການຄ້າເສລີ ລະຫວ່າງ ຫວຽດນາມ ແລະ ພັນທະພາບເສດຖະກິດ ອາຊີ-ເອີຣົບ.
 
ເນື່ອງໃນໂອກາດນີ້, ສອງຝ່າຍໄດ້ລົງນາມໃນເອກະສານ 9 ສະບັບວ່າດ້ວຍການຮ່ວມມືໃນບັນດາຂົງເຂດຄື: ນຳ້ມັນ ອາຍແກັດ, ກະສິກຳ ແລະ ອື່ນໆ.​ ກຸ່ມບໍລິສັດນຳ້ມັນອາຍແກັດ ແຫ່ງລັດ ຫວຽດນາມ ແລະ ບັນດາກຸ່ມບໍລິສັດນຳ້ມັນອາຍແກັດແຖວໜ້າຂອງ ລັດເຊຍ ໄດ້ລົງນາມໃນບັນດາຂໍ້ຕົກລົງສະບັບໃໝ່ເພື່ອເປີດກວ້າງການຮ່ວມມື, ໃນນັ້ນ ມີບັນດາການເຄື່ອນໄຫວຂຸດຄົ້ນຂອງຝ່າຍ ຫວຽດນາມ ຢູ່ປະເທດ ລັດເຊຍ ແລະ ການເຄື່ອນໄຫວສຳຫຼວດ, ຂຸດຄົ້ນຂອງຝ່າຍ ເລັດເຊຍ ໃນໄຫຼ່ທະວີບຂອງ ຫວຽດນາມ.
 
ກ່ຽວກັບບັນຫາຢູ່ທະເລຕາເວັນອອກ, ການນຳລັດເຊຍ ສະໜັບສະໜູນການແກ້ໄຂບັນຫາຢູ່ທະເລຕາເວັນອອກ ດ້ວຍສັນຕິວິທີ,ບົນພື້ນຖານກົດໝາຍສາກົນ ແລະ ສົນທິສັນຍາຂອງສະຫະ ປະຊາຊາດວ່າດ້ວຍກົດໝາຍທະເລ 1982, ໃຫ້ຄຳໝັ້ນສັນຍາຈະສືບຕໍ່ຮ່ວມມືສຳຫຼວດ, ຂຸດຄົ້ນນຳ້ມັນອາຍແກັດໃນ ໄຫຼ່ທະວີບຂອງ ຫວຽດນາມ.
 
ກອງປະຊຸມໂຊຈີ, ບາດກ້າວພັດທະນາທີ່ສຳຄັນໃນການພົວພັນອາຊຽນ-ລັດເຊຍ
 
20 ປີຜ່ານມານັບຕັ້ງແຕ່ ອາຊຽນ ແລະ ເລັດເຊຍ ສ້າງຕັ້ງການພົວພັນຄູ່ເຈລະຈາເມື່ອປີ 1996, ການພົວພັນ ອາຊຽນ-ລັດເຊຍບັນລຸໄດ້ຫຼາຍບາດກ້າວພັດທະນາທ່ີສຳຄັນ. ເລື່ອງ ອາຊຽນ-ລັດເຊຍ ຈັດກອງປະຊຸມຂັ້ນສູງສະເຫຼີມສະຫຼອງ 20 ປີແຫ່ງວັນສ້າງຕັ້ງການພົວພັນຄູ່ເຈລະຈາ ຕາມການສະເໜີຂອງ ທ່ານປະທານາທິບໍດີ Putin  ສະແດງໃຫ້ເຫັນຄວາມຮັບຮູ້ລວມຂອງສອງຝ່າຍກ່ຽວກັບຄວາມຕ້ອງການ ແລະ ທ່າແຮງບົ່ມຊ້ອນເພ່ີມທະວີການຮ່ວມມືໃນສະຖານະການໃໝ່.  ທ່ານປະທານາທິ ບໍດີ Putin  ກໍ່ສະແດງໃຫ້ເຫັນຄວາມມຸ່ງຫວັງຂອງຕົນແມ່ນຢາກ ຍົກສູງການພົວພັນ ລັດເຊຍ-ອາຊຽນ ຂຶ້ນສູ່ລະດັບຄູ່ເຈລະຈາ ຍຸດທະສາດ.
 
