10/02/2017 10:19 GMT+7 Email Print Like 0

ລັດເຊຍແລະຫວຽດນາມສູ້ຊົນບັນລຸວົງເງິນການຄ້າ 2 ຝ່າຍໃຫ້ໄດ້ 10 ຕື້ USD ໃນປີ 2020


(ພາບ​ປະ​ກອບ​ອີນ​ເຕີ​ແນັດ)
      ໃນ​ໄລ​ຍະ​ຈະ​ມາ​ເຖິງ, ການ​ພົວ​ພ​ັນ​ລະ​ຫວ່າງ​ລັດ​ເຊຍ - ຫວຽດ​ນາມ ສຸມ​ໃສ່​ບັນ​ດາ​ໂຄງ​ການ​ບຸ​ລິ​ມະ​ສິດ​ຍຸ​ດ​ທະ​ສາດ ດ້ວຍ 2 ຂົງ​ເຂດ​ຈຸດ​ສູມ​ແມ່ນ​ການ​ພັດ​ທະ​ນາ​ເສດ​ຖະ​ກິດ​ການ​ຄ້າ ພ້ອນ​ກັ​ນ​ຮ່ວມ​ມື​ດ້ານ​ວິ​ທະ​ຍາ​ສາດ​ເຕັກ​ນິກ​ກາ​ນ​ທະ​ຫານ, ວັ​ດ​ທະ​ນະ​ທຳ ແລະ ການ​ສຶກ​ສາ. ນັ້ນ​ແມ່ນ​ຄຳ​ເຫັນ​ຂອງ​ທ່ານ Alexey Popov, ຫົວ​ໜ້າ​ສະ​ຖານ​ກົງ​ສູງ​ໃຫຍ່​ສະ​ຫະ​ພັນ​ລັດ​ເຊຍ ປະ​ຈຳ​ນະ​ຄອນ​ໂຮ່​ຈິ​ມິນ ທີ່​ການ​ປະ​ຊຸມ​ຂ່າວ​ກ່ຽວ​ກັບໝາກ​ຜົນ​ການ​ພັດ​ທະ​ນາ​ການ​ພົວ​ພັນ​ລະ​ຫວ່າງ​ລັດ​ເຊຍ - ຫວຽດ​ນາມ ໃນ​ປີ 2016, ເຊິ່ງດຳ​ເນີນ​ໃນ​ວັນ​ທີ 09/02, ຢູ່​ນະ​ຄອນ​ໂຮ່​ຈິ​ມິນ. ກຳ​ນົດ​ປ​ີ 2017 ແມ່ນ​ປີ​ມີ​ການ​ເຄື່ອນ​ໄຫວ​ຢ່າງ​ຟົດ​ຟື້ນ​ໃນ​ການ​ພັນ​ທະ​ນາ​ການ​ພົວ​ພັນ​ລັດ​ເຊຍ - ຫວຽດ​ນາມ, ທ່ານ Alexey Popov ຖື​ວ່າ, ບັນ​ດາ​ການ​ເຈ​ລະ​ຈາ​ຂັ້ນ​ການ​ນຳ 2 ປະ​ເທດ​ໃນ​ປີນີ້ ໃນ​ຂອບ​ເຂດ​ບັນ​ດາ​ກອງ​ປະ​ຊຸມ​ສາ​ກົນ​ປີ 2017 ຫຼື ບັນ​ດາ​ການ​ຢ້ຽມ​ຢາມ​ຂັ້ນ​ສູງ​ຈະ​ສ້າງ​ກຳ​ລັງ​ໜູນ​ສຳ​ຄັນ​ ຊຸກ​ຍູ້​ການ​ພົວ​ພັນ​ຄູ່​ຮ່ວມ​ມື​ຮອບ​ດ້ານ​ລະ​ຫວ່າງ 2 ປະ​ເທດ. ຄຽງ​ຂ້າງນັ້ນ, ບັນ​ດາ​ຂະ​ແໜງ​ການ, ທ້ອງ​ຖິ່ນ​ຂອງ 2 ປະ​ເທດ​ຈະ​ສືບ​ຕໍ່​ຍູ້​ແຮງ, ເປີດ​ກວ້າງ​ບັນ​ດາ​ລາຍ​ການ​ຮ່ວມ​ມື​ໃນ​ຫຼາຍ​ຂົງ​ເຂດຄື: ເຊື້ອ​ໄຟ, ພະ​ລັງ​ງານ, ວັດ​ທະ​ນະ​ທຳ, ​ການທ່ອ​ງ​ທ່ຽວ, ການ​ລົງ​ທຶນ, ການ​ຄ້າ. 2 ປະ​ເທດ​ພວມ​ມຸ່ງ​ໄປ​ເຖິງ​ຄາດ​ໝາຍ​ບັນ​ລຸ​ວົງ​ເງິນ​ການ​ຄ້າ 2 ສົ້ນໃຫ້​ໄດ້ 10 ຕື້ USD ໃນ​ປີ 2020.
 (ແຫຼ່ງຄັດຈາກ VOV)