28/04/2016 06:46 GMT+7 Email Print Like 0

ລັດເຊຍແລະອາຊຽນວາງອອກບັນດາທິດທາງຮ່ວມມືດ້ານປ້ອງກັນຊາດ

ທ່ານ Sergei Shoigu​, ລັດຖະມົນຕີ​ວ່າການ​ກະຊວງ​ປ້ອງ​ກັນ​ປະ​ເທດ ລັດ​ເຊ​ຍ
(ພາບ: AFP/TTXVN)
      ໃນ​ກອງປະຊຸມ​ຂັ້ນ​ລັດ​ຖະມົນຕີ​ວ່າການ​ກະຊວງ​ປ້ອງ​ກັນ​ປະ​ເທດ ລັດ​ເຊຍ ​ແລະ ບັນດາ​ປະ​ເທດ​​ສະມາຄົມ​ປະຊາ​ຊາດ​ອາຊີ​ຕາ​ເວັນ​ອອກ​ສ່ຽງ​ໃຕ້ (ອາ​ຊຽນ) ຖືກ​​ໄດ້​ດຳ​ເນີນ​ໃນ​ວັນ​ທີ 26/4, ຢູ່​ນະຄອນຫຼວງ ມົດ​ສະ​ກູ, ປະ​ເທດ ລັດ​ເຊຍ, ບັນດາ​ປະ​ເທດ​ໄດ້​ວາງ​ອອກ​ບັນດາທິດ​ທາງ​ການ​ຮ່ວມ​ມື​ຕົ້ນ​ຕໍ. ທ່ານ Sergei Shoigu​, ລັດຖະມົນຕີ​ວ່າການ​ກະຊວງ​ປ້ອງ​ກັນ​ປະ​ເທດ ລັດ​ເຊ​ຍ ​ໃຫ້​ຮູ້​ວ່າ: ຝ່າຍ​ຕ່າງໆ​ໄດ້​ວາງ​ອອກ​ບັນດາ​ທິດ​ທາງ​ເພື່ອ​ແນ​ໃສ່​ພັດທະນາ​ການ​ພົວພັນ​ຮ່ວມ​ມື​ທີ່​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍ​ດ - ກ່ອນ​ອື່ນ​ໝົດ​ແມ່ນ​ໃນ​ຂົງ​ເຂດ​ຕ້ານ​ການ​ກໍ່​ການ​ຮ້າຍ​ສາກົນ, ຄວາມ​ປອດ​ໄພ​ໃນ​ການ​ເດີນ​ເຮືອ, ໜູນ​ຊ່ວຍ​ແກ້​ໄຂ​ຜົນ​ຮ້າຍ​ຢ້ອນ​ຫຼັງ​ຈາກ​ໄພພິບັດ​ທຳ​ມະ​ຊາດ, ​ເສນາ​ຮັກ ​ແລະ ການ​ເກັບ​ກູ້​ລູກ​ລະ​ເບີດ​ບໍ່ທັນ​ແຕກ. ຜູ້ນຳ​ໜ້າ​ກະຊວງ​ປ້ອງ​ກັນ​ປະ​ເທດ ລັດ​ເຊຍ ກໍ່​ເນັ້ນ​ໜັກ​ “ບັນຊີ​ລາຍ​ຊື່​ບັນດາ​ໂຄງການ​ຮ່ວມ​ມື​ລວມລະຫວ່າງ​ກະຊວງ​ປ້ອງ​ກັນ​ປະ​ເທດ ລັດ​ເຊຍ ​ແລະ ອາ​ຊຽນ ບໍ່​ພຽງ​ແຕ່​ຢຸດຕິ​ພາ​ເທົ່າ​ນັ້ນ”. ລັດ​ເຊຍ ຈະ​ເປີດ​ກ້ວາງ​ບັນດາ​ການ​ພົບ​ປະ 2 ຝ່່າຍກັບ​ບັນດາ​ປະ​ເທດ ອາ​ຊຽນ, ພິ​ເສດ​ແມ່ນ​ການ​ຮ່ວມ​ມື​ໃນ​ຂົງ​ເຂດ​ການ​ທະຫານ ​ແລະ ​ເຕັກນິກ​ການ​ທະຫານ. ​ເພື່ອ​ຫັນ​ແຜນການ​ດັ່ງກ່າວ​ໃຫ້​ປະກົດ​ຜົນ​ເປັນ​ຈິງ, ລັດ​ເຊຍ ຈະ​ຈັດ​ຕັ້ງ​ບັນດາ​ການ​ພົບ​ປະ​ກັບ​ລັດຖະມົນຕີ​ວ່າການ​ກະຊວງ​ປ້ອງ​ກັນ​ປະ​ເທດ ບັນດາ​ປະ​ເທດ ອາ​ຊຽນ, ​ໃນ​ນັ້ນ​ປຶກສາ​ຫາລື​ລາຍ​ລະອຽດ​ບັນດາ​ບັນຫາ​ການ​ທະຫານ ​ແລະ ​ເຕັກ​ນິກການ​ທະຫານ.
(ແຫຼ່ງຄັດຈາກ VOV)