ສິ້ນສຸດກອງປະຊຸມ, ບັນດາທ່ານຜູ້ນຳໄດ້ອະນຸມັດຜ່ານຖະແຫຼງ  ໂຊຈີ. ຖະແຫຼງ ໂຊຈີ ແລະ ບັນດາເອກະສານຕ່າງໆແມ່ນຂອບເຂດຈຳກັດ ແລະ ພື້ນຖານທ່ີສຳຄັນໃຫ້ແກ່ວຽກງານເພີ່ມທະວີການຮ່ວມມື ອາຊຽນ-ລັດເຊຍ ໃນໄລຍະຈະມາເຖິງ. ມັນມີຄວາມໝາຍສຸດທີ່ສຳຄັນໃນການຢືນຢັນບັນດາຫຼັກການ ແລະ ກຳນົດທິດໃຫ້ການພົວພັນສອງຝ່າຍບົນບັນດາຂົງເຂດການເມືອງ-ຄວາມສະຫງົບ, ເສດຖະກິດ-ການຄ້າ, ວັດທະນະທຳ-ສັງຄົມ, ເພີ່ມທະວີການສຳພັນ ແລະ ຊ່ວຍເຫຼືອອາຊຽນ ໃນການເຊື່ອມໂຫຍງ ແລະ ຫຍໍ້ເຂົ້າລະຍະຫ່າງ ພັດທະນາ, ປະກອບສ່ວນປັບປຸງ ແລະ ຮັກສາສະພາບ ແວດລ້ອມສັນຕິພາບ, ສະຖຽນລະພາບ ແລະ ວັດທະນາຖາວອນ ໃນພາກພື້ນ. 

ທ່ານນາຍົກລັດຖະມົນຕີ ຫງວຽນຊວນຟຸກ ພົບປະແລກປ່ຽນ ຄວາມຄິດຄວາມເຫັນ
ກັບທ່ານປະທານາທິບໍດີ ລັດເຊຍ
Vladimir Putin ທີ່ນະຄອນ ໂຊຈີ. ພາບ: ຖົ໋ງເຍິດ/VNA



ບັນດາທ່ານຫົວໜ້າຄະນະຖ່າຍຮູບຮ່ວມກັນທີ່ກອງປະຊຸມ. ພາບ: ຖົ໋ງເຍິດ/VNA


ທ່ານນາຍົກລັດຖະມົນຕີ ຫງວຽນຊວນຟຸກ ເຂົ້າຮ່ວມວາລະ ປະຊຸມຄົບຄະນະຂອງກອງປະຊຸມ. ພາບ: ຖົ໋ງເຍິດ/VNA


ພາບທັງໝົດໃນກອງປະຊຸມ.. ພາບ: ຖົ໋ງເຍິດ/VNA

ເຂົ້າຮ່ວມກອງປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກໄດ້ສະເໜີອອກຫຼາຍວິທີແກ້ໄຂເພື່ອຊຸກຍູ້ການພົວພັນຄູ່ເຈລະຈາອາຊຽນ-ລັດເຊຍ, ໃນນັ້ນ ມີບັນຫາກ່ຽວກັບການຮ່ວມມືດ້ານການເມືອງ-ປ້ອງກັນຄວາມສະຫງົບ, ເສດຖະກິດ, ການຄ້າ, ການລົງທຶນ, ພະລັງງານ, ການທ່ອງທ່ຽວ, ການສຶກສາ-ບຳລຸງສ້າງ, ວິທະຍາສາດ-ເຕັກໂນໂລຊີ, ພົບປະແລກປ່ຽນ ວັດທະນະທຳ ແລະ ປະຊາຊົນ, ຮ່ວມມືປະເຊີນໜ້າກັບການປ່ຽນແປງຂອງດິນຟ້າອາກາດ ແລະ ກັນຕ້ານໄພທຳມະຊາດ...
 
ກ່ຽວກັບສະພາບການຕ່າງໆ ໃນພາກພື້ນ, ທ່ານນາຍົກ ລັດຖະມົນຕີ ຫງວຽນຊວນຟຸກ ໄດ້ເວົ້າເຖິງບັນດາເຫດການທີ່ສັບສົນໄດ້ເກີດຂຶ້ນໃນຫວ່າງແລ້ວນີ້ ຢູ່ທະເລຕາເວັນອອກ ສ້າງຄວາມເປັນກັງວົນໃຫ້ແກ່ປະຊາຄົມສາກົນ, ບັນດາປະເທດ ອາຊຽນ, ໃນນັ້ນ ມີ ຫວຽດນາມ.
 
ທ່ານນາຍົກລັດຖະມົນຕີໄດ້ເນັ້ນໜັກ ຫວຽດນາມ ແລະ ບັນດາ ປະເທດ ອາຊຽນ ລ້ວນແຕ່ກຳນົດວ່າ ຄວາມສັນຕິພາບ, ຄວາມສະຫງົບຢູ່ທະເລຕາເວັນອອກມີຄວາມໝາຍທີ່ຈຳເປັນຕໍ່ຄວາມສັນຕິພາບ, ຄວາມສະຫງົບໃນພາກພື້ນ ແລະ ທົ່ວໂລກ, ສະນັ້ນ ຕ້ອງຮັກສາຄວາມສະຫງົບ, ຄວາມປອດໄພ, ຄວາມ ເສລີພາບຂອງການເດີນເຮືອທະເລ ແລະ ການເດີນອາກາດ; ບໍ່ຄວນນຳໃຊ້ກຳລັງແຮງ ຫຼື ກຳລັງອາວຸດ; ແກ້ໄຂຂໍ້ຂັດແຍ້ງດ້ວຍສັນຕິວິທີ, ນັບຖືຂະບວນວິວັດແຫ່ງການພົວພັນທາງການທູດ ແລະ ຫຼັກແຫຼ່ງກົດໝາຍທີ່ເໝາະສົມກັບກົດໝາຍສາກົນ, ໃນນັ້ນມີສົນທິສັນຍາຂອງສະຫະປະຊາຊາດວ່າດ້ວຍກົດໝາຍທະເລ 1982; ປະຕິບັດຢ່າງຄົບຖ້ວນ ແລະ ມີປະສິດທິຜົນຖະແຫຼງການວ່າດ້ວຍການປະພຶດຕໍ່ຂອງຝ່າຍຕ່າງໆ​ຢູ່ທະເລຕາເວັນອອກ (DOC), ສຳເລັດການກໍ່ສ້າງປະມວນກົດລະບຽບການປະພຶດຕໍ່ ຢູ່ທະເລຕາເວັນອອກ (COC).

ທ່ານນາຍົກລັດຖະມົນຕີ ຫງວຽນຊວນຟຸກ ພົບປະກັບທ່ານ ນາຍົກລັດຖະມົນຕີ ສິງກະໂປ ຫຼີຊຽນຫຼົງ. ພາບ: ຖົ໋ງເຍິດ/VNA


ທ່ານນາຍົກລັດຖະມົນຕີ ຫງວຽນຊວນຟຸກ ພົບປະກັບທ່ານ
ປະທານາທິບໍດີ ອິນໂດເນເຊຍ Joko Widodo. ພາບ: ຖົ໋ງເຍິດ/VNA



ທ່ານນາຍົກລັດຖະມົນຕີ ຫງວຽນຊວນຟຸກ ພົບປະກັບ
ທ່ານ ນາຍົກລັດຖະມົນຕີ ມາເລເຊຍ
Najib Razak. ພາບ: ຖົ໋ງເຍິດ/VNA



ທ່ານນາຍົກລັດຖະມົນຕີ ຫງວຽນຊວນຟຸກ ພົບປະກັບທ່ານ
ນາຍົກລັດຖະມົນຕີ ກຳປູເຈຍ ສົມເດັດ ຮຸນແຊນ.​ ພາບ: ຖົ໋ງເຍິດ/VNA



ທ່ານນາຍົກລັດຖະມົນຕີ ຫງວຽນຊວນຟຸກ ພົບປະກັບທ່ານ
ປະທານາທິບໍດີ ມຽນມາ Htin Kyaw. ພາບ: ຖົ໋ງເຍິດ/VNA
 
ທ່ານນາຍົກລັດຖະມົນຕີໄດ້ຍົກໃຫ້ເຫັນແຈ້ງຕໍ່ສະພາບການ ຕົວຈິງ ແລະ ຮຽກຮ້ອງໃຫ້ບັນດາປະເທດທີ່ກ່ຽວຂ້ອງຄວນ ຄວບຄຸມໃຈ, ຢຸດບັນດາການເຄື່ອນໄຫວຝ່າຍດຽວ, ຈັດຕັ້ງບັນດາການພົບປະສົນທະນາເພື່ອແກ້ໄຂຂໍ້ຂັດແຍ້ງ ແລະ ມີຜົນງານຕົວຈິງກ່ຽວກັບການກໍ່ສ້າງ COC, ນັບຖືຂະບວນ ວິວັດແຫ່ງການພົວພັນທາງການທູດ ແລະ ຫຼັກແຫຼ່ງກົດໝາຍ ທີ່ເໝາະສົມກັບກົດໝາຍສາກົນ, ເພີ່ມທະວີບັນດາວິທີແກ້ໄຂເພື່ອສ້າງຄວາມໄວ້ເນື້ອເຊື່ອໃຈ.
 
ກ່ຽວກັບບັນຫານີ້, ໃນຖະແໜງ ໂຊຈີ, ບັນດາທ່ານຜູ້ນຳ ອາຊຽນ-ລັດເຊຍ ໄດ້ເນັ້ນໜັກເຖິງຄວາມສຳຄັນ ແລະ ຜົນປະໂຫຍດ ລວມຂອງການຮັບປະກັນຄວາມສະຫງົບ, ສະຖຽນລະພາບ, ຄວາມປອດໄພ ແລະ ຄວາມເສລີພາບຂອງການເດີນທະເລ ແລະ ການເດີນອາກາດຢູ່ທະເລຕາເວັນອອກຕໍ່ສັນຕິພາບ ແລະ ການພັດທະນາໃນພາກພື້ນ ແລະ ໂລກ; ຍົກສູງຫຼັກໝັ້ນກົດເກນຂອງ ອາຊຽນ ແກ້ໄຂຂໍ້ຂັດແຍ້ງດ້ວຍສັນຕິວິທີ ບົນພື້ນຖານ ກົດໝາຍສາກົນ, ເປັນຕົ້ນແມ່ນສົນທິສັນຍາຂອງສະຫະປະຊາຊາດວ່າດ້ວຍກົດໝາຍທະເລ 1982, ບັນດາມາດຕະຖານທຳນຽມທີ່ເໝາະສົມຂອງອົງການການເດີນອາກາດພົນລະເມືອງສາກົນ (ICAO) ແລະ ອົງການການເດີນທະເລ ສາກົນ (IMO), ບໍ່ນຳໃຊ້ກຳລັງແຮງ ຫຼື ກຳລັງອາວຸດ, ປະຕິບັດຢ່າງຄົບຖ້ວນ ແລະ ມີປະສິດທິຜົນຖະແຫຼງການວ່າດ້ວຍການປະພຶດຕໍ່ຂອງຝ່າຍຕ່າງໆ​ຢູ່ທະເລຕາເວັນອອກ (DOC), ສຳເລັດການກໍ່ສ້າງປະມວນກົດລະບຽບການປະພຶດຕໍ່ ຢູ່ທະເລຕາເວັນອອກ (COC).
 
ເນື່ອງໃນໂອກາດນີ້, ທ່ານນາຍົກລັດຖະມົນຕີ ຫງວຽນຊວນຟຸກ ມີບັນດາການພົບປະເຈລະຈາກັບທ່ານຜູ້ນຳບັນດາປະເທດ ອາຊຽນ ກ່ຽວກັບການພົວພັນສອງຝ່ານ ແລະ ບັນດາບັນຫາ ທີ່ມີຄວາມສົນໃຈ. ບັນດາການພົບປະເຈລະຈາມີເນື້ອໃນເໝາະກັບຄວາມເປັນຈິງ, ແລກປ່ຽນບັນດາວິທີແກ້ໄຂຕົວຈິງ ເພື່ອຊຸກຍູ້ ການພົວພັນສອງຝ່າຍ ລະຫວ່າງ ຫວຽດນາມ ແລະ ບັນດາ ປະເທດ ອາຊຽນ. 


ອາຊຽນ ມີພົນລະເມືອງປະມານ 630 ລ້ານຄົນ, ຕົວເລກ ຈີດີປີ ປະມານ 2.570 ຕື້ USD ແລະ ຕົວເລກຂະຫຍາຍຕົວດ້ານເສດຖະກິດພັດທະນາຢ່າງໝັ້ນຄົງ.​ໃນ 5 ປີກັບມານີ້,​ ມູນຄ່າການຄ້າລະຫວ່າງ ລັດເຊຍ ແລະ ບັນດາປະເທດ ອາຊຽນ ເພີ່ມທົບສອງເທື່ອ ແລະ ບັນລຸໄດ້ຕົວເລກ 21.5 ຕື້ USD ໃນປີ 2014. ລັດເຊຍ ມີທ່າແຮງໃນດ້ານເຊື້ອເພີງ, ພະລັງງານ, ເຄື່ອງຈັກເຕັກໂນໂລຊີສູງ, ອຸປະກອນດ້ານການທະຫານ, ບັນດາຜະລິດຕະພັນ ເຄມີທາດ ແລະ ອື່ນໆ. ສ່ວນ ອາຊຽນ ມີທ່າແຮງກ່ຽວກັບຜະລິດຕະພັນກະສິກຳ ແລະ ບັນດາສິນຄ້າປະດິດສ້າງ. 


 
ປະຕິບັດໂດຍ: VNA/VNP
ບັນດາບົດທີ່ຖືກນຳສະເໜີ